DÂN PAHNINA 7:6 - Pathien Lekhabu Inthieng (BSI)

⁶ Lalpa in Pathien ta dingin hnam inthieng in ni si a, leilunga hnam po poa inthawk ama chanpuol bîk ni dinga Lalpa in Pathienin a thlang cheu a nih.

DÂN PAHNINA 7:6 ပူးပေါင်းရင်းမြစ်များ

1 LALHAI 3:8

I siehlaw hi i mihai i thlanghai, mi tamtak, an tam leia tiem sêng ruollo le, a zât hriet sêng ruol lohai lai hin a um a na.

EZRA 9:2

An naupasalhai le annihai ta ding ngei khawma an naunuhmeihai an nei si a; chuongchun, chi inthieng chu annia hin hieng rama mihai le hin ân chawkpawl ta a; anih, hi bawsietnaa hin mi ṭhahai le rorêltuhai hi a hmaṭhuoi an ni nghe nghe a nih,” an ta.

INPÂKNA HLABU 114:2

Judahai chu ama hmun inthieng an hung ni ta a, Israelhai chu a rorêlna ram an hung ni ta bawk a.

INPÂKNA HLABU 135:4

Lalpa chun Jakobhai hi ama ta dingin a thlang si a, Israelhai hi a ro bik dingin a thlang bawk a.

INPÂKNA HLABU 50:5

“Ka mi inthienghai, ka kuomah hung ṭhuoi khâwm ro, Ran thata inthâwia ka kuoma thu thlungtuhai chu,” tiin.

FESUOKNA 6:7

Ka mihai ni dingin lâng ka ti cheu a, in ta dingin Pathien ni bawk ka tih; chun, Aigupta mihai rikphurna hnuoia inthawka la suoktu cheu, in Pathien Lalpa ka nih ti hre tâng in tih.

ISAI 41:8

Nisienlakhawm, nangni Israelhai ka siehlaw, Jakob hai ka mi thlang, ka ruolpa Abraham thlahai,

ISAI 41:9

nangni leihnuoi tâwpnaa inthawka ka mi ṭhuoi, a kia inthawka ka mi ko, “ka siehlawhai in nih, pei thla lovin ka thlang lem cheu,” ka itihai,

ISAI 6:13

Chun, a sûnga chun sâwm laia pakhat khawm la um sienla, fâk zoin um nâwk nghâl an tih; nisienlakhawm, sething le thingsaisuo chu phûr hnung khawma a bul a la um zing hlak angin chi inthieng chu a bul la um zing chu a nih,” tiin.

ISAI 62:12

Chuongchun, anni chu Mi Inthienghai, Lalpa intlanhai tîng an tih; nang chu Zawng suok, mâksan naw khawpui, tîng an ti che,’ tiin,” a ti a.

JEREMIA 2:3

Israel hi Lalpa ta dinga inthieng, a hlâwkna ra hmasa tak chu a na; ama fa zotuhai po po chu suola ngai nîng an ta, an chunga chun thil ṭha naw tlung a tih, Lalpa chun a tih.”

EZEKIEL 20:5

an kuoma chun, Lalpa Pathien chun hieng hin a tih; ‘Israel hi ka thlang a, Jakob sûngkaw thlahai chunga chun ka bân ka phar a, Aigupta ramah anni laia kân sukhmêlhriet nia chun; ka bân ka phar a, Lalpa in Pathien ka nih,’ tiin;

LEVI DÂN 20:24

Amiruokchu, nangni kuoma chun, an ram, nênetui le khuoizua luong ram chu hluong in ta, in hluo dingin ka pêk cheu a nih, ka lo ti ta a. Kei hi Lalpa in Pathien, hnam danghaia inthawka suktumtu cheu chu ka nih.

LEVI DÂN 20:26

Ka ta dinga mi inthieng in ni ding a nih; kei Lalpa chu kân thieng si a, ka ta in nina dingin hnam danghaia inthawkin ka suktum ta cheu a nih.

AMOS 3:2

“Nangni chau hi khawvêla sûngkuo po po laia ka hriet in na; chuleiin, in khawhlona po poahai chun hrem ka ti cheu.

