DÂN PAHNINA 7:5 - Pathien Lekhabu Inthieng (BSI)

⁵ An chungah hieng ang hin in thaw lem ding a nih, an maichâmhai sukchim in ta, an lungphunhai suknâwi in ta, an Aserahai phûr in ta, an milim siemfâwmhai in raw vawng ding a nih.

DÂN PAHNINA 7:5 ပူးပေါင်းရင်းမြစ်များ

2 LALHAI 10:26

Chun, Baal ina milimhai chu an lâksuok a, an raw a.

1 CHANCHIN SUINA 14:12

Chun, anni chun an pathienhai chu chutaka chun an tlânsan a, David chun thu a pêk a, chuonghai chu meiin an raw ta a.

2 CHANCHIN SUINA 14:3

bâwlhmunhai le maichâm danglamhai chu a lâk hmang a, lungphunhai chu a sukthliek a, Asera chu a phûr thlûk bawk a;

FESUOKNA 23:24

An pathienhai kuoma chun i kûn ding a ni naw a, an rawng khawm i bâwl ding a ni naw a, an sin i thaw ding a ni bawk nawh; anni chu peithla letdêr i ta, an milimhai chu suknâwi vawng i tih.

FESUOKNA 32:20

Bâwngte lim an siem chu a lâk a, meiah a raw a, a râwt nâwi a, tuiah a phul a, Israelhai chu ân dâwntir ta a.

FESUOKNA 34:13

Amiruokchu, an maichâmhai chu kei chim in ta, an milimhai chu vaw nawi vawng in ta, an pathiennu Asera lim khawm chu phûr thlûng in tih:

ISAI 17:8

Maichâm anni kut suok tieng chu en ta naw ni a, anni kuta siem Asera amanih, nisa limhai amani khawm inza ta naw ni hai.

LEVI DÂN 26:1

“Milim hrim hrim in insiempêk fâwm ding a ni naw a, milim siem fâwm le lungphun dâm in inngîr ding a ni nawh; chibai bûk dingin chuong anga lung cher in ram sûngah in inngîr ding a ni nawh; kei hi Lalpa in Pathien chu ka ni si a.

NAMBAR 33:52

Kanaan ram in lût pha chun, chu rama um po pohai chu hnawt suok vawng in ta, an lung milimhai po po chu sukse vawng in ta, an milim sunghai khawm sukse vawng in ta, an bâwlhmunhai khawm in ṭhiek vawng ding a nih;

DÂN PAHNINA 16:21

“Lalpa in Pathien maichâm in lân ngîr ding sîra chun thing ieng chi khawma Asera in inngîr ding a ni nawh.

DÂN PAHNINA 16:22

Lalpa in Pathienin a theida zâwng lung khawm in phun ding a ni nawh.

DÂN PAHNINA 7:25

An Pathien lim siem fâwmhai chu in raw ding a nih, chutaka tangkaruo amanih, rângkachak amanih chu in inhnar ding a ni naw a; in ta dingin in lâk ding a ni bawk nawh, chuong naw chun inâwk el rawi in tih; Lalpa in Pathien ngaiin thil tirdakum an ni si a.

DÂN PAHNINA 9:21

In suolna leia in siem bâwngte lim chu ka lâk a, ka raw a, ka suknâwi a, pilvut angin ka râwtnawi dar a; a phit chu tlânga inthawka vadung hung luonga chun ka phul a.