DÂN PAHNINA 9:1 - Pathien Lekhabu Inthieng (BSI)

¹ “Aw Israel mihai, ngai ta u, in nêka ropui le thilthawthei lem hnam, khawpui vân tawnga kul nei le ropuitakhai chu va hluo dingin tuhin Jordan chu in kai ding a ni ta a,

DÂN PAHNINA 9:1 ပူးပေါင်းရင်းမြစ်များ

INṬANNA 11:4

Chun, “Thaw ro, khawpui siem ei ta, in insâng a sîpin vân tawng dingin bâwl bawk ei tiu a, ei hming sukthang ei tiu; chuong naw chun hnuoi chung po poa hin sukdarin um râwi ei tih,” an in ti a.

FESUOKNA 32:1

Mipui chun Mosie chu tlânga inthawk chun a hung thla intak hle ti an hmu chun anni mipui chu Aron kuomah an hung inkhâwm a, a kuomah, “Tho la, kan hma ṭhuoitu dingin pathienhai mi siempêk rawh: hi Mosie Aigupta rama inthawka mi ṭhuoi suoktu hlak hi ieng am a chang a ni tah kan hriet si naw a,” an ti a.

DANIEL 4:11

Thing chu a hung inṭhang a, a hung lien a, ân sângzie chun vân a hung phâk a, ân hmu theina chun khawvêl po po tâwp chen a huop bawk a.

AMOS 2:9

“Nisienlakhawm, anni hmaah Amor mihai sidar thing anga insâng le thingsaisuo anga hrât khawm kha ka sukbohmang ta a; a chungtienga a ra le, a hnuoitienga a zung khawm ka sukbo a.

NAMBAR 13:22

Simtienga chun an hang fe phawt a, Hebron an va tlung a, chutaka chun Anak thlahai, Ahiman mihai, Sesai mihai, Talmai mihai an um a, (Hebron chu Aigupta rama Zoan inngîr hma kum saria inngîr tah a nih).

NAMBAR 33:51

“Israel mihai chu hril la, an kuomah ‘Jordan vadung in kai a,

DÂN PAHNINA 1:28

Iengdingin am chu chun hang fêng ei ta? Ei unauhai chun, Mihriem chu eini nêkin an lien a, an insâng lem bawk a; khuohai chu a lien tâwl hle a, vân tawngin kulhai a nei a; chun, Anakim thlahai khawm chu kan hang hmu bawk a, tiin kan lungril an sukzawp a,’ in ti a.

DÂN PAHNINA 11:23

Lalpa chun hieng hnamhai po po hi hnawt suokpêk a ti cheu a, nangni nêka ropui le thilthawthei lem hnam ram chu hluong in tih.

DÂN PAHNINA 11:31

Lalpa in Pathienin a pêk cheu ram va hluo ding chun Jordan chu in kân ding a na, hluong in ta, chutaka chun um in tih.

DÂN PAHNINA 27:2

Lalpa in Pathienin ram a pêk cheua fe dinga Jordan in kai ni chun lung lien tak tak phun in ta, lung chârnain in chârkhum ding a nih.

DÂN PAHNINA 3:18

“Chun, chuong lai chun ‘Lalpa in Pathienin in chanpuol dingin hi ram hi a pêk cheu a nih, Israel thla, in unauhai hmaah in mi huoisenhai po po chu inrâlthuomin hang fe ve raw hai seh.

DÂN PAHNINA 4:1

“Khai le, Israel mihai, Lalpa in pi le puhai Pathienin ram a pêk cheu chu dama in hluo theina dinga in pawm dinga ka închûktir hlak cheu dânhai le rorêlhai chu lo ngai ta u.

DÂN PAHNINA 4:38

hnam dang nangni nêka ropui le thilthawthei lem hnawt suokpêk cheua an ram chu hluo dinga ân lûttir theina ding cheuin; tuta in ni ang tak hin.

DÂN PAHNINA 6:10

“Chun, Lalpa in Pathienin in pu Abraham hai, Isak hai, Jakob hai kuoma inkhâma a pêk cheu ram, in indin ni dêr lo, khaw ropui le mawitak tak dâm,

DÂN PAHNINA 7:1

“Lalpa in Pathienin in va hluo ding rama a ṭhuoi lût cheu a, in hmaa hnam tamtak, Hit mihai, Girgas mihai, Amor mihai, Kanaan mihai, Periz mihai, Hiv mihai, Jebus mihai dâm, nangni nêka ropui le thilthawthei hnam sarihai a hnawt suok pha,

JOSUA 1:11

“Riebûk chu va fang unla, mipuihai kuoma chun, ‘Fâk dinghai buotsai ro khai, ni thum sûngin Lalpa in Pathienin ram hluo ding a pêk cheu hi hluo dingin Jordan vadung hi in kân ding a nih,’ tiin thu pe ro,” tiin.

JOSUA 1:15

Lalpain in unauhai khawm chu nangni ang bawka châwlna a pêka, Lalpa in Pathienin ram a pêk chu anni khawma an hluo ve hmakhat chun; chuongchun, Lalpa siehlaw Mosiein Jordan râl, nisa suokna tieng ram in puola a lo pêk ta cheu tieng chun kîr nâwk in ta, in la hluo ding a nih,” tiin, a hril a.

JOSUA 14:12

Chuongchun, hi tlâng Lalpain kha nia a lo hril ta kha mi pe el ta la, khânga Anakim mihai an um a, an khawpuihai khawm a ropuiin kula inhuon khup a nih ti kha nia khan i hriet kha, Lalpa chun mi umpuiin, anni chu ka hnawt suok thei rawi mawh, Lalpain a lo hril ta ang khan,” a ta.

JOSUA 3:14

Mipuihai chu Jordan vadung kai dinga an puon inhaia inthawka an suok chun, thuthlung bâwm zâwntu thiempuhai chu mipui hmaa chun an fe a, bâwm zâwntuhai chu Jordan an va tlung a,

JOSUA 3:16

saktienga inthawka tui hung luong thla lai chu a ngîr ta a, hla reiah, Zarethan ram bula Adam khuoa chun a lo inhlawm ngîr ûr el ta a; chun, Araba tuipui, Tuipui thi chu, chu tienga luong lûthai khawm chu suktan vawng an ni ta a; chuongchun, mipuihai chu Jeriko khuo zawn taka chun an kai ta a.

JOSUA 3:6

Chun, Josua chun thiempuhai kuoma chun, “Thuthlung bâwm hi zâwn unla, mipuihai hmaah fe ro,” a ta, a hril a. Chuongchun, thuthlung bâwm chu an zâwn a, mipui hma chu an ṭhuoi ta a.

JOSUA 4:19

Mipuihai chu thla khatna ni sâwm niin Jordan vadunga inthawk chu an suok a, Jeriko sak tieng panga Gilgala chun umhmun an khuor ta a.

JOSUA 4:5

chun, Josua chun an kuomah, “Lalpa in Pathien bâwm hmaa khan Jordan vadung lailungah fe unla, Israel thlahai hnam zât, hnam khat ta ding, mi tinin pakhat pei, lung pakhat seng in liengkoah put ro khai.