MALAKI 3:17

Sipaihai Lalpa chun, “Anni chu ka tahai nîng an ta, ro mak bîktak ka siemna nia ngei chun; chun, miin a naupa ama rawngbâwltu chu a hla hlak angin anni chu hlâng ka tih.

THILTHAWHAI 13:17

Hieng Israel chihai Pathien hin, ei thlatuhai a thlang a, Aigupta rama an thang zing lai khan a chawimawi a, bân pharin chutaka inthawk chun a ṭhuoi suok ta a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:4

Israel mi an ni si a; nau nina dâm, ropuina dâm, thuthlung po po dâm, Dân pêkna dâm, Pathien rawngbâwlna dâm, thutiemhai po po an ta a nih;

DÂN PAHNINA 14:2

Lalpa in Pathien ta dingin hnam inthieng in ni si a, hnuoi chunga hnam po poa ama puol bik ni ding cheuin Lalpain a thlang cheu in nih.

DÂN PAHNINA 14:21

“Mania thi chu iengkhawm in fâk ding a ni naw a, in umpui ram dang mihai fâk dingin pe thei in tih; hnam dang mihai kuomah a zawrin zawr thei bawk in tih; nangni chu Lalpa in Pathien ta dinga hnam inthieng in ni si a. Kêlte chu a pui nênetuiin in suong ding a ni nawh.

DÂN PAHNINA 26:18

chun, vawisûn hin a tiem ta cheu ang khan, a thupêkhai po po chu in zâwm a, ama chanpuol bîk ni ding le

DÂN PAHNINA 26:19

a lo hril ta anga Lalpa in Pathien ta dinga mi inthieng in ni theina ding le hnam a siem po po laiah a bîka inpâk dâm, hming ṭhat dâm, chawimawi dâm hlaw dingin Lalpain a thlang cheu a nih,” tiin.

DÂN PAHNINA 28:9

“In kuomah ṭawng a lo inkhâm ta angin Lalpa chun ama ta dingin hnam inthiengah sukdet a ti cheu, Lalpa in Pathien thupêkhai in zâwm a, a lampuihai chu in hraw phawt chun.

DÂN PAHNINA 33:3

Anih, a mihai chu a hmangai a, A mi inthienghai po po chu a kutah an um a; I ke bulah an ṭhung a, I thu chu pawm peiin,

DÂN PAHNINA 4:20

Lalpa chun a mihai, a ro ni dinga thîr rawtuinaa inthawk, Aigupta rama inthawk chun a ṭhuoi suok lem cheu a ni kha, tuta in ni ang hin.

DÂN PAHNINA 4:37

In pi le puhai chu a hmangai leiin an hnungah an thlahai chu a thlang cheu a, ama ṭhangin a thilthawtheina ropuitakin Aigupta rama inthawk chun a ṭhuoi suok cheu a;

TITA 2:14

Ama chun bawsietna po poa inthawka a mîn tlan theina dingin le, chi thlang bîk, thil ṭha thawa ṭhahnemngaia, ama ta dinga a sukthieng theina dingin ei aiin ân pêk kha.

1 PETER 2:9

Nisienlakhawm, inthima inthawka suok a, a var nasataka lût dinga kotu cheu ṭhatna chu in inentir theina dingin, nangni chu chi thlang, lal thiempuhai, hnam inthieng, Pathien mihai ngei in ni si a.

2 PETER 2:5

Chun, ama ngaisaknawhai umna, khawvêla khan tui suklêtin, tienlai khawvêl chu a hla naw a, nisienlakhawm, Noa, felna thu hriltu, mi dang pasari leh a sandam ta a.

2 PETER 2:9

Lalpa chun, ama ngaisaktuhai chu thlêmnaa inthawka sansuok dân le, fel nawhai chu rorêl nia dingin hrem puma khêk dân a hriet;

1 SAMUEL 12:22

A hming ropuitak lei hin Lalpa chun a mihai chu a nghatsan âwm si naw a, a mihai ni dinga siem cheu chu Lalpa lâwm zâwngtak a ni si a.