DÂN PAHNINA 9:4 - Pathien Lekhabu Inthieng (BSI)

⁴ Lalpa in Pathienin a hnawt suokpêk hnung cheu chun, ‘Ei felna leiin hi ram hi hluo dingin Lalpain a mi ṭhuoi lût a nih,’ in lungrilin ti dêr naw ro; hieng hnamhai hi an suol leiin a nih Lalpain a hnawt suokpêk ding cheu chu.

DÂN PAHNINA 9:4 ပူးပေါင်းရင်းမြစ်များ

INṬANNA 15:16

Chun, suon linaa chun hitaka hin hung kîr nâwk an tih, Amorhai suolnahai hi a la kim hri si nawh,” a ta.

EZEKIEL 36:22

“Chuleiin, Israel sûngkuo kuoma chun hieng hin hril la; Lalpa Pathien chun hieng hin a tih: Aw Israel sûngkuo, hi hi nangni leia thaw ka ni naw a, amiruokchu, ka hming inthieng, in fena tieng tienga hnamhai laia in lo sukpawrche ta lei khan a ni lem.

EZEKIEL 36:32

Hi thil hi nangni leia thaw ka ni nawh ti hi nangni ihriet ni raw se, Lalpa Pathien chun a tih; aw Israel sûngkuo, in um dânhaia chun buoi unla, inzak ro.

LEVI DÂN 18:3

In umna tah Aigupta ram mihai thaw ang kha thaw naw unla, ka ṭhuoi lûtna ding cheu Kanaan ram mihai thaw ang khawma thaw naw unla, an dân khawm zâwm bawk naw ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:20

Anih, an ring nawna leiin suktliekin an um a, nang i ringna leiin i ngîr a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:6

Lunginsietna lei a ni chun thilthaw lei ni ta naw ni; chuong a ni naw chun lunginsietna hi lunginsietna ni ta naw ni.

1 KORINTH 4:4

Iengkhawm indemna ding kân hriet si naw a, nisienlakhawm, chu chun thiem a mîn changtir chuong nawh, a mi fietu chu Lalpa a ni lem.

1 KORINTH 4:7

Nang tûin am a sukdanglam chuong che a? Dawng naw chu ieng am i nei leh? I dawng a ni si chun iengdinga i dawng ni lo anga i uongpui am a na?

DÂN PAHNINA 12:31

Chuong ang chun Lalpa in Pathien chungah in thaw ding a ni nawh; an pathien chunga chun Lalpa ngaia thil tirdakum tinrêng a theida takhai chu an thaw hlak a, an naupasalhai, an naunuhmeihai ngei khawm an pathien ta dingin an râw hlak a nih.

DÂN PAHNINA 31:27

Hel in chîngzie dâm, in kâwmawzie dâm ka hriet a nih; ngai ta u, tuta ka la dampui lai cheu hmana Lalpa chungah in hel hlak a; ka thi hnunga lem chu iengtin takin am a nasa ding chu aw!

DÂN PAHNINA 8:17

Chun, ‘hieng ei sum le paihai hi eini hrâtna le ei kutsuok a nih,’ ti lungril rawi in tih, fîmkhur bawk ro.

DÂN PAHNINA 9:24

Ka hriet tîr cheua inthawk tah Lalpa chunga hel hmang mi in ni hrim a.

DÂN PAHNINA 9:5

In fel leiin amanih, in lungril indik leiin amanih an ram chu in hluo ding a ni naw a, hieng hnamhai suol lei le Lalpa in pu Abraham hai, Isak hai, Jakob hai kuoma ân khâmna thu suknghet dingin Lalpa in Pathienin anni chu a hnawt suokpêk ding cheu a ni lem.

DÂN PAHNINA 9:7

“Thlalêra Lalpa lung in suksen hlakziehai dâm kha hre zing unla, theinghil naw ro. Aigupta rama inthawka in suok nia inthawka hi hmun in hung tlung chen hin Lalpa chunga helhmang in nih.

2 TIMOTHE 1:9

Ama chun ei thilthawhai ang ni lovin, ama ruot le a lunginsietna ang lemin a mi sandam a, kona inthiengin a mi ko bawk a, chu lunginsietna chu leilung insieng hmâin Krista Isua chun ei kuoma pêk a ni tah;