DÂN PAHNINA 6:2 - Pathien Lekhabu Inthieng (BSI)

² nangni le in naupasalhai, in tupahaiin Lalpa in Pathien chu an ṭi a, an dam sûng po poa a thuruothai po po le a thupêk cheu hi in zâwmna ding le in chêng sâwt theina dingin.

DÂN PAHNINA 6:2 ပူးပေါင်းရင်းမြစ်များ

INṬANNA 18:19

Lalpa lampui an hraw theina dingin, a hnunga a nauhai le a sûnghai, thil feltaka thaw ding le rorêl anga thaw dinga thu a pêk theina dingin ama chu ka ruot ta si a, a chungchâng thu a hril chu Lalpain Abraham chunga ân tlungtir theina dingin,” a ta.

INṬANNA 22:12

Ama chun, “Naupang chunga khan i kut thlâk naw la, ama kha iengkhawm law naw rawh; i naupasal nei sun khawm mi pêk în ro naw leiin Pathien i ṭi ti tuhin ka hriet tah,” a ta.

1 LALHAI 8:40

Kan puhai i pêk rama an um sûng po hin an ṭi theina ding chein.

JOB LEKHABU (THE BOOK OF JOB) 28:28

Chun, mihriem kuoma chun, ‘Ngai ta, Lalpa ṭi chu, varna a nih; Suola inthawka fe hmang chu hrietthiemna a ni bawk a,’ a ta,” tiin

INPÂKNA HLABU 111:10

Lalpa ṭina chu varna bul a na, Chuong anga thaw taphawthai chun hrietthiemna ṭha an nei a. Ama inpâkna chu kumkhawtluonga um ding a nih.

INPÂKNA HLABU 128:1

Lalpa ṭî taphawt chu an hamṭha ie, A lampui hrawtuhai chu.

INPÂKNA HLABU 91:16

Dam sâwtnain suklungawi ka ta, Ka sandamna chu inhmutir bawk ka tih.

FESUOKNA 20:12

I nu le pa chawimawi rawh: Lalpa i Pathienin a pêk che rama hin i nihai chu a sâwt theina dingin.

FESUOKNA 20:20

Mosie chun mipui kuomah, “Ṭi naw ro. Pathien ṭiumna chu in hmua in suol nawna dingin nangni infiena ding cheuin ama chu a hung a ni si a,” a ti a.

THUVARHAI 16:6

Zângaina le thutak chun khawhlona chu sâwpfai a na, Lalpa ṭina leiin mihaiin suolna an zâmsan.

THUVARHAI 3:16

A kut changtieng chun nihai seina chu a um a; A kut vawitieng chun hausaknahai le inzaumna an um bawk a.

THUVARHAI 9:11

Keimaa chun i nihai chu belsa nîng a ta, I dam sûng kumhai chu sukpung nîng an tih.

THUHRILTU 12:13

Hi hi thil tâwp chu a nih; thil po po chu hriet a ni ta a; Pathien ṭî la, a thupêkhai chu zâwm rawh; hi hi mihriem thilthaw ding pumpui chu a nih.

JEREMIA 32:39

kumkhuoa an mi ṭi theina dingin anni chu lungril pakhat le lampui pakhat chau pêng ka tih; anni le an hnunga an thlahai ṭhatna dingin.

EZEKIEL 20:19

Lalpa in Pathien chu kei ka na, ka thuruothai chu hraw unla, ka rorêlhai chu pawm unla, thaw ro;

LUKA 12:5

Amiruokchu, tû am in ṭi ding hril lâwk ka ti cheu; a sukhlum hnung khawma Hremhmuna pei theina thuneitu chu ṭi ro; anih, ka hril cheu hi, ama mawl chu ṭi ro.

DÂN PAHNINA 10:20

Lalpa in Pathien chu ṭîng in ta, ama rawng chu bâwl in ta, ama chu chel tlat in ta, a hming sâlin in inkhâm ding a nih.

DÂN PAHNINA 11:9

nênetui le khuoizu luongna ram, in pi le puhai le an thlahai pêk dinga Lalpain ṭawng a lo inkhâmna tah rama chun in chêng sâwt theina dingin.

