EPHESI 1:5 - Pathien Lekhabu Inthieng (BSI)

⁵ Ama lungdit, a lâwmzâwng angin Isu Krista zârah ama ta dinga naua siem dingin a mi lo ruot lâwk ta a,

EPHESI 1:5 ပူးပေါင်းရင်းမြစ်များ

JEREMIA 3:19

“Kei chun, ‘hnamhai laia chun sie cheuin, ram inhawitak chu pe cheuin, hnamhai sipai pâwlhai rochan ṭhataka chun sie cheu ka lo lungril hlak a; chun, nangin, Pa, mi hung tîng i ta, i mi zuinaa inthawk hin fe hmang ta naw ti ni’ ka lo ti hlak a.

JEREMIA 3:4

Tuta inthawk hin, ‘Ka pa, nang chu ka tleirâwlna ṭhuoitu i nih,’ tiin ka kuomah i khêk naw dîm a nih?

DANIEL 4:35

Hnuoi chung hluotuhai po po chu iengkhawm ni lo anga ngai an na, Hnuoi chung hluotuhai le vâna sipai pâwl ruolhai chunga chun A nuom ang angin a thaw a, Tukhawmin a kut chu an chel thei naw a. “Nangin ieng am i thaw an leh?” an ti thei bawk nawh.

HOSEA 1:10

Nisienlakhawm, Israel mipuihai chu tuipuia phaiphin, inkhi ruol lo le tiem ruol lo zât nîng an ta; chun, an kuomah, “Ka mihai in ni nawh” tina hmun ngeia chun “Pathien hring nauhai in nih,” ti nîng a tih.

MATTHAI 1:25

nisienlakhawm, naupasal a nei hmakhat chu a pâwl naw a; chun, a hming chu ISU a sak ta a.

MATTHAI 11:26

Anih, Pa, chuong anga thaw chu i ngaiin a ṭha a nih.

LUKA 10:21

Chun, chu lai tak chun Isu chu Thlarau Inthiengah a lâwm bêk bêk a, “Aw Pa, hnuoi le vân Lalpa, nangin mi var le mi bengvârhai kuomah hieng thu hi i ip a, nautêhai kuomah i puong lei hin kân pâk che; anih, Pa, chuong anga thaw chu i ngaiin a ṭha a nih.

LUKA 11:32

“Ninevi khuoa mihai chu ngaituo pha chun tulai ruoltharhai lai hin ngîr vêng an ta, thiemnaw inchangtir an tih, Jona thu hril leiin an sim si a; ngai ta u, Jona nêka ropui lem hitaka hin a um annâwm.

LUKA 12:32

“Pâwl tlâwmhai, ṭi naw ro; ram pêk cheu hi in Pa lâwm zâwng tak a nih.

JOHAN 1:12

Nisienlakhawm, ama lo lâwma a hming ringtu taphawthai kuomah chun, Pathien nauhai ni theina ding a pêk.

JOHAN 11:52

Chuhai chihai ai chau chun a ni nawh, Pathien nau khawvêla indarhai po po pâwl khata a ṭhuoi khâwmna dingin a ni bawk.)

JOHAN 20:17

Chun, Isûn a kuomah, “Mi chel naw rawh, tu chen khawmin Pa kuomah ka la hang fe nawh; amiruokchu, ka unauhai kuomah va fe la, an kuomah, ‘Ka pa, in Pa, Ka Pathien, in Pathien kuomah ka lâwn ding a nih,’ a tih, va ti rawh,” a ta.

THILTHAWHAI 13:48

Chun, Jentailhai chun chuong thu chu an hrietin an lâwm a, Pathien chu an chawimawi a, chun, chatuona hring dinga ruot po chun an ring ta a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:23

Chu chau khawm chu ni lovin, eini, Thlarau rahmasa neituhai ngei khawm hin, nau ei nina (ei taksa intlanna) chu nghâkin, eini meu khawm ei lungrilin ei inrûm si a.

1 KORINTH 1:1

Paula, Pathien ditzâwnga Isu Krista tirko dinga ko le unaupa Sosthen chun:

1 KORINTH 1:21

Pathien varnaa chun khawvêlin varna hmanga Pathien an hmu thei naw hnungin thu hril invêt hmanga a ringtuhai sandam chu Pathienin ṭha a ti hle si a.

2 KORINTH 6:18

In ta dingin Pa nîng ka ta, Nangni khawm keia ta dingin naunu naupa ning in tih,” Lalpa iengkimthawthei chun a tih.

GALATI 3:26

Isu Krista ring leiin Pathien nauhai in ni vawng si a.

EPHESI 1:11

Ama ditzâwnga remruot ang peia iengkim thawtu tum anga ruot lâwk ni tain, amaa bawk chun a ro dinga siem kan nih,

EPHESI 1:9

a ditzâwng thurûk, a lungnizâwngtaka amaa thaw a itum chu eini kuomah mîn hriettirin,

PHILIPPI 2:13

ama lâwmna dinga thaw tum ding le thaw dinga nangnia sin thawtu chu Pathien a ni si a.

KOLOSSA 1:19

Pa lungni zâwngtak chu hi hi a ni si a: Pathien famkimna tinrêng chu amaa a um zing le,

2 THESSALONIKA 1:11

Chuong anga chawimawi le makti a ni theina dingin, ei Pathienin a kona cheua chun ko tlâk nia a ruot theina ding cheu le, ṭhat nuomna tinrênga le ringna sinthaw tinrênga thilthawtheinaa ân hlawtlingtir theina ding cheuin kan ṭawngṭaipêk rawp cheu a ni hi.

HEBRAIHAI 2:4

Pathien khawmin inchiknahai le thilmakhai le, thilthawtheina tinrênghai le, ama dit zâwng ang peia Thlarau Inthieng thil semhai le chun, anni chu a hrietpui a.

1 JOHAN 3:1

Ngai ta u, Pain a mi hmangaina chu a va nasa de! “Pathien nauahai,” a mîn bûk ta chu; chuong ang chu ei ni hrim a nih. Hi hi lei hin khawvêlin a mi hriet naw a nih, ama chu an hriet naw leiin.

THUPUONGSUO 21:7

Hnetu taphawt chun chuong chu hluong an tih, kei an Pathien nîng ka ta, anni chu ka nauhai nîng an tih.