EPHESI 2:2 - Pathien Lekhabu Inthieng (BSI)

² chuongahai chun inhma khan hi khawvêl dân angin in um kha, boruoka thuneina lal, tuta awinaw nauhai sûnga sin thaw zingtu thlarau dân ang hin.

EPHESI 2:2 ပူးပေါင်းရင်းမြစ်များ

JOB LEKHABU (THE BOOK OF JOB) 1:16

Ama chun a la hril zing laiin mi dang khawm a hung ve a, “Vâna inthawkin Pathien mei a hung tla a, berâm ruol le siehlawhai chu a kâng a, a kâng hmang vawng tâwl el a; chuongchun, kei chau a hril ding chein ka hung suok a nih,” a ta.

JOB LEKHABU (THE BOOK OF JOB) 1:19

ngai ta, thlalêr tienga inthawkin thli nasatak el a hung a, in kil lia chun a mût a, tlangvâlhai chu a tlûk khum a, an thi vawng ta a; a hril ding chein kei chau hi ka hung suok a nih,” a ta.

JOB LEKHABU (THE BOOK OF JOB) 1:7

Lalpa chun Setan kuoma chun, “Nang khâwtienga inthawka hung am i na?” a ta. Setan chun Lalpa chu a dawn a, “Hnuoia kân vâk vêlnaa le chutaka a suk a tunga inlawnnaa inthawkin,” a ta.

JOB LEKHABU (THE BOOK OF JOB) 31:7

Ka kalchawi chun lampui a pêtsan a, Ka lungrilin ka mithai chu a zui bawk chun, Ka kuthaiah kaidum hrim a um phawt chun;

INPÂKNA HLABU 17:14

Aw Lalpa, i kutin mihriemhaia inthawkin, Khawvêl mihriemhaia inthawk hin sanhim la, Anni chanvo chu hi dam sûnga an nei hi a na, An phîng chu i roin i suksippêk hlak a; Nauhai lungawi tâwk zetin an nei a, An sum hmang mahla chu an nautesenhai an thisanpêk hlak.

ISAI 30:1

Lalpa chun, “Nau helhmanghai chu an chung a rik ie! chuonghai chun mi an râwn a, kei ruok chu an mi râwn si naw a, an suol chunga suol an belsana dingin inkhumnain an inkhum a, ka thlarau thu ruok chun an inkhum si naw a;

ISAI 57:4

Tu am nuiza siemna dingin in hmang hlak a? Tu am in hner in phen khum a, in lei in thlâk khum hlak a? Bawsietna nau, khêlinhlipna thlahai ni lo am in nih?

JEREMIA 23:10

Ram chu uirehaiin an sip a, ṭawngsie lei chun ram chun a sûn a; thlalêra hlo petna hmunhai khawm chu a ṭâwl zo a; an lampuihai chu a ṭha naw a, an hrâtna khawm chu ân dik nawh.

HOSEA 10:9

Aw Israel, Gibea nihaia inthawk ta khan i suol ta a; Chutaka chun an la ngîr zing a; Rîtlona nauhai dona chun Gibea ngeiah chun a hnawtphâk tâwl naw ding maw?

LEVI DÂN 11:16

ostrik dâm, vabak dâm, tuipui pelêu dâm, mu chi hrim hrim dâm,

MATTHAI 11:19

Mihriem Naupa a hung a, a fâkin a dâwn a, ‘En ta u, bu he mi, uoin he mi, siedâwltuhai le mi suolhai ruolpa saw,’ an ti si a. Nisienlakhawm, Varna chu a thilthawhaiin thiem ân changtir,” a ta.

MATTHAI 13:22

Chun, hlohlingnei laia the chu, thu hretu a na; nisienlakhawm, khawvêl lungkhamna le hausakna hlêmna chun thu chu a dîp a, ra lovin a um hlak.

MATTHAI 13:38

Lo chu khawvêl hi a na; chi ṭhahai chu Ram nauhai an na; bu tehlêmhai chu suol nauhai an nih.

MARKA 4:19

nisienlakhawm, khawvêl lungkhamnahai, hausakna hlêmnahai, thil dang châknahai chu a hung lût a, thu chu a dîp a, ra lovin a lo um hlak.

LUKA 16:8

Chun, a pu chun, sum enkawltu fel naw chu a rem hriet leiin ân pâk ta a; var nauhai nêkin khawvêl nauhai hi an tulai dâna hin an var lem a nih.

LUKA 22:31

“Simon, Simon, ngai ta, Setanin, bu rel anga a rel theina ding cheuin, nangni rawi hi a hni cheu annaw;

JOHAN 12:31

Tuhin hi khawvêl hi ngaituo lai a nih; tuhin hi khawvêl lal hi pei suok nîng a tih.

