EPHESI 3:1 - Pathien Lekhabu Inthieng (BSI)

¹ Chuleichun, kei Paula, nangni Jentailhai leia Krista Isu mi intâng hin.

EPHESI 3:1 ပူးပေါင်းရင်းမြစ်များ

LUKA 21:12

Nisienlakhawm, chuong po po tlung hma chun, man an ti cheu a, inkhâwmna ina mihai le intângna ina mihai kuoma ṭhuoiin suknawmnâng an ti cheu, keia hmingin lalhai le hotuhai hmaah ṭhuoi an ti cheu.

THILTHAWHAI 21:33

Chun, hotu laltak chun a hung hnai a, Paula a chel a, khaidiet pahni inbuntir ding thu a pêk a; tû am a ni, ieng am a thaw ân dawn a.

THILTHAWHAI 23:18

Chuongchun, sipai hotu laltak kuoma chun a va ṭhuoi a, “Paula intâng khan a mi ko a, hi tlangvâl hi i kuoma hung ṭhuoi dingin a mi tir a, i kuomah thu ieng amanih hril ding a nei a ni âwm ie,” a ta.

THILTHAWHAI 26:29

Paula chun, “Sâwt sienla, sâwt naw sienla, nang chau ka ti naw a, vawisûna ka thu hretuhai po po khawm hi, keia ang bawka um dingin Pathien kuomah ka hni a nih, kawlhai ruok hi chu bun ve lovin,” a ta.

THILTHAWHAI 9:15

Nisienlakhawm, Lalpa chun a kuomah, “Fe el rawh, Jentailhai, lalhai, Israel mipuihai kuoma ka hming put lûtna dinga ka bêl ruot a nih.

2 KORINTH 1:6

Nisienlakhawm, rinuma kan um leh nangnirawi thlamuongna ding le sandamna ding a na, thlamuonga kan um leh nangni thlamuong vena ding a nih; chu chun ka rinum tuor bawk hi seltaka in tuornaa chun a thaw hlak a nih.

2 KORINTH 10:1

Chun, kei Paula, nangni laia in mithmua thuhnuoirawltaka um a, nangni laia umnaw phingleh nangni tieng zuom si hlak ngei hin, Krista zaidamna le nunnêmnain ka ngên cheu.

2 KORINTH 11:23

Krista rawngbâwltuhai an ni maw? (invêt angin hang hril ka tih) ka ni lem hman hman a nih: sin thaw inrimnaahai nasa nâwk zuolin, intângna ina intângnaahai nasa nâwk zuolin, tiem sênglo vuoknahai, thi el theina vawi tamtak ka tuok a nih.

GALATI 5:11

Unauhai, keiin sertan thu ka la hril rawp si chun, ieng dinga suknawmnata la um rawp am ka na? Chuong ang a ni si chun kraws insuina chu sukbo ni tâng a tih.

GALATI 5:2

Ngai ta u, kei Paulain in kuomah ka hril hi, ser in intantir chun Krista chu in ta dingin iengkhawm ṭhahnemna ni naw nih.

GALATI 5:24

Chun, Krista Isu mihai chun tisa chu a suol ngaituona le a châknahai pumin an hemde tah.

EPHESI 3:11

ei Lalpa Isua thaw a itum, a chatuon remruot ang pei chun.

EPHESI 3:13

Chuongchun, nangni leia rinum ka tuornahai lei hin beidawng lo dingin ka ngên cheu; chuonghai chu in ropuina a nih.

EPHESI 3:8

Kei mi inthieng po po laia chîntak nêka chîn lem kuoma hin chu lunginsietna chu pêk a nih: Krista hausakzie suisuok ruollohai chanchin chu Jentailhai kuoma hril ding le,

EPHESI 4:1

Chuongchun, kei Lalpaa mi intâng hin ka ngên cheu, a kona cheu chu phua um dingin,

EPHESI 6:20

chu kawnga chun ka thu hril ding ang chu huoitaka ka hril theina dingin. Chu Chanchin Ṭha palai khaidiet bun ka nih.

PHILIPPI 1:7

Nangni po po tienga chuong ang lungril put chu keia ta ding chun a âwm hrim a nih, lungrila ka vawn cheu leiin; ka kawl bunnahai, Chanchin Ṭha thiemna thu ka hrilna le ka sukdetnahaia khawm in rêngin lunginsietna chu a mîn ṭâwmpuituhai in ni si a.

KOLOSSA 1:24

Tuta ka tuorpêkna cheua hin ka lâwm a, Krista rinum tuor bâk chu a taksa leiin ka taksaa hin ka sunzawm pei a nih, a taksa chu kohran hi a nih.

KOLOSSA 4:18

Kei Paulain kut ngeia chibai ka bûkna cheu a ni hi, ka kawl bunhai hi hre zing ro. Lunginsietna in kuomah um raw se.

KOLOSSA 4:3

Khuopa ka umna san, Krista thurûk chu hril dinga Pathienin thu ta dinga kawt a mi hawngpêk theina dingin, kei ngei khawm mi ṭawngṭai pêk ro;

2 TIMOTHE 1:16

Lalpa chun Onesiphora sûnghai kuomah zângaina pe raw se; ama chun a mi sukhar rawp a, ka khaidiet bun khawm a mîn zâpui si naw a.

2 TIMOTHE 1:8

Chuongchun, ei Lalpa thu inhriettirna chu inzâpui naw la, ama mi intâng kei khawm hi mîn zâpui bawk naw rawh. Chanchin Ṭha leia rinum hi Pathien thilthawtheina ang angin mi tuorpui lem rawh.

PHILEMON 1:1

Paula Isu Krista mi intâng le ei unaupa Timothe chun:

PHILEMON 1:23

Epaphra, Krista Isua ka intângpuipa hin chibai a bûk che:

PHILEMON 1:9

hmangaina leiin (Paula tarsie rau lo ni tah, tuta Krista mi intâng ni bawk hin) a ngênin ka ngên lem che,

THUPUONGSUO 2:10

I tuor dinghai hi ṭi naw; ngai ta, fiea i um theina dingin, Diebol chun nangni laia mi ṭhenkhat intângna inah a khum ding cheu a nih; chun, ni sâwm rinum tuor in tih. Thi chenin ringumin lo um rawh, chuongchun, hringna lallukhum pêng ka ti che.