EPHESI 2:18 - Pathien Lekhabu Inthieng (BSI)

¹⁸ Ama zârin Thlarau hmunkhata, Pa kuoma lût theina ei nei ve ve a nih.

EPHESI 2:18 ပူးပေါင်းရင်းမြစ်များ

ZEKARIA 12:10

Chun, David sûngkaw chunga le, Jerusalem hluotuhai chunga chun zângaina le hni châkna thlarau buok ka ta, kei an mi sun tahnung chu mi en an tih; miin a nau khât ta dinga an sûn hlak angin ama chu sûn an ta, miin a nau lutîr chu nasataka a tuorpui hlak angin nasatakin tuorpui an tih.

MATTHAI 28:19

“Chuongchun, fe unla, hnam tina mi inchûktirin siem unla, Pa le, Naupa le, Thlarau Inthieng hming chun baptist unla;

JOHAN 10:7

Chuongchun, Isûn an kuomah a hril nâwk a, “Titakzetin, titakzetin ka hril cheu hi, kei hi berâm kawtkhâr chu ka nih,

JOHAN 10:9

Kei kawtkhâr chu ka nih; tûkhawm keimaah a lût chun, humhimin um a ta, lûtin suok a ta, fâk ding hmu bawk a tih.

JOHAN 14:6

Isûn a kuomah, “Kei hi lampui le thutak le hringna ka nih; keimaa fe naw chu tukhawm Pa kuom an tlung ngai nawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:2

ama lei bawk chun hi lunginsietnaa ei ngir detnaa hin ringnain ei lût ta a, Pathien ropuina beiseiin lâwmin ei um bawk a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:15

Ṭia um nâwk dingin suok nina thlarau in chang a ni si naw a; nau nina thlarau in chang lem a nih; chu thlarau zâra chun, “Abba! (Pa)” tiin ei khêk hlak hi.

1 KORINTH 12:13

Ei rêngin, Judahai amanih, Grikhai amanih, suok amanih, suok nilo amanih taksa pumkhata um dingin, Thlarau pakhat chauah baptisin ei um seng si a. Thlarau pakhat chau bawk a mîn dâwntir bawk a.

1 KORINTH 8:6

Eini ta ding chun Pathien pakhat chau (Pa chu) a um a, ama kuoma inthawkin tinrêng a suok a, eini khawm ama ta dinga um ei nih; Lalpa pakhat chau (Isu Krista chu) a um bawk a, ama leiin iengkim a um a, eini khawm ama lei bawka um ei nih.

GALATI 4:6

Chun, nau in ni leiin Pathienin a Naupa Thlarau chu, “Abba! (Pa!)” tia khêkin, ei lungrilah a hung tir a.

EPHESI 3:12

Chun, Krista Isu ei ring leiin amaa vêk chun nêlna le ngamtaka lût theina ei nei.

EPHESI 3:14

Hi lei hin Pa hmaa chun ka dingṭhaṭhuon hlak:

EPHESI 4:4

A ko san cheu beiseina hmunkhata ko in ni ang bawk khan, taksa pakhat le Thlarau pakhat chau a um a.

EPHESI 6:18

ieng huna khawm Thlaraua ṭawngṭaiin, chu kawnga chun mi inthieng po pohai ta dingin ṭhahnemngai tak le hni tlatin ngaiven ro:

KOLOSSA 1:12

Pa, vara mi inthienghai ro chu inṭâwmpui tlâka mi hung siemtu, kuoma chun lâwmthu hril pei bawkin.

HEBRAIHAI 7:19

Dân thu chun iengkhawm a sukfamkim si nawh. Beiseina ṭha lem lâk lûta hung um hin Pathien a mîn hnaitir lem a nih.

JAKOB 3:9

Chu chun Lalpa le Pa ei inpâk hlak a, chu bawk chun Pathien anga siem mihriemhai chu ṭawngsie ei inphur bawk hlak a nih.

1 PETER 1:17

Chun, mi tin thlier bik nei lova, sinthaw ang peia ngaituo hlaktu chu Pa anga in lam chun hitaka in châm sûng po chu ṭi dêkin um ro.

1 PETER 1:21

ama leiin mithi laia inthawka a keithotu le a ropuina petu Pathien ringtuhai in na, in ringna le in beiseina chu Pathiena a um theina dingin.

1 PETER 3:18

Pathien kuoma a mi ṭhuoi theina dingin Krista chun suolhai leiin vawikhat a tuor bawk si a, mi fel chun mi fel naw aiin a tuor a, taksaa sukhlumin a um a, thlaraua ruok chun sukhringin a um tah.

JUDA 1:20

Nisienlakhawm, dittakhai, nangni chun in awi san inthieng tak chunga chun nangni le nangni inrem sângin,