DÂN PAHNINA 13:4

Lalpa in Pathien chu zui in ta, ama chu ṭîng in ta, a rawng dâm bâwl in ta, ama chu in chel tlat ding a nih.

DÂN PAHNINA 15:5

hieng thupêk, tuta ka thupêk po po cheu hi pawm dinga Lalpa in Pathien râwl chu ṭhahnemngaitaka in zâwm phawt chun.

DÂN PAHNINA 22:7

A pui chu insuo ngei ngei ding a nih, a te ruok chu la thei in ta, chuongchun, in ta dingin ṭhâng a ta, dam sâwt in tih.

DÂN PAHNINA 30:19

In hmaah hringna le thina, malsâwmna le ṭawngsie ka sie ti tuhin in chungchâng thua hretu dingin hnuoi le vân ka sâl a nih; chuongchun, hringna chu thlang ro, in hring theina dingin, nangni le in thlahai leh;

DÂN PAHNINA 30:20

Lalpa in Pathien hmangaia, a râwl ngaia, ama cheltlatin, ama chu in hringna, in dam sâwtna a ni si a; chuongchun, in pu Abraham hai, Isak hai, Jakob hai inkhâma pêk a tiem rama chun in um ding annawm,” tiin.

DÂN PAHNINA 4:10

“Horeb tlânga Lalpa in Pathien hmaa ngîr a, Lalpain ka kuomah, ‘Mipuihai chu mi ko khâwm pêk rawh, hnuoia an um sûng poa mi ṭi dân an inchûk theina dingin an nauhai inchûktir dingin ka thuhai lo inhriettir ka tih,’ a mi ti ni khawm kha theinghil rawi in tih.

DÂN PAHNINA 4:40

Kumkhuoa dinga Lalpa in Pathienin a pêk cheu rama chun nangni le in thlahai ta dinga ṭha le in chêng sâwt theina dinga thuruothai le thupêkhai, tuta ka pêk cheu hi in zâwm ding a nih,” ti hi.

DÂN PAHNINA 4:9

Chuleiin, fîmkhur unla, nguntakin inenkawl phawt el ro, chuong naw chun, in mita in thil hmuhai chu theinghil in ta, in dam sûngin in lungrila inthawk chun bo hlau rawi a tih; in nauhai le in tuhai chen khawm inchûktir hlak ro.

DÂN PAHNINA 5:16

“Lalpa i Pathienin thu a pêk che angin i nu le i pa chawimawi rawh; chuongchun, Lalpain ram a pêk che a hin tluongtlung i ta, i dam sâwt ding a nih.

DÂN PAHNINA 5:33

In va hluo ding rama in um a, in ta dinga ṭhatna ding le in chêng sâwt theina dingin Lalpa in Pathienin thu a pêk cheu lampui chu in hraw tluonsuok ding a nih.

DÂN PAHNINA 6:1

“Chun, hluo dinga in va kaina rama in zâwm dinga Lalpa in Pathienin nangni inchûktir dinga thu a mi pêk, thupêk dâm, thuruot dâm, rorêl dâm chu hieng hi an nih;

DÂN PAHNINA 6:24

Chuongchun, hieng dânhai po po hi zâwm ding le ei ṭhat zingna dinga Lalpa ei Pathien chu ṭi dingin Lalpa chun thu a mi pêk a, vawisûn nia anga mi dama a mi hla theina dingin.

DÂN PAHNINA 6:7

in nauhai ṭhahnemngaitakin inchûktir in ta, in ina in ṭhung lai dâm, lampuia in fe lai dâm, in zâl lai dâm, in tho huna khawm in hril hlak ding a nih.

JOSUA 4:24

Leihnuoia hnam tinrêngin Lalpa kut hi a lo hrât a nih ti an hriet thei a, Lalpa in Pathien chu kumkhuoa an ṭi theina dingin,” tiin.

1 PETER 1:17

Chun, mi tin thlier bik nei lova, sinthaw ang peia ngaituo hlaktu chu Pa anga in lam chun hitaka in châm sûng po chu ṭi dêkin um ro.