DÂN PAHNINA 5:1 - Pathien Lekhabu Inthieng (BSI)

¹ Chun, Mosiein Israelhai po po chu a ko khâwm a, an kuomah, “Aw Israel mihai, in inchûka in pawm dinga dânhai, thuruothai, in na hrieta vawisûna ka hril hi lo ngai ro.

DÂN PAHNINA 5:1 ပူးပေါင်းရင်းမြစ်များ

INPÂKNA HLABU 78:7

An beiseina chu Pathienah an innghat theia, Pathien thilthawhai chu an theinghil nawa, A thupêkhai chu an zâwm lemna dingin;

FESUOKNA 15:26

ama chun, “Lalpa in Pathien rawl chu nguntaka in ngai a, a mit hmua thildik chu in thaw a, a thupekhai tieng in na in sit a, a dân ziekhai chu in vawng tlat chun, Aigupta mihai chunga kân tlungtir natnahai hrim hrim kha in chungah intlungtir dêr naw ningah: Lalpa nangni sukdamtu cheu chu ka ni si a,” a ti a.

FESUOKNA 18:20

chun, dân ziekhai le dânhai chu anni inchûktir i ta, an sin thaw dinghai le, kawng an hraw ding chu anni kâwkhmu bawk i ta.

MATTHAI 23:3

Chuleichun, thaw dinga an hril taphawt cheu chu zâwm unla, thaw pei ro, an thilthaw ang ruok chu thaw ve naw ro, hril chu an hril hlak a, an thaw ngai si naw a.

DÂN PAHNINA 1:1

Hieng thu hi Jordan saktieng, Paran le Tophel, Laban, Hazeroth le Dizahab inkara Suph va dep Araba, Mosiein Israelmihai po po kuoma a hril chu a nih.

DÂN PAHNINA 11:1

“Chuleiin, Lalpa in Pathien chu in hmangaiin a thuruothai, a dânhai, a rorêlhai, a thupêkhai chu in zâwm rawp ding a nih.

DÂN PAHNINA 12:1

“Lalpa in pi le puhai Pathienin a pêk cheu ram in hluo a, hnuoia in um sûnga fîmkhurtaka in zâwm ding thuruothai, rorêl dânhai chu hieng hi a nih.

DÂN PAHNINA 17:19

kawl a ta, a dam sûng chun a tiem rawp hlak ding a nih, hieng dân le hieng thuruothai po po hi pawma, zâwma thaw dinga Lalpa a Pathien ṭi dân ân chûk theina dingin;

DÂN PAHNINA 28:15

“Amiruokchu, Lalpa in Pathien râwl chu nguntaka in ngai a, vawisûna thu ka pêk cheu thupêk po pohai hi fîmkhurtaka in zâwm naw chun hieng ṭawngsie po pohai hi in chungah hung um a ta, nangchîng an ti cheu.

DÂN PAHNINA 29:10

“Tuhin in rêngin in hnam ṭhuoituhai, in upahai, in hotuhai, Israel mi po po,

DÂN PAHNINA 29:2

Chuongchun, Mosie chun Israel mi po po chu a ko a, an kuomah a hril a, “Aigupta rama Pharao chunga dâm, a mihai po po chunga dâm, a ram po po chunga dâm, in mithmu ngeia Lalpain thil a thawhai po po kha in hmu a,

DÂN PAHNINA 4:1

“Khai le, Israel mihai, Lalpa in pi le puhai Pathienin ram a pêk cheu chu dama in hluo theina dinga in pawm dinga ka închûktir hlak cheu dânhai le rorêlhai chu lo ngai ta u.

DÂN PAHNINA 4:49

Jordan râl saktieng pang Araba po po, Pisga pangpêr hnuoia Araba tuipui chenin.

DÂN PAHNINA 4:5

Ngai ta u, in va hluo ding rama khawm in zâwm pei dingin Lalpa ka Pathienin thu a mi pêk ang takin dânhai le rorêlhai chu kân chûktir cheu a.

DÂN PAHNINA 5:2

Lalpa ei Pathienin Horeba chun ei kuomah thu a thlung a.

DÂN PAHNINA 6:17

Lalpa in Pathienin a pêk cheu, thupêk dâm, a thuinhriettir dâm, a thuruot dâm, fîmkhurtakin in zâwm ding a nih.

JOSUA 1:8

Hi dân bu hin i bâu chu suoksan hlek naw sienla, chu thu ziekhai po po chu i zâwm tlat theina dingin sûn le zânin i ngaituo ding a nih, chuongchun, i lampuihai chu suktluong pei i ta; i hung tluongtlung pei ding a nih. Thu ka pêk che a ni naw am a nih?