DÂN PAHNINA 7:13 - Pathien Lekhabu Inthieng (BSI)

¹³ hmangai a ti cheu a, malsâwm a ti cheu a, sukpung a ti cheu a, pêk dinga in pi le puhai kuoma ân khâmna rama chun in rîla ra le in hnuoi ra khawm malsâwm bawk a tih, in bu dâm, in uoin dâm, in hriek dâm, in bâwngtehai le in berâmtehai khawm.

DÂN PAHNINA 7:13 ပူးပေါင်းရင်းမြစ်များ

JOHAN 14:21

Tukhawm ka thupêkhai nei a, zâwm chu a mi hmangaitu a nih; tûkhawm a mi hmangai chu, ka Pain hmangai a tih, kei khawmin ama chu hmangai ka tih, a kuomah inlâr rawp ka tih,” a ta.

JOHAN 15:10

Nangnîn ka thupêkhai in zâwm chun ka ihmangaiin um zing in tih; keiin ka Pa thupêkhai ka zâwm a, a ihmangaia ka um zing ang bawk hin.

JOHAN 16:27

Pa ngeiin a hmangai si cheu a, nangnîn kei in mi hmangai a, Pathiena suok ka nih ti in ring leiin.

FESUOKNA 23:25

Lalpa i Pathien rawng chu bâwl i ta, i tui le beia khawm mal sâwmpêk ka ti che; chun, nangmaa inthawkin natnahai chu la hmang bawk ka tih.

MATTHAI 6:33

A ram le a felna chu zawng hmasa lem ro; chuongchun, chuong po po chu a pêk sa ding cheu a nih.

THUVARHAI 10:22

Lalpa malsâwmna chun a siem hausa a, Chutaka chun lungngaina a belsa nawh.

JOB LEKHABU (THE BOOK OF JOB) 42:12

Chuongchun, Lalpa chun Job chu a hun tâwp tieng chun a hun hmasa tieng nêk hmanin mal a sâwm ta a: berâm chu sîng khat le sâng li a nei a, sanghâwngsei sâng ruk leh, bâwngchal tuok sâng khat leh, sabengtungpui sâng khat a nei ta a.

DÂN PAHNINA 28:11

Chun, nangni pêk dinga in pi le puhai kuoma Lalpain a lo tiem rama chun in rîla rahai, in ran ruol punghai, in hnuoi rahaia dâm, Lalpain nasatakin sukpung a ti cheu.

INPÂKNA HLABU 1:3

Ama chu tuiluong kâwla thing phun, A huntaka ra insuo hlak, A hna khawm vuoi ngailo ang hi a nih: A thilthaw taphawt chu hlawtling pei a tih.

DÂN PAHNINA 7:7

“Hnam dang nêka in tam leiin Lalpain in chungah a hmangaina ân fûktir a, a thlang cheu a ni naw a; hnam po poa hnam tlâwm tak in nih in sawnnaw.

INPÂKNA HLABU 11:7

Lalpa chu a fel si a, felna hi a ngaina hlak, Mi indiktakhai chun a hmêl la hmûng an tih.

LEVI DÂN 26:9

Ditsak ka ti cheu a, in kuomah ka thuthlung sukdet ka tih.

DÂN PAHNINA 13:17

Râllâk sum chu a ieng ieng khawm in tâwk ding a ni nawh, Lalpa chun a lungsenna nasatak chu inlêt a ta, zângaina inhmutir a ti cheu a, lunginsiet a ti cheu a, a sukpung ding cheu a nih; in pi le puhai kuoma ṭawng a lo inkhâm ta ang khan;

DÂN PAHNINA 30:5

Chun, Lalpa in Pathienin in pi le puhaiin an hluo rama khan ṭhuoi lût nâwk a ti cheu a; hluong in ta, amân sukvângnei a ti cheu a, in pi le puhai khûmin sukpung a ti cheu.

INPÂKNA HLABU 127:3

Ngai ta, nau le têhai hi Lalpaa inthawka ei rochan an na, Rîla ra hi a lâwmman mi pêk a nih.

INPÂKNA HLABU 146:8

Lalpa chun mitdelhai mit a sukvar hlak a, Lalpa chun kûn ngâwi ngâwi hai chu a keitho hlak a; Lalpa chun mi felhai chu a hmangai hlak.

THUVARHAI 15:9

Mi khawhlo lampui chu Lalpa ta dingin tirdakum a na, Felna hnawttu ruok chu a hmangai hlak.

DÂN PAHNINA 1:8

Ngai ta u, ram chu ka pêk dai ta cheu, in pu Abraham hai, Isak hai, Jakob hai le an hnunga an thla nâwk peihai kuoma inkhâma Lalpain a pêk ram chu va hluo ro,’ tiin.

DÂN PAHNINA 28:1

“Lalpa in Pathien râwl chu nguntaka in ngai a, vawisûna thu ka pêk cheu thupêk po pohai fîmkhurtaka in zâwm chun, Lalpa in Pathien chun khawvêl hnam po poa chunghnung takah siem a ti cheu.

NEHEMIA 9:32

Chuleiin, kan Pathien, Pathien ropui, iengkim thawthei le ṭium, thuthlung hlena lunginsietna suklangtu chun keini chunga le kan lalhai, kan mi lienhai dâm, kan thiempuhai dâm, kan zâwlneihai dâm, kan pi le puhai le i mihai po po chungah, Assuria lalhai inlal laia inthawka tu chena rinumna hung tlung zozai hi thil chîn thamah ngai naw rawh.

JOB LEKHABU (THE BOOK OF JOB) 1:10

Ama vêla le, a in le a nei po po, a sîr tina chun paldâi i siempêk a ni naw am a nih? A kuthai sinthaw chu mal i sâwm a, a ran ruol chu hi rama hin a hung pung ta a.

INPÂKNA HLABU 107:38

Anni chu mal a sâwm hlak a, nasataka sukpungin an um a, An ranhai chu a kiem a phal ngai naw a,