DÂN PAHNINA 9:5 - Pathien Lekhabu Inthieng (BSI)

⁵ In fel leiin amanih, in lungril indik leiin amanih an ram chu in hluo ding a ni naw a, hieng hnamhai suol lei le Lalpa in pu Abraham hai, Isak hai, Jakob hai kuoma ân khâmna thu suknghet dingin Lalpa in Pathienin anni chu a hnawt suokpêk ding cheu a ni lem.

DÂN PAHNINA 9:5 ပူးပေါင်းရင်းမြစ်များ

INṬANNA 12:7

Chun, Lalpa chu Abram kuomah ân lâr a, “Hi ram hi i thlahai kuomah la pêng ka tih,” a ti a; chuongchun, chutaka chun a kuoma inlâr Lalpa ta ding chun maichâm a siem a.

INṬANNA 13:15

i ram hmu po po hi i kuoma le i thlahai kuomah kumkhuoa dingin ka pêk ding che a nih.

INṬANNA 15:16

Chun, suon linaa chun hitaka hin hung kîr nâwk an tih, Amorhai suolnahai hi a la kim hri si nawh,” a ta.

INṬANNA 15:7

Chun, a kuomah, “Hi ram hi hluo dinga pe ding che a, Kaldaihai khuo Ura inthawka ṭhuoi suoktu che Lalpa kha ka nih,” a ta.

INṬANNA 17:8

Chun, i kuoma le i hnunga i thlahai kuoma chun, i khuolchâmna ram, Kanaan ram po po hi, kumkhaw ro dingin ka pêk ding cheu a nih; chun kei hi an Pathien nîng ka tih,” a ta.

INṬANNA 19:29

Chun, Pathienin phaizâwl khuohai chu a sukbohmang lai chun, Pathienin Abraham chu a hriet zing a, Lota umna khuohai a sukbohmang laiin Lota chu bohmangnaa inthawk a tir suok a.

INṬANNA 26:4

Vâna arasi zâtin i thlahai chu la sukpung ka ta, hieng ram po po hi i thlahai kuomah la pe bawk ka tih; chun, i thlaa chun khawvêla chi tin la thawveng an tih:

INṬANNA 28:13

A tâwpa chun Lalpa a ngîr a, “Kei hi Lalpa i pu Abraham Pathien le Isak Pathien chu ka nih, i zâlna hnuoi kha i kuoma le i thlahai kuomah la pêng ka ti cheu;

FESUOKNA 32:13

I siehlawhai Abraham, Isak le Israel kuoma nangma le nangma inkhâma, ‘I thlahai chu vâna arasihai angin sukpung ka ta; hi ram po po ka hril ta hi in thlahai kuomah pêng ka ta, kumkhuoin hluong an tih,’ tia i hril kha hre zing rawh,” a ta.

EZEKIEL 20:14

Chun, ka hming leiin, hnamhai anni mithmua anni ka hung ṭhuoisuoknahai, chuonghai mithmua chun hrilsiet a ni ding a ni nawh tiin ka thaw a.

EZEKIEL 36:22

“Chuleiin, Israel sûngkuo kuoma chun hieng hin hril la; Lalpa Pathien chun hieng hin a tih: Aw Israel sûngkuo, hi hi nangni leia thaw ka ni naw a, amiruokchu, ka hming inthieng, in fena tieng tienga hnamhai laia in lo sukpawrche ta lei khan a ni lem.

EZEKIEL 36:32

Hi thil hi nangni leia thaw ka ni nawh ti hi nangni ihriet ni raw se, Lalpa Pathien chun a tih; aw Israel sûngkuo, in um dânhaia chun buoi unla, inzak ro.

LEVI DÂN 18:24

“Hieng thil a ienga khawm hin insukpawrche naw ro; hieng thil po poa in hmaa ka hnawt suok tah hnamhai chu an lo pawrche ta a,

LEVI DÂN 18:25

ram khawm chu a lo pawrche tah a nih; chuleiin, a rîtlona chu ka hrem a, ram chun a sûnga umhai chu a luok dawk ta vawng a.

MIKA 7:20

Tienlaia kan puhai kuoma ṭawng i lo inkhâm tah, Jakob kuoma thutak le Abraham kuoma lunginsietna sukpuitling i tih.

THILTHAWHAI 3:25

Nangni hi zâwlneihai le thuthlung nauhai in nih, Pathienin Abraham kuomah, “ ‘I thlahai leiin khawvêla hnam tin thawveng an tih,’ tiin in thlatuhai kuomah a tiem kha.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:28

Chanchin Ṭha tieng ngaituo chun nangni leiin hmêlma an nih; Thlang thu tienga ngaituo ruok chun, thlatuhai lei khan dittakhai an nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:8

Hi hi ka ihril chu a nih: thlatuhai kuoma thutiemhai chu sukdet ding le Pathien thu ân dik ti inhriettirna dingin Krista chu sertanhai rawngbâwltuin a hung um a;

DÂN PAHNINA 1:8

Ngai ta u, ram chu ka pêk dai ta cheu, in pu Abraham hai, Isak hai, Jakob hai le an hnunga an thla nâwk peihai kuoma inkhâma Lalpain a pêk ram chu va hluo ro,’ tiin.

DÂN PAHNINA 12:31

Chuong ang chun Lalpa in Pathien chungah in thaw ding a ni nawh; an pathien chunga chun Lalpa ngaia thil tirdakum tinrêng a theida takhai chu an thaw hlak a, an naupasalhai, an naunuhmeihai ngei khawm an pathien ta dingin an râw hlak a nih.

DÂN PAHNINA 18:12

Hieng thil thaw mi taphawthai chu Lalpa ngaiin mi tirdakum an ni si a; hieng thil tirdakumhai lei hin a nih, Lalpa in Pathien chun anni a hnawtsuokpêk cheu chu.

DÂN PAHNINA 18:9

“Lalpa in Pathienin a pêk cheu ram in va tlung pha chun chuong hnamhai thil tirdakum thaw hai ang chu in chîng ve ding a ni nawh.

DÂN PAHNINA 20:18

an pathienhai chunga an thaw hlak thil tirdakumhai po po chu an inchûktir nawna ding cheuin; chuong naw chun Lalpa in Pathien chungah thil suksuol râwi in tih.

TITA 3:5

thil feltaka thaw, eini ngeia thawhai chu, chu lei chun ni lovin, Thlarau Inthieng siem tharna sâwpna le siem ṭhat nâwkna chun, a lunginsietna chun a mi sandam tah.