Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




DÂN PAHNINA 6:3 - Pathien Lekhabu Inthieng (BSI)

3 Chuleiin, aw Israel mihai, in tluongtlunga, Lalpa, in pi le puhai Pathienin a tiemkam ta cheu angin nênetui le khuoizu luongna rama nasataka in hung pung theina dingin ngai unla, zâwm dingin fîmkhur ro.

အခန်းကိုကြည့်ပါ။ ကော်ပီ




DÂN PAHNINA 6:3
25 ပူးပေါင်းရင်းမြစ်များ  

Chuongchun, chi ropuitakah siem ka ti che a, mal khawm sâwm ka ti che a, i hming sukropui bawk ka tih: nang malsâwmna nîng i tih.


Chun, i thlahai chu hnuoia pilvut ang elin la siem ka tih: chuongchun, mîn hnuoia pilvut hi an tiem sêng chun i thlahai khawm chu tiem sêng ni bawk an tih.


Chun, ama chu tuolah a ṭhuoi suok a, “Vân tieng khi en la, arasihai khi i tiem thei chun tiem ta khai,” a ta. Chun, ama bawkin, “I thlahai chu khieng zât khi la nîng an tih,” a ta.


mal sâwm ngei ngei ka ti che a, vâna arasi zât le tuisuoriet panga phaiphin zâtin i thlahai chu la sukpung ngei ngei ka ta, i thlahai chun an dohai kul kawtkhâr chu neipêk an ta, ka thu i âwi ta leiin,


Vâna arasi zâtin i thlahai chu la sukpung ka ta, hieng ram po po hi i thlahai kuomah la pe bawk ka tih; chun, i thlaa chun khawvêla chi tin la thawveng an tih:


i thlahai chu hnuoia pilvut zâtin la um an ta, thlangtieng dâm, saktieng dâm, hmârtieng dâm, simtieng dâm indar lien i ta, nangma le i thlahaia chun khawvêla hnam tin la thawveng an tih.


Nangin i thununna thuhai chu thupêkin i mi pêk a, Ṭhahnemngaitaka kan zâwm theina dingin.


Nisienlakhawm, Israel mipuihai chu an hung sûngruol a, tamtaka hung inbelsain an hung pung a, nasataka thilthawtheiin an hung um a; ram chu anni hluo sipin a um ta a.


Chun, in kuomah Aiguptaa rimsiknaa inthawkin Kanaan mihai, Hit mihai, Amor mihai, Periz mihai, Hiv mihai le Jebus mihai ram khuoizu le nênetuia luong rama chun ṭhuoi lût ka ti cheu ti ka tiem ta cheu kha,’ a tih, ti rawh.


Chu nawa khawm, “I thlatu Pathien, Abraham Pathien, Isak Pathien le, Jakob Pathien ka nih,” a ti a. Chun, Mosie chun Pathien chu a en ngam naw a, a hmai a thup ta a.


chuleiin, Aigupta mihai kuta inthawka anni sansuok ding le, chu rama inthawka, Kanaan mihai, Hit mihai, Amor mihai, Periz mihai, Hiv mihai le Jebus mihai hmun, ram lien le ram ṭha, khuoizu le nenetui luong rama ṭhuoi lût dinga hung thla ka nih.


Mi suol chun thil ṭha naw vawi za thawin a dam sûng nihai chu suksei tho sien khawm; matheilovin, Pathien ṭituhai ta ding chun, ama hmaa an ṭi leiin, a ṭha ding a nih ti ka hriet a;


Mi fel thua chun, “An la ṭha ding a nih,” ti ro; an thilthaw rahai chu an fâk ding a ni si a.


A ṭha amanih, a sie amanih khawm ni sienla, Lalpa kan Pathien kan itirna che chu a râwl chu ngai kan tih; Lalpa kan Pathien râwl chu kan awi pha chun, keini ta dinga a ṭhatna dingin, ” an ta.


nisienlakhawm, hi thua hin thu ka pêk a, “Ka râwl hi ngai unla, in Pathien nîng ka ta, nangni khawm ka mihai nîng in tih; chun, thu ka pêk cheu po po kha hraw unla, in ta dingin ṭhâng a tih,” tiin.


“Chun, Pathienin Abraham kuoma thu a tiem kha a hung tlung hun chu a tlung dingin, mihai chu Aiguptaa chun an pung a, an tam ta deu deu a,


nênetui le khuoizu luongna ram, in pi le puhai le an thlahai pêk dinga Lalpain ṭawng a lo inkhâmna tah rama chun in chêng sâwt theina dingin.


I umna inthieng vâna inthawk chun hung en la, nênetui le khuoizu luongna ram, kan pi le puhai pêk dinga ṭawng i lo inkhâm tah ang khan i mi Israelhai le i leilung mi pêk hi malsâwm rawh,’ in ti ding a nih.


hi hmuna hin a mi ṭhuoi lût a, hi ram, nênetui le khuoizu luongna ram hi a mi pêk a.


In kai hnung chun a chunga chun hi dân thu po po hi in ziek ding a nih; chuongchun, Lalpa, in pi le puhai Pathienin a lo tiem cheu ang khan nênetui le khuoizu luongna ram, Lalpa in Pathienin a pêk cheu rama chun fe thei in tih.


An pi le puhai kuoma inkhâma ka tiem, nênetui le khuoizua luong rama chun ka ṭhuoi a, fa le dâwna an um a, an tlaia an hung thâu pha meu chun pathien danghai kuom tieng nghâng an ta, an rawnghai bâwl an ta, mi hmusit an ta, ka thuthlunghai bâwsieng an tih.


Kumkhuoa dinga Lalpa in Pathienin a pêk cheu rama chun nangni le in thlahai ta dinga ṭha le in chêng sâwt theina dinga thuruothai le thupêkhai, tuta ka pêk cheu hi in zâwm ding a nih,” ti hi.


Chuongchun, pawm unla zâwm ro; chu tak chu, hieng dân po po hi hre a, ‘Hi hnam ropuitak hi mi vartak le thil hre mi tak an ni phawt el,’ titu hnamhai mithmua chun in varna le thil hre mi in nina nîng a tih.


bu dâm, buṭei dâm, grêp dâm, theichang dâm, theibufai dâm, umna ram, hriek nei oliv le khuoizu umna ram,


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