EPHESI 4:2 - Pathien Lekhabu Inthieng (BSI)

² inngaitlâwmna le thuhnuoirawlna po po neia, hmangainaa indâwtuo puma dâwtheina neia,

EPHESI 4:2 ပူးပေါင်းရင်းမြစ်များ

INPÂKNA HLABU 138:6

Lalpa chu chunghnungtak a nia chu a mi inhnuoihai a ngaisak hlak. Mi chapohai ruok chu hlataka inthawkin a hriet hlak.

INPÂKNA HLABU 45:4

Thutak le thuhnuoirawlna le felna leiin, I mawina inbelin, aitluongtakin sakawr chunga chuongin fe pei rawh. Chuongchun, i kut changtieng chun thil râpthlâktakhai ân chûktir ding che a nih.

THUVARHAI 16:19

Mi chapohai le râllâk sum insem nêk chun, Mi inngaitlâwmhai le lungril inhnuoitaka um a ṭha lem.

THUVARHAI 3:34

Hmusittuhai chu a hmusit ngei ngei a, Inngaitlâwmhai ruok chu zângaina a pêk hlak.

THUHRILTU 7:8

Thil chu a ṭanna nêkin a tâwp chu a ṭha lem a; Lungrila zaidawthei mi chu lungrila chapo nêkin a ṭha lem.

ISAI 57:15

Mi chunghnung, chawisâng, chatuona um, a hming inthieng chun hieng ang hin a ti si a; “Kei hmun chunghnung le inthiengah ka um a, mi thuhnuoirawlhai lungril sukhar ding le insîr ngawi ngawihai lungril sukhar dingin mi lungrila insîr ngawi ngawia thuhnuoirawltak kuoma khawm ka um a nih.

ZEPHANIA 2:3

Nangni a rorêlnahai anga thawtu, hnuoi chunga zainêm po pohai, Lalpa chu zawng ro; felna chu zawng unla, zainêmna chu zawng ro; Lalpa lunginsenna nia chun thupa in um theina dingin.

ZEKARIA 9:9

Aw Zion naunu, nasatakin hlim rawh; aw Jerusalem naunu, inringtakin khêk suok rawh; en ta, i Lal chu i kuomah a hung ta hi; ama chu mi indik a nih, sandamna neiin inngaitlâwmtakin, sabengtung chungah, sabengtungtê chung ngeia hung chuongin.

NAMBAR 12:3

Mosie chu hnuoi chunga mihriem po poa zainêm tak a na.

MATTHAI 11:29

Ka rîngkawl bât unla, ka kuomah inchûk ro; thuhnuoirawl le lungrila inngaitlâwmtak ka ni hi; chuongchun, in thlarau ta dingin châwlna hmûng in tih.

MARKA 9:19

Chun, ama chun an kuomah, “Ruolthar ringna nei nawhai, ieng chen am in kuomah um ka ta? Ieng chen am ngai thei ka ti cheu a? Ama chu ka kuomah hung ṭhuoi ro,” tiin a dawn a.

THILTHAWHAI 20:19

Judahaiin an mi phierrûk leia mitthli tla le, thil rinum ka chunga tlahai tuor pumin thuhnuoirawltakin Lalpa rawng ka bâwl hlak kha.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:1

Chuongchun, eini mi hrâthai hin mâni lâwmna zawng lovin mi hrât nawhai hrât nawna ei tuorpui lem ding a nih.

1 KORINTH 13:7

iengkim a tuor hrâm hrâm a, iengkim a ring a, iengkim a beisei a, iengkim a tuor suo hlak.

GALATI 6:2

In rikphurhai chu insâwngtuo ro; chuongchun, Krista dân chu in zâwm nîng a tih.

EPHESI 1:4

Hmangainaa inthieng le, sawisêlboa ama hmaa ei um theina dingin leilung insieng hmain Kristaa chun a mi thlang a.

KOLOSSA 1:11

hlimtaka selna le dawtheina tinrêng nei dinga a ropuina hrâtzie ang peia hrâtna tinrênga sukhrâta in um theina dingin kan ngênpêk cheu.

1 TIMOTHE 6:11

Nisienlakhawm, nang Pathien mi, chuong thilhai chu tlânsan la, felna dâm, Pathien ngaisakna dâm, ringna dâm, hmangaina dâm, dawtheina dâm, thuhnuoirawlna dâm hnawt pei rawh.

2 TIMOTHE 2:25

ama khingtuhai zaidamtakin ân chûktir lem ding a nih; chuongchun, sima thutak an hung hriet theina dingin Pathienin hun remchâng a pêk el thei a nih;

JAKOB 1:21

Chuleiin, inthieng nawna po po le suol sip liem chu sie hmang unla, thu tu, in thlarau sandam thei chu thuhnuoirawl takin pawm ro.

1 PETER 3:15

Amiruokchu, in lungrilah Krista chu Lalah ruot ro; nangnia um in beiseina san chu ân dawn taphawt cheu chu dawn dingin inzosa rawp ro.

1 PETER 3:8

A tâwp taka chun, in rêngin lungril hmunkhatin um unla, inlainat tuo unla, unau angin inhmangai unla, lunginsietna nei unla, thuhnuoirawlin um ro.