EPHESI 1:3 - Pathien Lekhabu Inthieng (BSI)

³ Ei Lalpa Isu Krista Pathien le Pa chu inpâkin um raw se. Ama chun vân hmunhaia thlarau tieng malsâwmpêkna tinrêngin Kristaa chun mal a mi sâwm a.

EPHESI 1:3 ပူးပေါင်းရင်းမြစ်များ

INṬANNA 14:20

i hmêlmahai i kuta petu Pathien Chunghnungtak chu inpâkin um raw se,” a ta. Abram chun ama chu iengkim sâwmapakhat a pêk a.

INṬANNA 22:18

i thlahaia chun khawvêla chi tin la thawveng an tih’ a tih,” tiin.

1 CHANCHIN SUINA 29:20

Chun, David chun, mipui inkhâwmhai po po kuoma chun, “Tuhin Lalpa in Pathien chu inpâk ro,” a ta. Chuongchun, mipui inkhâwmhai po po chun Lalpa an thlatuhai Pathien chu an inpâk a, an luhai an kûn a, lal le Lalpa chu chibai an bûk ta a.

1 CHANCHIN SUINA 4:10

Jabez chun Israel Pathien chu, “Ka lungngai nawna dinga thil ṭhanawa inthawka mi vêngin, i kut chu ka chunga a um theina dingin, nangin mal mi hung sâwmin, ka ramrihai chu hung suklien ngei i tih,” tiin a ko a. Pathien chun a hni chu a phalpêk ta a.

2 CHANCHIN SUINA 31:8

Chun, Hezekia le hotuhai chu an hung a, thil siekhâwmhai chu an hmu chun Lalpa le a mi Israelhai chu an inpâk a.

NEHEMIA 9:5

Chuongchun, Levi mi, Jesua, Kadmiel, Bani, Hasabneia, Serebia, Hodia, Sebania le Pethahia hai chun an hril a, “Ngîr unla, Lalpa in Pathien chu chatuona inthawka chatuon chenin inpâk ro khai; chun, chawimawina le inpâkna po po khawmin a phâk lo, i hming ropui chu inpâkin um raw se.

INPÂKNA HLABU 134:3

Lalpa chun Ziona inthawkin malsâwm raw se cheu, Hnuoi le vân siemtu ngei chun.

INPÂKNA HLABU 72:17

A hming chu kumkhawtluongin dei naw ni a. A hming chu ama a um sûng chu dei lovin um pei a ta, Mihai chu amaa chun malsâwmin um an ta, Hnam tinrêngin ama chu hamṭha tîng an tih,

INPÂKNA HLABU 72:19

A hming ropuitak hi kumkhawtluongin inpâkin um bawk sienla, Hnuoi pumpui khawm hi a ropuinaa suksipin um raw se; Amen, Amen.

ISAI 61:9

Chuongchun, an thlahai chu hnam tin lai chun hriet nîng an ta, an nauhai chu mi tin laia hriet ni bawk an tih; anni hmu taphawt chun Lalpa malsâwm chi an nih ti hrieng an tih.

DANIEL 4:34

Chuong nihai tâwpa chun, kei Nebukadnezzar hin ka mithai chu vântieng ka tang a, ka hrietna chu ka kuomah a hung kîr nâwk a, Achunghnungtak chu mal ka sâwm a, chatuona hring zing chu ka chawimawiin kân pâk a: A rorêlna chu chatuon rorêl a na, A lalram chu ṭhanga inthawk ṭhang sâwng tamtak chen a ni si a;

LUKA 2:28

ama chun a lo pawm a, Pathien ân pâk a;

JOHAN 14:20

Chu nia chun kei ka Paa ka um dâm, nangni keimaa in um dâm, kei nangnia ka um dâm hre tâng in tih.

JOHAN 17:21

Pa, nang keimaa i um le, kei nangmaa ka um ang bawk hin, anni khawm einia an umna dingin: nangin i mi tir ti khawvêlin an awi theina dingin.

