DÂN PAHNINA 7:16 - Pathien Lekhabu Inthieng (BSI)

¹⁶ Lalpa in Pathienin a pêk ding cheu hnamhai po po chu in sukbohmang vawng ding a nih, in lunginsiet ding a ni naw a, an pathienhai rawng khawm in bâwl ding a ni nawh; in ta dingin châng a ni el ding a ni si a.

DÂN PAHNINA 7:16 ပူးပေါင်းရင်းမြစ်များ

INPÂKNA HLABU 106:34

Lalpain an kuoma sukbohmangna thu a pêk angin, Mipuihai chu an sukbohmang naw a.

INPÂKNA HLABU 106:36

A milim rawnghai an bâwl a, Chuong chu an ta dingin châng a lo ni tah.

FESUOKNA 23:33

I ram sûngah an um ding a ni naw a, chuong naw chun ka chungah insuksuoltir rawi an ti che; an pathienhai rawng i bâwl chun, i ta dingin châng a ni ngei ngei ding a ni si a, tiin” a ta..

JEREMIA 21:7

Chu hnunga chun, Lalpa chun a tih: Juda lal Zedekia le, a siehlawhai le, mipuihai, hi khawpuia hripuia inthawka hlaa la umhai, kâwlhnâm le ṭâma inthawka la hlaa umhai chu Babulon lal Nebukadnezzar kuta dâm, an hmêlmahai kuta dâm, an hringna lâk tumtuhai kuta dâm chun pêng ka tih; chun, ama chun kâwlhnâm ngeiin that a ta; anni chu hla naw ni a, lunginsiet bawk naw ni a, zângaina nei bawk naw ni.

NAMBAR 33:55

Amiruokchu, chu rama umhai chu in hnawt suok naw chun in inumtirhai chu in mit ta dinga suntu le in pang ta dinga hling ang nîng an tih.

1 KORINTH 15:33

Hlêmin um naw ro, “Ruol rilohaiin nungchang ṭha an sukkhawhlo hlak.”

DÂN PAHNINA 13:8

in remtipui ding a ni naw a, in pawm ding a ni bawk nawh; in lunginsiet ding a ni naw a, hla khawm in hla ding a ni naw a, in thup ding a ni nawh;

DÂN PAHNINA 13:9

in sukhlum ngei ngei lem ding a na; a sukhlum dingin kut thlâk hmasâng i ta, chu hnunga chun mipui po poin,

DÂN PAHNINA 19:13

In lunginsiet ding a ni naw a, in ta dinga ṭha dingin Israel rama inthawka pawitâwklo thisen insuona chu in sukbo ding a nih.

DÂN PAHNINA 19:21

In lunginsiet ding a ni naw a, hringna aiah hringna, mit aiah mit, ha aiah ha, kut aiah kut, ke aiah ke nîng a tih.

DÂN PAHNINA 25:12

a kut chu in tanpêk ding a nih, in lunginsiet hlawl ding a ni nawh.

DÂN PAHNINA 7:2

in sukbohmang vawng ding a nih; anni le chun thu in thlung ding a ni naw a, in lunginsiet ding khawm a ni nawh.

DÂN PAHNINA 7:25

An Pathien lim siem fâwmhai chu in raw ding a nih, chutaka tangkaruo amanih, rângkachak amanih chu in inhnar ding a ni naw a; in ta dingin in lâk ding a ni bawk nawh, chuong naw chun inâwk el rawi in tih; Lalpa in Pathien ngaiin thil tirdakum an ni si a.

JOSUA 11:20

Lalpain Mosie thu a pêk anga sukchimit vawng a, lainatna ṭhang dêr lova a sukbohmang theina dinga an lungril sukngarpêka Israelhai indotir hlaktu chu Lalpa chu a ni si a.

RORELTUHAI 2:12

Lalpa an thlatuhai Pathien, Aigupta rama inthawka anni ṭhuoi suoktu kha an nghatsan a, pathien dang, an kâwl vêla umhai pathienhai laia mi chu an zui a, chibai an bûk a; chuongchun, Lalpa chu an suklungsen ta a.

RORELTUHAI 2:3

Chuleiin, tuhin, ka hril cheu hi, Anni chu hnawt suokpêk ta naw ning cheu a, in nâkphêkhaia chun hling ang hung ni tâng an ta; an pathienhai chu in ta dingin châng nîng an tih,” a ti a.

RORELTUHAI 3:6

an naunuhmeihai chu nuhmeiin an nei a, chun an naunuhmeihai chu anni naupasalhai an inneitir thung a, an pathienhai rawng chu an bâwl ta a.

RORELTUHAI 8:27

Chun, Gideonin chuonghai chun thiempu zakawsîng a siem a, a umna Ophra khuoa chun a sie a; chutaka chun chu chu bein Israelhai po po chu an lo uire zo ta a, Gideon le a sûnghai ta ding khawma châng a lo ni ta a.