EPHESI 1:22 - Pathien Lekhabu Inthieng (BSI)

²² Chun, thil tinrêng a ke hnuoiah a sie a, ama chu iengkim po po chunga lu dingin kohranhai kuoma chun a pêk a,

EPHESI 1:22 ပူးပေါင်းရင်းမြစ်များ

INṬANNA 3:15

nang le nuhmei hi indotir ka ti cheu a, i thlahai le a thlahai khawm lân dotir bawk ka tih; ama chun i lu la sukthitling a ta, nangin a kekhawng la sukthitling i tih,” a ta.

INPÂKNA HLABU 110:1

Lalpa chun ka Lalpa kuomah, “I hmêlmahai i ke innghatnaa ka siem hmakhat chu, Ka changtieng ṭhung rawh,” a ti a.

INPÂKNA HLABU 91:13

Sakeibaknei le rûl chu sir dêng i ta, Sakeibaknei vânglai le rûlriel chu sir hriel neng i tih.

MATTHAI 16:18

Chun, nang Peter i nih ti ka hril che; hi lungpui chunga hin ka kohran rem ka ta, mithi khuo kul kawtkhârhai chun chu chu ngam naw ni hai.

THILTHAWHAI 20:28

Pathien kohran ama thisena a inchâwk chu, châwm dingin, nangni le inrawihai po po chunga chun fimkhur ro, Thlarau Inthiengin an chunga hotuin a siem cheu hi.

1 KORINTH 11:3

Nisienlakhawm, pasal taphawt lu chu Krista a na, nuhmei lu chu a pasal a na, chun Krista lu chu Pathien a nih, ti in hrietchieng ka nuom a nih.

EPHESI 3:21

chatuonin, suon po po chenin kohrana le Krista Isua chun ropuina um raw se. Amen.

EPHESI 5:23

Krista chu ama ngei taksa sandamtu nia, kohran lu a ni ang bawk hin, pasal chu a nuhmei lu a ni si a.

KOLOSSA 1:18

Ama chu a taksa Kohran lu a na, iengkima a chunghnung tak a hung ni theina dingin, a bulpui, mithi laia inthawka tho hmasatak chu a nih.

KOLOSSA 1:8

Thlarauin nangnia hmangaina ân neitir cheu thu keini mi hriltu kha a ni bawk.

KOLOSSA 2:10

Amaa chun in famkim ta bawk a, ama chu inlalna le thuneina po po lu a nih.

KOLOSSA 2:19

Lu chu an chel tlat si naw a. Ama, Lua chun, taksa hlawmpui chu, inzawmna le khuopnahaia châwm le inzawmkhâwma umin, Pathien inṭhang liennain ân ṭhanglien hlak a ni si a.

1 TIMOTHE 3:15

Nisienlakhawm, ka la um sâwt tâk duoiin Pathien sûnghai laia mi iengtin am an um ding ti i hriet theina dingin ka ziek a nih; Pathien sûnghai chu Pathien hring kohran, thutak ban le innghatna chu an nih.

HEBRAIHAI 2:8

“A ke hnuoiah iengkim i sie a,” tiin. Chuongchun, a hnuoiah iengkim a sie leiin a hnuoia sie naw iengkhawm a nei nawh. Amiruokchu, tuhin chu iengkim a hnuoiah umin ei la hmu hri nawh.