JOHAN 20:17

Chun, Isûn a kuomah, “Mi chel naw rawh, tu chen khawmin Pa kuomah ka la hang fe nawh; amiruokchu, ka unauhai kuomah va fe la, an kuomah, ‘Ka pa, in Pa, Ka Pathien, in Pathien kuomah ka lâwn ding a nih,’ a tih, va ti rawh,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:5

chuong ang bawkin, eini tamtak ni inla khawm Kristaa chun taksa pumkhat ei na, amal malin inpêng tuo seng ei nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:6

ei Lalpa Isu Krista Pathien le Pa chu, lungril hmunkhat le inthuruola in chawimawi theina dingin.

1 KORINTH 1:30

Nangni ruok chu ama zârah, Krista Isua chun in um a nih; ama chu Pathien kuoma inthawka ei ta dinga varnaa siem a nih, felnaa dâm, inthiengnaa dâm, intlannaa dâm leh.

1 KORINTH 12:12

Taksa hi pakhat a na, pêng tamtak a nei a, taksa pênghai po po chu tam hai sienkhawm taksa pumkhat an ni si a; Krista chu chuong ang bawk chu a nih.

2 KORINTH 1:3

Ei Lalpa Isu Krista Pathien le Pa, lunginsietnahai Pa le thlamuongna po po Pathien chu inpâkin um raw se.

2 KORINTH 11:31

Lalpa Isu Pathien le Pa, kumkhuoa inpâk tlâka um chun khêl ka hril nawzie chu a hriet.

2 KORINTH 5:17

Chuleichun, tûkhawm Kristaa a um chun thilsiem thar a hung ni ta a; thil hluihai chu a bo ta a, ngai ta u, a hung thar tah.

2 KORINTH 5:21

Amaa chun Pathien felna ei hung ni theina dingin suol hrim hrim hre lo chu Pathienin eini leiin suolah a siem a.

GALATI 3:9

Hi lei hin, a ring taphawt chun, Abrahamin a ringa malsawmna a dawng ang chu an dawng ve hlak a nih.

EPHESI 1:10

hunbi kim hunah: iengkim vâna thil umhai le hnuoia thil umhai khawm Kristaah, amaa ngei chun fâwkkhâwm dingin a nih.

EPHESI 1:17

ei Lalpa Isu Krista Pathien, ropuina Pa chun, ama hrietna kawngah, varna le hriet chiengna thlarau a pêk theina ding cheuin.

EPHESI 1:20

mithi laia inthawka a keitho lai le, inlalna dâm, thuneina dâm, thilthawtheina dâm, rorêlna po po dâm, hi khawvêla chau ni lova, khawvêl la hung tlung dinga khawma, hming sak tinrênghai chung daia vân hmunhaia a changtienga ân ṭhungtir laia kha.

EPHESI 2:6

Krista Isua chun ama ruol bawka mi keithoin, vân hmunhaiah ama kuom ngeiah a mîn ṭhungtir ta a,

EPHESI 3:10

Chuongchun, tulaia vân hmunhaia khin inlalna le thuneinahai kuoma chun, Pathien varna tinrêng kohranhai leiin inhriettirin um thei a tih;

EPHESI 6:12

Ei ibuonhai hi taksa le thisen an ni si naw a; inlalnahai le thuneinahai le, hi inthim chunga khawvêl rorêltuhai le, vân hmunhaia thlarau suol umhai chu an ni lem.

PHILIPPI 2:11

Pa Pathien sukropuina dingin, “Isu Krista chu Lal a nih,” tia lei tinrêngin a puongna dingin.

HEBRAIHAI 8:5

Chuonghai chun vân thilhai chu a lim le a hlim rawng an bâwl hlak a, Mosiein biekbûk a bâwl ding laia, “Tlânga enkhi ding i kuoma inentira um ang tak khan, iengkim siem dingin fimkhur rawh,” tia Pathienin a hril ang khan.

HEBRAIHAI 9:23

Chuongchun, vâna thil um anghai chu sukthiengin a um hrim ding a nih, vân thil taktakhai ruok chu chuong nêka inthawina ṭha lem haiin sukthiengin a um ding a nih.

1 PETER 1:3

Ei Lalpa Isu Krista Pathien le Pa chu inpâkin um raw se. Ama chun, a lunginsietna nasatak angin, mithi laia inthawka Isu Krista thonâwkna leiin beiseina hring hmu dingin nauvin a mi nei nâwk a,