EPHESI 2:19 - Pathien Lekhabu Inthieng (BSI)

¹⁹ Chuongchun, tuhin mikhuol le mi châm el in ni ta naw a, mi inthienghai le chun tuol khat le Pathien sûnghai in ni ta lem a nih.

EPHESI 2:19 ပူးပေါင်းရင်းမြစ်များ

MATTHAI 10:25

Inchûktir chu inchûktirtu anga a hung um le, suok chu a pu anga a hung um chu a hun deh. In neitupa hman Beelzebub an ti chun, a sûnghai chu an va ti nasa awm deh e!

GALATI 6:10

Chuongchun, remchâng hun ei nei ang peiin mi po po kuomah thil ṭha chu thâwng ei tiu, ringna sûnghai laia mi chungah thaw bîk tak ei tiu.

EPHESI 2:12

khâng lai khan Krista boin, Israel khuoletui leh intuolkhat lovin, khawvêla hin beiseina hrim nei lo le, Pathien boa umin, tiemna thuthlunghaia mikhuola in um kha.

EPHESI 3:15

(Pa hnuoi le vâna sûngkuo tinrêng hming chawina chu);

EPHESI 3:6

Chu chu hi hi a nih: Chanchin Ṭha leiin, Krista Isua chun Jentailhai hi rohluopuihai, taksa pêngpuihai, thutiem dawngpuihai an ni hi.

PHILIPPI 3:20

Eini chu vân khuoletuihai ei ni si a. Sandamtu Lal Isu Krista hung ding chu ei nghâk zing a nih.

HEBRAIHAI 11:13

Chuong po po chu ringna neiin an thi ta a, thiltiemhai chu chang lovin; nisienlakhawm, chuong chu hlataka inthawka hmuin chibai an lo bûk ta a, hnuoia hin mikhuol le khuolfe el an ni ti an inhriettir ta bawk a.

HEBRAIHAI 13:14

Hitaka hin khaw hmun hlun ei nei si naw a, khuo la hung um ding chu ei zawng lem a nih.

1 PETER 2:11

Dittakhai, mikhuol le khuolfe in ni leiin, thlarau do hlaktu tisa châknahai bânsan dingin ka ngên cheu.

1 JOHAN 3:1

Ngai ta u, Pain a mi hmangaina chu a va nasa de! “Pathien nauahai,” a mîn bûk ta chu; chuong ang chu ei ni hrim a nih. Hi hi lei hin khawvêlin a mi hriet naw a nih, ama chu an hriet naw leiin.