EPHESI 3:16 - Pathien Lekhabu Inthieng (BSI)

¹⁶ A ropuina hauzie ang peiin, a Thlarau zârah mihriem sûngril tienga chun thilthawtheinaa sukhrâta ân umtir theina ding cheu le,

EPHESI 3:16 ပူးပေါင်းရင်းမြစ်များ

JOB LEKHABU (THE BOOK OF JOB) 23:6

A thilthawtheina ropui le chun a mi kal ding am a nih? Kal lo e, kei chu mi ngaisak lem a tih.

INPÂKNA HLABU 138:3

Ka ko ni che khan nangin i mi dawn a, Ka hringna sukhrâtin i mîn fui a,

INPÂKNA HLABU 28:8

Lalpa chu an hrâtna a na, A hrieknâl ta ding chun sandamna kulbîng a nih.

ISAI 41:10

ṭi naw ro, kei in kuomah ka um si a; lunginzîng naw ro, kei in Pathien ka ni si a; sukhrât ka ti cheu a, anih, ṭhangpui ka ti cheu, anih, ka felna kut changtiengin chel zing ka ti cheu.

JEREMIA 31:33

Amiruokchu, chuong nihai hnunga Israel sûngkuo le thuthlung ka siem ding chu hi hi nîng a tih, Lalpa chun a tih: an sûngrilahai chun ka dân chu sieng ka ta, an lungrilahai chun ziek bawk ka tih; chun, an Pathien nîng ka ta, anni chu ka mihai nîng an tih,

ZEKARIA 10:12

Chun, anni chu Lalpaa chun sukhrât ka ta, chun, ama hmingin a suk a tungin fe tâng an tih, Lalpa chun a tih.

MATTHAI 6:13

Suol dinga thlêmnaa chun mi ṭhuoi lût naw la, Mi suol laka chun mi sanhim lem rawh. “Ramhai, thilthawtheinahai, ropuinahai, chatuona i ta a ni si a, Amen.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:29

Amiruokchu, ân lang el ni lova Juda mi ni chu Juda tak a nih; chun, sertan tak chu lungril tienga tan a nih, Lekha thu ela ni lovin, Thlarauah a nih; ama chun mihriem inpâk a hlaw naw a, Pathien inpâk a hlaw lem hlak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:22

Ka lungril takin Pathien dân chungah ka lâwm si hlak a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:23

Lunginsietna bêl, ropui dinga a lo buotsai lâwkhai chunga chun a lunginsietna hau zie ân entir theina ding a ni phawt chun.

1 KORINTH 16:13

Invêng unla, ringnaa chun ngîr det unla, insukhuoi unla, hrâttakin um ro,

2 KORINTH 12:9

Chun, ama chun ka kuomah, “Ka lunginsietna i ta dingin a hun deh, ka thilthawtheina hi hrâtnawnaah i sawnnaw sukfamkima a um,” a ti ta a. Chuongchun, Krista thilthawtheina chu ka chunga a um theina dingin, lâwmtakin ka hrâtnawnahai hi suong lem tâng ka tih.

2 KORINTH 4:16

Chuleichun, kan dawl naw a, kan puotieng mihriem hi hung awngrawp tieu tieu sien khawm kan sûng tieng mihriem chu ni tin siem thar peiin a um lem a nih.

EPHESI 1:18

Chuongchun, in lungril mithai sukvara umin hieng hi hung hre thei in tih:

EPHESI 1:7

A thisen leiin amaa chun ei intlanna ei nei a nih a lunginsietna hauzie ang peia ei bawsietnahai ngaidamna chu.

EPHESI 2:7

Chuongchun, hun la hung tlung dinghaia chun Krista Isua hin ei chunga ngilneiin, a lunginsietna nasatzie chu inentir thei a tih.

EPHESI 3:15

(Pa hnuoi le vâna sûngkuo tinrêng hming chawina chu);

EPHESI 3:8

Kei mi inthieng po po laia chîntak nêka chîn lem kuoma hin chu lunginsietna chu pêk a nih: Krista hausakzie suisuok ruollohai chanchin chu Jentailhai kuoma hril ding le,

EPHESI 6:10

A tâwp taka chun Lalpaa le a hrâtna thahruia chun thilthawtheina neiin um ro.

PHILIPPI 4:13

A mi sukhrâttu Krista zâra chun iengkim ka thaw thei a nih.

PHILIPPI 4:19

Chun, ka Pathien chun Krista Isua a ropuina hauzie ang peiin, in tlâksamna tinrêng khawm phuhrûkpêk a ti cheu.

KOLOSSA 1:11

hlimtaka selna le dawtheina tinrêng nei dinga a ropuina hrâtzie ang peia hrâtna tinrênga sukhrâta in um theina dingin kan ngênpêk cheu.

KOLOSSA 1:27

Chuonghai kuoma chun Jentailhai lai chu thurûk ropuina hauzie chu Pathienin inhriettir a nuom hrim a nih: chu thurûk chu Krista nangnia um ropuina beisei san chu a nih.

KOLOSSA 2:2

An lungrilah thlamuongna nei a, hmangainaa insuikhâwma, kawng tinrêngah hrietchiengna hau a, Pathien thurûk, Krista ngei chu an hrietchieng thei ka nuom a nih.

2 TIMOTHE 4:17

Chanchin Ṭha keima leia hril kima a um theina ding le, Jentailhai po poin an hriet theina dingin, Lalpa chun a mi ṭan a, a mi sukhrât ta lem a nih; chun sakeibaknei baua inthawk kha sansuokin ka lo um ta a nih.

HEBRAIHAI 11:34

Hrât nawnaa inthawka hrâttaka siemin an um a, indonaa chun mi hrât khawkhêng an lo na, hnam dang indo pâwlhai an intlânsiettir a.

1 PETER 3:4

lungrila mihriem thupa um, lungril thuhnuoirawl le nuninnêm silfên se thei lova inthuom ni lem raw se, chu chu Pathien mithmu chun a hlu bêk bêk a nih.