EPHESI 2:4 - Pathien Lekhabu Inthieng (BSI)

⁴ Nisienlakhawm, Pathien chun lunginsietna a hauin, a mi hmangaina nasatak lei khan,

EPHESI 2:4 ပူးပေါင်းရင်းမြစ်များ

NEHEMIA 9:17

an awi nuom naw a, anni laia i thilmak thawhai khawm chu an hriet nuom ta bawk naw a; an insukkâwmaw a, an helin an suok nina tienga lêt nâwk dingin hotu an ruot lem a; amiruokchu, nang chu ngaidam dinga inzosa zing Pathien, mi lunginsiet thei, lainatnaa sip, lung inuoi, zainêmna hau i na, anni chu i nghatsan chuong naw a.

INPÂKNA HLABU 145:8

Lalpa chu mi lunginsiet thei, lainatnaa sip, Lunginuoi, ngilneina nasatak nei a nih.

INPÂKNA HLABU 51:1

Aw Pathien, i zainêm ang peiin mi lunginsiet la, I lainatna nasatzie ang peiin ka bawsietnahai hi thaihmang rawh.

INPÂKNA HLABU 86:15

Nisienlakhawm, aw Lalpa, nang chu Pathien, lainatnaa sip, mi lunginsietthei, Lunginuoi, zainêm le thutak hau i nih.

INPÂKNA HLABU 86:5

Lalpa, nang chu i ṭha a, ngaidam i pei a, A kotuhai che phawt kuomah zainêmna i hau si a.

FESUOKNA 33:19

Chun, ama chun, “Ka ṭhatna po po i hmaah fêng a ta, ka hming ‘Lalpa chu’ i hmaah puongdar ka tih; ka lunginsiet dinghai chu lunginsiet ka ta, za ka ngaina dinghai chunga chun za ngai ka tih.

ISAI 63:7

Lalpain thil iengkima a mi vur ang peiin Lalpa zainêmzie thuhai le Lalpa inpâkna thuhai chu hril ka tih; a lunginsietnahai ang pei le a zainêmna nasatzie ang peia Israel sûnghai chunga a ṭhatna nasataka an chunga a vur thu khawm kha hril bawk ka tih.

JEREMIA 31:3

Lalpa chu hlataka inthawkin a kuomah a hung inlâr a. Kumkhaw hmangaina chun ka hmangai che a, chuleiin, lunginsietna ngilneina chun ka hîp che a.

DANIEL 9:9

Zângaina le ngaidamna chu Lalpa kan Pathien ta a nih; ama chunga chun kan lo hel ta si a;

JONA 4:2

Lalpa kuoma chun a ṭawngṭai a, “Aw Lalpa⁠, ka ngên che, hi hi ni lo am a ni kan rama ka um laia ka hril kha? Hi lei hin Tarsis tieng khan ka tlân hmang a ni kha, nang chu lunginsietna hau, hremnaa inthawka inlêt nâwk hlak i ni ti ka hriet a.

LUKA 1:78

Ei Pathien lunginsietna leiin, Chungtienga inthawkin nisa suokin mi hung sir a ta,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:12

Juda le Grik mihai chu ienga khawm an danglam chuong si naw a. Lalpa pakhat an rênga chunga Lalpa a nih; ama lamtuhai po chunga chun ṭhatna a hau si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:4

Annawleh, Pathien ṭhatnain simna dingin a ṭhuoi hlak che ti hre lovin, a ṭhatna hauzie le, a en theizie le, a zaidaw theizie dâm chu i ngainêp am a nih?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:8

Nisienlakhawm, Pathien chun a mi hmangaina chu inpâk tlâkin ân langtir a, mi suolhai ei la ni laia Krista eini aia a thinaa khan.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:23

Lunginsietna bêl, ropui dinga a lo buotsai lâwkhai chunga chun a lunginsietna hau zie ân entir theina ding a ni phawt chun.

EPHESI 1:7

A thisen leiin amaa chun ei intlanna ei nei a nih a lunginsietna hauzie ang peia ei bawsietnahai ngaidamna chu.

EPHESI 2:7

Chuongchun, hun la hung tlung dinghaia chun Krista Isua hin ei chunga ngilneiin, a lunginsietna nasatzie chu inentir thei a tih.

EPHESI 3:8

Kei mi inthieng po po laia chîntak nêka chîn lem kuoma hin chu lunginsietna chu pêk a nih: Krista hausakzie suisuok ruollohai chanchin chu Jentailhai kuoma hril ding le,

2 THESSALONIKA 2:13

Unau, Lalpa idittakhai, Thlarau isukthiengnaa le thutak ring leia sandama um dingin a tîra inthawka Pathienin a thlang cheu leiin, in chungthua hin Pathien kuomah lâwmthu hril rawp ding hrim kan nih.

1 TIMOTHE 1:14

chun ei Lalpa lunginsietna chu ringna le Krista Isu hmangainain nasatakin a liem ta a.

2 TIMOTHE 1:9

Ama chun ei thilthawhai ang ni lovin, ama ruot le a lunginsietna ang lemin a mi sandam a, kona inthiengin a mi ko bawk a, chu lunginsietna chu leilung insieng hmâin Krista Isua chun ei kuoma pêk a ni tah;

1 PETER 1:3

Ei Lalpa Isu Krista Pathien le Pa chu inpâkin um raw se. Ama chun, a lunginsietna nasatak angin, mithi laia inthawka Isu Krista thonâwkna leiin beiseina hring hmu dingin nauvin a mi nei nâwk a,