JOHAN 13:2

Chun, zânbu fâk laiin, (chu hma khawm chun diebolin Simon naupa Iskariot Juda chu Isu inmantir dingin ân lungriltir a,)

JOHAN 13:27

Chun, bei hlek chu a pêk hnungin a sûngah Setan chu a lût nghâl ta a. Chuongchun, Isûn a kuomah, “I thaw ding chu thaw vak rawh,” a ta.

JOHAN 14:30

In kuomah thu hril nâwk mang ta naw ning, khawvêl lal a hung ding a ni si a, ama chun keimaah iengkhawm a nei nawh,

JOHAN 15:19

Nangni khawvêla mi ni unla, khawvêlin amaa mi a hmangai ding bah; khawvêla mi in ni si naw a, khawvêla inthawka ka thlang suok lem cheu leiin, khawvêlin a theida cheu a nih.

JOHAN 16:11

rorêl thua dâm thiemnaw chang an tih, hi khawvêl lal hi inthiemlova a tlûk ta leiin.

JOHAN 7:7

Khawvêlin nangni an theida thei naw cheu, kei ruok chu an mi theida hlak, an thilthawhai a suol ti ka hrilfie hlak leiin.

JOHAN 8:23

Ama chun an kuomah, “Nangni hnuoi tienga inthawka suok in nih, kei chu chung tienga suok ka nih; nangni hi khawvêla suok in nih, kei chu hi khawvêla suok ka ni nawh.

JOHAN 8:44

Nangni chu in pa Diebola inthawka suok in na, in pa dit zâwng thaw in nuom a nih. Ama chu a tîra inthawk tuolthattu a nih, thutakah a ngîr ngai nawh, a sûngah thutak hrim a um naw leiin. Khêl thu a hrilin a mizie dungzuiin a hril hlak, khêlhlip a ni si; thukhêl pa khawm a nih.

THILTHAWHAI 19:35

Chun, khaw lekhaziektuin mipui chu a vaudei zo chun, “Ephesia mihai, Diana ropuitak biekin le vâna inthawka milim tla kha, Ephesia mihai hi a vêngtu in ni ti, tû am a hre naw an um a?

THILTHAWHAI 5:3

Nisienlakhawm, Peterin, “Anania, Thlarau Inthieng hlêm ding le, hnuoi man a ṭhen ip dingin iengdinga Setanin i lungril a suksip am a na?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:2

Hi khawvêl dân ang hin um naw unla, Pathien dit zâwng a ṭha le lâwmtlâk le ṭha famkim chu in hriet chieng theina dingin, in lungril a thara umin, hung danglam lem ta ro khai.

1 KORINTH 5:10

hi khawvêla indit hmanghai amanih, duâm le hlêpruhai amanih, milim betuhai amani chu pâwl dêr lo ding ti ka ni naw a, chuongchu ni sien la khawvêla inthawka fe suok ngei ding in ni ding a ni si a.

1 KORINTH 6:11

Chun, nangni ṭhenkhat chuong ang mi in ni hlak kha; nisienlakhawm, Lalpa Isu Krista hminga le ei Pathien Thlaraua sâwpfai in ni ta a, sukthieng in ni ta a, thiemchang in ni tah.

2 KORINTH 4:4

Krista Pathien angpui, a ropuizie Chanchin Ṭha var chun anni a sunvar thei nawna dingin chuongahai chun khawvêl pathienin awinawhai mit a sukdel ta a.

GALATI 1:4

ama chun ei Pathien le ei Pa remtizâwngin tulai khawvêl suoltaka a mi san suok theina dingin, ei suolhai aiin ama ân pêk ta si a;

EPHESI 2:11

Chuleiin, hi hi hre zing ro: Inhmaa nangni pieng dâna Jentail, taksa kuta hmanga “Sertan” an tihaiin, “Sertannaw,” an tihai,

EPHESI 2:13

Tu ruok hin chu Krista Isuah, nangni inhmaa hlataka umhai kha, Krista thisen chun sukhnaiin in lo um ta a.

EPHESI 2:3

Chuong ringnaw nauhai laia chun, eini khawm inhma chun tisa le lungril nuomzâwng thawin, ei tisa châknahai angin ei um vawng a, mi danghai angin lunginsenna naua insieng hrim ei ni kha.

EPHESI 4:17

Chuongchun, hi hi ka hrilin Lalpaa chun kân hriettir cheu a nih: Jentailhai chu lungril hmanglo puta an um angin um ta naw unla,

EPHESI 4:22

Chuleiin, in tienlai umdân kawnga mihriem hlui, hlêmna châknaa se deu deu kha hlîp thla unla;

EPHESI 5:6

Tûkhawmin thu teplo mei meiin hlêm naw raw se cheu, chuong thil lei chun Pathien lunginsenna chu ringnaw nauhai chungah a tlung hlak si a.

