EPHESI 4:10 - Pathien Lekhabu Inthieng (BSI)

¹⁰ A hung ṭum kha, iengkim a suksip theina dinga, vân po po chung daia hang fe bawk kha a nih).

EPHESI 4:10 ပူးပေါင်းရင်းမြစ်များ

MATTHAI 24:34

Titakzetin ka hril cheu hi, chuong po po chu a tlung kim hmakhat chu tulai ruoltharhai hi bo naw ni hai.

LUKA 24:44

Chun, an kuomah, “Hieng hi ka thu kha a nih, Mosie Dâna hai, Zâwlnei Lekhabua hai, Inpâkna Hla bua hai ka chanchin ziek taphawt chu a hung tlung dingzie in kuoma ka um laia ka hril hlak cheu kha,” a ta.

JOHAN 1:16

A famkimna ei chang seng, lunginsietna chunga lunginsiet nâwksâwnna leh.

JOHAN 19:24

Chuleiin, anni chun, “Kei thlêr nâwng ei tiu, tu ta tak ding am a na, ṭhum vâwr lem ei tiu,” an in ti a, Pathien Lekha Thu, “Ka silfênhai an insem a, Ka zakuo dingin ṭhum an vâwr a,” ti a tlungna dingin. Chuong thil chu sipaihaiin an thaw a nih.

JOHAN 19:28

Chu hnunga chun Isûn thil iengkim tuhin a kim tah ti a hriet a, Pathien Lekha Thu kha a tlungna dingin, “Ka dang a châr ie,” a ta.

JOHAN 19:36

Pathien Lekha Thu, “A ru pakhat khawm suktliek ni naw ni,” ti a tlungna dingin chuong thil chu a hung um tah a nih.

THILTHAWHAI 1:11

Chuonghai chun, “Galili rama mihai, iengdinga vân tieng nghaa in ngir am? Hi Isu in kuoma inthawka vân tienga ṭhuoia um hi, vâna a hang fe in hmu ang bawk hin ama ngei hi hung nâwk a tih,” an ta.

THILTHAWHAI 1:9

Chun, chuong thu chu a hril zoin an hmu zing pumin, vân tienga ṭhuoiin a um a; chun, sûmin an hmu phâk nawah a ṭhuoi hmang ta a.

THILTHAWHAI 2:33

Pathien kut changtienga chawimawiin a um a, Thlarau Inthieng tiem chu Pa kuoma inthawkin a hmu a, tuta in hmu le in hriet hi a hung buok tah a ni hi.

THILTHAWHAI 3:18

Nisienlakhawm, Pathienin zâwlnei po po bauah, Krista chun rinum a tuor ding thu ân hriettir lâwk kha; khâng ang khan ân tlungtir ta lem a nih.

2 KORINTH 12:2

Kristaa mi pakhat ka hriet, ama chu kum sâwm le pali a ni ta a, (taksain amanih a um ka hriet nawh, taksa lovin amanih a um ka hriet bawk naw a, Pathienin a hriet) vân thumna meua khin zuk lâkin a um a.

EPHESI 3:19

Krista hmangaina hriet phâk lo hriet theina nei a, Pathien famkimna tinrênga suksipa in um theina dingin.

KOLOSSA 1:19

Pa lungni zâwngtak chu hi hi a ni si a: Pathien famkimna tinrêng chu amaa a um zing le,

KOLOSSA 2:9

Amaa chun Pathien famkimna tinrêng chu taksa neiin a um zing si a.

1 TIMOTHE 3:16

Chun, Pathien ngaisakna thurûk chu sêl ruol lovin a ropui a nih: “Ama, taksaa hung inlang, Thlaraua thiem chang, Vântirkohai ihmu, Hnamhai laia tlânginsampui, Khawvêla mihai iawi, Ropuinaa zuk ṭhuoi ta chu,”

HEBRAIHAI 4:14

Chuongchun, vânahai fe thleng tah, Thiempu Laltak ropuitak, Isu Pathien Naupa chu ei nei leiin, ei thuring hi pawm tlat ei tiu.

HEBRAIHAI 7:26

Chuong ang, Thiempu Laltak, mi inthieng, sawisêlbo, inthieng nawna kai lo, mi suolhai laia inthawka a tuma um, vânhai nêka chunghnung lema siem ta chu ei ta dingin a âwm hrim si a.

HEBRAIHAI 8:1

Chuongchun, ei thu hrilhai laia a pawimaw tak chu hi hi a nih: Chuong ang, thiempu Laltak, vânahai khin Ropuitak lalṭhungpha chang tienga hang ṭhung chu ei nei a nih;