EPHESI 4:19 - Pathien Lekhabu Inthieng (BSI)

¹⁹ Chuonghai chun iengkhawm an inhriet thei ta naw leiin thil inthiengnaw tinrêng duâmtaka thaw dingin hurnaah an inpumpêk ta a.

EPHESI 4:19 ပူးပေါင်းရင်းမြစ်များ

JOB LEKHABU (THE BOOK OF JOB) 15:16

Mî, khawhlona tui anga dâwntu chu, Tirdak a va umin a va pawrche zuol âwm de!

ISAI 56:11

Anih, uihai chu duâmtak an na, huntâwk ti hrim an nei ngai nawh; chuong chu berâm vêngtu thil hre theilohai an na, mâni lampui pei, mâni hlâwkna tieng seng, an ngha vawng tâwl, an rêng elin.

MARKA 7:22

inhnarna dâm, suolna dâm, hlêmna dâm, hurna dâm, îtsîkna dâm, hrilsietna dâm, chapona dâm le invêtna dâm hi;

EPHESI 4:17

Chuongchun, hi hi ka hrilin Lalpaa chun kân hriettir cheu a nih: Jentailhai chu lungril hmanglo puta an um angin um ta naw unla,

KOLOSSA 3:5

Chuongchun, nangnia um hnuoi tieng thilhai chu sukhlum ro, inditna dâm, inthieng nawna dâm, hurna dâm, châkna suol dâm, duâmna dâm hi, duâmna chu milim biekna a ni si a.

1 TIMOTHE 4:2

Chuong mi khêlhliphai chu anni sie le ṭha hrietna ngeia thîr linga bel ang an na,

1 PETER 4:3

Jentailhai dit zâwng thâwna ding le, hurnaa dâm, taksa châknaa dâm, uoin hênaa dâm, zu hmun hlimnaa dâm, zu dâwn khâwmnaa dâm, milim biekna tirdakumtaka dâma umna ding chun kha hma kha a huntâwk tah.

2 PETER 2:22

“Ui ama luok tieng a kîr nâwk a, vawkpui insilfai ta khawm chirhakah insil dingin a kîr nâwk a,” ti thuvartawi indiktak ang thu chu an chungah a hung um ta a nih.

JUDA 1:11

An chung a rik ie! Kaina lampui chu an hraw a, hlaw hmu dingin Balaam suol lampuia chun an tlân rak rak a. Kora helnaa chun an bohmang ta kha.

THUPUONGSUO 18:3

A mi dit chîng leia a lunginsenna uoin chu hnam po poin an dâwn ta si a; hnuoia lalhai chun ama chu an dit hlak a, hnuoia sumdâwngtuhai chun ân hawitir taluotna chu an hausak pha hlak,” tiin a khêk a.