EPHESI 4:16 - Pathien Lekhabu Inthieng (BSI)

¹⁶ Ama zârah taksa pumpui chun inzawmna tinrêng thaw leia inremtaka insuktuo le inzawm khâwmin, pêng tin sin thaw zie ang sengin, hmangainaa insiem ṭha dingin taksa chu a hung sukpung hlak a nih.

EPHESI 4:16 ပူးပေါင်းရင်းမြစ်များ

JOHAN 15:5

Kei grêp hrui chu ka nih, nangni a kâuhai chu in nih, tûkhawm keimaa a um zing a, kei khawm amaa ka um zingna chu, ama chu tamtakin a ra hlak; ka ṭhang naw chun iengkhawm in thaw thei si nawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:4

Taksa pumkhatah pêng tamtak ei nei a, a pêng po po sinthaw chu an âng vawng naw a;

1 KORINTH 10:17

Eini mi tamtak hi, bei tlang khat, taksa pumkhat ei ni hi; ei rêngin bei tlang khata inthawkin ei chang seng si a.

1 KORINTH 13:13

Chuongchun, hienghai pathum, ringna dâm, beiseina dâm, hmangaina dâm hi um zing a tih; chun, a hi poa a ropuitak chu hmangaina hi a nih.

1 KORINTH 8:1

Chun, milimhai kuoma inthâwina thilhai thu kha chu: Ei rêngin hrietna ei nei seng ti ei inhriet a. Hrietna hin chu mi a sukuong hlak a, lunginsietna ruok chun mi a siem ṭha hlak.

GALATI 5:22

Thlarau ra ruok chu hmangaina dâm, hlimna dâm, inremna dâm, dawtheina dâm, ngilneina dâm, ṭhatna dâm, ringumna dâm,

GALATI 5:6

Krista Isua chun sertan iengkhawm a ṭhahnem naw a, sertannaw khawm iengkhawm a ṭhahnem chuong nawh, ringna hmangainaa thaw ruok chu a ṭhahnem a nih.

EPHESI 1:4

Hmangainaa inthieng le, sawisêlboa ama hmaa ei um theina dingin leilung insieng hmain Kristaa chun a mi thlang a.

EPHESI 3:17

Krista chu ringna leia in lungril sûnga a chêng theina dingin; chuongchun, hmangainaa zung kei le, innghatna neia umin,

EPHESI 3:7

A thilthawtheina thaw zie anga, a thlâwna a pêk, Pathien lunginsietna chu a mi pêk ang peia, chu Chanchin Ṭha rawngbâwltua siem ka nih.

EPHESI 4:12

Krista taksa siem ṭha dinga, rawngbâwlna sin thawa, mi inthienghai sukfamkim dinga,

EPHESI 4:15

hmangaia thu diktak hrilin, iengkimah amaah inṭhang lien thei lem ei tih; ama chu Lu a na, Krista chu.

PHILIPPI 1:9

In hmangaina chun hriet famkimna le bengvârna tinrêng a hau nâwk zuolna dingin ka ṭawngṭai hlak hi;

KOLOSSA 2:19

Lu chu an chel tlat si naw a. Ama, Lua chun, taksa hlawmpui chu, inzawmna le khuopnahaia châwm le inzawmkhâwma umin, Pathien inṭhang liennain ân ṭhanglien hlak a ni si a.

KOLOSSA 2:2

An lungrilah thlamuongna nei a, hmangainaa insuikhâwma, kawng tinrêngah hrietchiengna hau a, Pathien thurûk, Krista ngei chu an hrietchieng thei ka nuom a nih.

1 THESSALONIKA 1:3

Ei Pathien le Pa hmaa ringna leia in sin thawzie dâm, hmangaina leia in sin inrimzie dâm, ei Lalpa Isu Krista beisei leia in selzie dâm kha theinghil lova hre zingin.

1 THESSALONIKA 2:13

Hi hi lei hin ma lovin Pathien kuomah lâwmthu kan hril bawk hlak, Pathien thu kan kuoma inthawka in hriet, in pawm lai khan, mihriem thu pawmin in pawm naw a, Pathien thu pawma in pawm lem lei khan; chu chu Pathien thu a ni hrim a, nangni a ringtuhai sûnga sin thaw hlak bawk chu a nih.

1 THESSALONIKA 3:12

Chun, nangni tienga hmangaina kan hau angin, nangni laia inhmangaituona le mi po po tienga hmangaina chu Lalpain sukpungin inhautir raw se cheu;

2 THESSALONIKA 1:3

Unauhai, nangni chungthua hin Pathien kuomah lâwmthu hril rawp ding hi kan ni hrim a; chu chu a âwm hrim a nih, in ringna chu nasataka inṭhang lienin, in rênga in inhmangai tuo sengna chu a pung nâwk zuol si a.

1 TIMOTHE 1:5

Nisienlakhawm, kâwkna san chu lungril inthieng le, sie le ṭha hrietna inthieng le, ringna taktaka inthawka hung suok hmangaina chu an nei theina dingin a nih;

1 PETER 1:22

Unauhai hmangai taktak dingin, thutak zâwma in thlarau in sukthieng ta leiin lungrila ṭhahnemngaitakin inhmangai tuo ro.

1 JOHAN 4:16

Pathienin einia hmangaina a inei chu ei hriet a, ei awi bawk a nih. Pathien chu hmangaina a nih, hmangainaa um zing chu Pathienah a um zing a, Pathien khawm amaah a um zing a nih.