EPHESI 5:8

Inhma khan inthim in na, tu ruok hin chu Lalpaa chun var in hung ni ta hi, var nauhai angin um ro,

EPHESI 6:12

Ei ibuonhai hi taksa le thisen an ni si naw a; inlalnahai le thuneinahai le, hi inthim chunga khawvêl rorêltuhai le, vân hmunhaia thlarau suol umhai chu an ni lem.

KOLOSSA 1:21

Chun, nangni inhmaa in thil suksuolnaa khan amaa inthawka ṭhein in lo um a, in lungrila chun hmêlma in lo ni bawk kha.

2 TIMOTHE 4:10

Dema chun tulai khawvêl hi a ngainat leiin a mi mâksan ta a. Thessalonikaah a fe ta si a; Kreske chu Galati ramah a fe ta a, Tita chu Dalmati ramah a fe ta bawk a, Luka chau ka kuomah a um tah.

JAKOB 1:27

Ei Pathien le Pa mithmua sakhaw biek dân inthieng le, suol ṭhang naw chu hi hi a nih, fahra le hmeithaihai an rimsik laia kan le, khawvêl inthieng nawna kai lova insiem hi.

JAKOB 1:7

Chuong ang mi chun Lalpa kuomah iengkhawm hmu inring naw raw se,

JAKOB 4:4

Nangni uirenuhai, khawvêl ruol nina hi Pathien hmêlma nina a ni ti in hriet naw am a nih? Chuongchun, tûkhawm khawvêl ruol ni nuom taphawt chu Pathien hmêlmaah ân siem hlak a nih.

1 PETER 1:14

nau tiawihai angin, in hriet naw laia in tienlai châknahai anga um lovin;

1 PETER 4:3

Jentailhai dit zâwng thâwna ding le, hurnaa dâm, taksa châknaa dâm, uoin hênaa dâm, zu hmun hlimnaa dâm, zu dâwn khâwmnaa dâm, milim biekna tirdakumtaka dâma umna ding chun kha hma kha a huntâwk tah.

2 PETER 2:14

mit uirea sip, suol bân thei nawhai an nei a; mi det nawhai an thlêm thlûk a; inhnar hmang lungril an put a; ṭawngsephur nauhai an nih.

1 JOHAN 3:10

Hitaka hin Pathien nauhai le Diebol nauhai ân hriet a nih; tûkhawm felna thaw naw chu Pathiena inthawka suok a ni naw a, a unau hmangai naw khawm chu Pathiena inthawka suok a ni bawk nawh.

1 JOHAN 3:8

Thil suksuoltu chu Diebola suok a nih; Diebol chun a tîra inthawkin thil a suksuol si a, Pathien Naupa hung inlang san tak chu Diebol sinthawhai a sukbohmang theina dingin a nih.

1 JOHAN 4:4

Nauhai, Pathiena inthawk in na, chuong chu in hne tah, nangnia um chu khawvêla um nêk chun a ropui lem leiin.

1 JOHAN 5:19

Chun, Pathiena inthawk ei nih ti le, khawvêl pumpui hi Mi Suol thu thuin a um ti ei hriet.

1 JOHAN 5:4

Pathien inei taphawt chun khawvêl a hne pei si a; hi hi khawvêl hnea ngamna chu a nih, ei ringna hi.

THUPUONGSUO 12:9

Chun, dragon lientak, Rûlpui tar, Diebol le Setan an ti, khawvêl po po hlêmtu chu, an pei thlâk ta a; hnuoiah an pei a, a tirkohai khawm an pei thlâk sa ve a.

THUPUONGSUO 13:14

Hnuoia umhai kuomah, Sahrâng kâwlhnâma hliem hnung la dam chawimawina dingin ama lim an siem ding a ni ti hrilin, Sahrâng mithmua thilmak thaw dinga thu a ihmu, chuong thilmak lei chun hnuoia umhai chu a hlêm bawk a.

THUPUONGSUO 13:8

Chuongchun, hnuoia um po po, leilung insieng tîra that tah Berâmtê Hringna Bua hming ziek naw po chun, Pathien chibai bûkin bûk an tih.

THUPUONGSUO 16:17

Chun, a pasarina chun a berbu chu boruokah a bunthlâk a; chuongchun, pindan sûngrila, Lalṭhungphaa inthawkin, “A kim tah,” tiin rawl inringtak a hung suok a.

THUPUONGSUO 20:2

dragon, rûlpui tar chu (chu chu Diebol le Setan a nih) a man a, kum sâng khata dingin a khuop a,