EPHESI 3:10 - Pathien Lekhabu Inthieng (BSI)

¹⁰ Chuongchun, tulaia vân hmunhaia khin inlalna le thuneinahai kuoma chun, Pathien varna tinrêng kohranhai leiin inhriettirin um thei a tih;

EPHESI 3:10 ပူးပေါင်းရင်းမြစ်များ

INPÂKNA HLABU 103:20

A vântirkohai, a thu ngaia, a thu zâwma, hrâtnaa ropui hlakhai, Lalpa chu inpâk ro.

INPÂKNA HLABU 104:24

Aw Lalpa, i thilthawhai chu a va tam de! Varnain i siem vawng a nih: Leihnuoi hi i hausaknain a sip a ni hi.

EZEKIEL 3:12

Chun, thlarau chun a mi dawm kâng a, ka hnungtieng chun râwl ri nasatak ang ka hriet a, “Ama hmuna inthawka suok Lalpa ropuina chu inpâkin um raw se,” tiin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:33

Pathien hausakzie, a varna le hrietna hauzie chu a vân thûk de! A rorêlnahai chu hriet thei ruol le, a lampuihai chu sui thei ruol a va ni naw de!

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:38

Chiengtakin ka hriet a nih; thina dâm, hringna dâm, vântirko dâm, inlalna dâm, thil umsa le a la um ding dâm,

1 KORINTH 1:24

Amiruokchu, Judahai khawm ni sienla, Grikhai khawm ni sienla, kohai ta ding chun Krista Pathien thilthawtheina le Pathien varna chu a nih.

1 KORINTH 2:7

Pathien thu var thurûk chu kan hril lem hlak a nih, thu var inthup, ei ropuina dinga Pathienin khawvêl um hmaa a ruot lâwk ta chu.

EPHESI 1:23

kohran chu a taksa a nih, iengkim tinrênga suksiptu famkimna chu.

EPHESI 1:3

Ei Lalpa Isu Krista Pathien le Pa chu inpâkin um raw se. Ama chun vân hmunhaia thlarau tieng malsâwmpêkna tinrêngin Kristaa chun mal a mi sâwm a.

EPHESI 1:8

Chu lunginsietna chu amain vartak le remhretakin a mi vur a nih:

EPHESI 6:12

Ei ibuonhai hi taksa le thisen an ni si naw a; inlalnahai le thuneinahai le, hi inthim chunga khawvêl rorêltuhai le, vân hmunhaia thlarau suol umhai chu an ni lem.

KOLOSSA 1:16

Amaa chun iengkim siem a ni si a; vâna umhai, hnuoia umhai leh, hmu thei lo le hmu theihai le chun, lalṭhungphahai khawm, rorêlnahai khawm, inlalnahai khawm, thuneinahai khawm, iengkim amaa chun, ama ta ding bawka siem a nih.

KOLOSSA 2:10

Amaa chun in famkim ta bawk a, ama chu inlalna le thuneina po po lu a nih.

KOLOSSA 2:15

Chun, inlalna le thuneinahai chu hlîp thlain, chu krawsa chun chuonghai chu hnein, ân langa inhriettirnain a hmang ta a.

1 TIMOTHE 3:16

Chun, Pathien ngaisakna thurûk chu sêl ruol lovin a ropui a nih: “Ama, taksaa hung inlang, Thlaraua thiem chang, Vântirkohai ihmu, Hnamhai laia tlânginsampui, Khawvêla mihai iawi, Ropuinaa zuk ṭhuoi ta chu,”

1 PETER 1:12

Chuong thu chun mani rawng inbâwl lovin, nangni rawng an bâwl lem ti an kuomah inhriettir a ni tah. Chuong thu chu vâna inthawka tirsuok Thlarau Inthieng ṭhangpuiin, Chanchin Ṭha hriltu cheu khan tuhin an hril cheu a, chuong thil chu vântirkohaiin bi an nuom hlak a nih.

1 PETER 3:22

Isu Krista chu vâna fein, Pathien chang tieng a um a, vântirkohai dâm, thuneina dâm, thilthawtheina dâm, ama thu thua inumtirin a um.