DÂN PAHNINA 9:2 - Pathien Lekhabu Inthieng (BSI)

² mi lientak tak le insângtak tak in hriet ta sahai Anak thlahai, ‘Anak thlahai chu tuin am ngam ei ta?’ in ti hlakhai ram chu.

DÂN PAHNINA 9:2 ပူးပေါင်းရင်းမြစ်များ

JOB LEKHABU (THE BOOK OF JOB) 11:10

Ama chu a fêthleng a, a khârkhip a, A ko khâwm chun tuin am dang thei an ta?

FESUOKNA 9:11

Chun, khuoihlihai lei chun aisânthiemhai chu Mosie hmaa chun an ngîr thei ta naw a; chu khuoihli chu Aigupta mihai po po le aisânthiemhai chunga khawm a um seng si a.

DANIEL 11:16

Chuongchun, ama hung rûntuhai chu a nuom nuom lo lâwng a ta, ama hmaa chun tukhawm ngîr thei naw ni hai: ram ropuia chun ngîr a ta, a kuta chun suksietna um bawk a tih.

DANIEL 8:4

Berâmchal chu thlangtieng le, hmârtieng le, simtieng chu panin ka hmu a; a hmaa hrim hrim chun ramsa dang ngîr thei an um naw a, a kuta inthawka la dawk thei hrim hrim khawm tukhawm an um naw a; chuongchun, a nuom ang angin a thaw a, ama le ama chu ân chawimawi ta a.

AMOS 2:9

“Nisienlakhawm, anni hmaah Amor mihai sidar thing anga insâng le thingsaisuo anga hrât khawm kha ka sukbohmang ta a; a chungtienga a ra le, a hnuoitienga a zung khawm ka sukbo a.

NAHUM 1:6

A lungninawna hmaa chun tu am ngîr thei an ta, a lunginsenna nasataka chun tu am um thei an ta? A lunginsenna chu mei anga bunthlâk a na, lungpuihai chu a sukkawi vawng a nih.

NAMBAR 13:22

Simtienga chun an hang fe phawt a, Hebron an va tlung a, chutaka chun Anak thlahai, Ahiman mihai, Sesai mihai, Talmai mihai an um a, (Hebron chu Aigupta rama Zoan inngîr hma kum saria inngîr tah a nih).

NAMBAR 13:28

Amiruokchu, a rama mi umhai chu mi hrâttak tak el an na, khuohai khawm kul nei, ropuitak tak an nih; chun, Anak thlahai khawm kan hmu bawk a.

NAMBAR 13:33

chutaka chun Anak thlahai, mi lienhai, âwmkhautak tak el kan hmu a, keini chu khâu ang chauin kan inhmu el a nih; anni khawma khâu ang chauin an mi hmu hrim a,” tiin a ṭha naw tiengin an hril a.

DÂN PAHNINA 1:28

Iengdingin am chu chun hang fêng ei ta? Ei unauhai chun, Mihriem chu eini nêkin an lien a, an insâng lem bawk a; khuohai chu a lien tâwl hle a, vân tawngin kulhai a nei a; chun, Anakim thlahai khawm chu kan hang hmu bawk a, tiin kan lungril an sukzawp a,’ in ti a.

DÂN PAHNINA 2:21

Anak mihai anga mi lien le tam le mi insângtak tak an nih; nisienlakhawm, Lalpain a sukbohmangpêk a, an hluo ve ta thung a, an hmuna chun an um ta a;

DÂN PAHNINA 7:24

An lalhai chu in kutah pêng a ta, an hming chu vânkhuphnuoia inthawk hin in thaihmang dai ding a nih; in sukbohmang dêr chenin in hmaa ngîr thei tukhawm um hrim hrim naw ni hai.

JOSUA 11:21

Chuong lai chun Josua chu a fe a, tlâng rama inthawk dâmin, Hebrona inthawk dâmin, Debira inthawk dâmin, Anaba inthawk dâmin, Juda tlâng rama inthawk dâmin, Israel tlâng ram po poa inthawk dâmin, Anakim mihai chu a sukchimit vawng a, Josua chun an khawpuihai pumin a sukbohmang vawng a,

JOSUA 11:22

Israel thlahai rama chun Anakim mihai chu pakhat khawm um an um ta dêr naw a, Gazaa dâm, Gatha dâm, Asdoda dâm ruok chun chu a um an la um a.

JOSUA 15:14

Kaleb chun chu khuoa inthawk chun Anak naupasalhai pathum Sesai hai, Ahiman hai, Talmai hai, Anak nauhai chu a hnawt suok a.