DÂN PAHNINA 4:34 - Pathien Lekhabu Inthieng (BSI)

³⁴ Hnam dang laia inthawka fiena dâm, inchikna dâm, thilmak dâm, indona dâm, kut hrâttak dâm, bân phar dâm, thil râpthlâkhaia Lalpa in Pathienin in mithmua Aigupta rama a thaw hlak ang po poa hnam ṭhuoi suok ngam pathien an um hlak am chu?

DÂN PAHNINA 4:34 ပူးပေါင်းရင်းမြစ်များ

INPÂKNA HLABU 136:12

Kut thahrât le bân phara: A ngilneina chu kumkhawtluongin a um ding a ni si a.

INPÂKNA HLABU 24:8

Ropuina Lal chu tu am a na? Lalpa hrâttak le thilthawtheitak, Lalpa indonaa thilthawtheitak chu a nih.

INPÂKNA HLABU 78:12

An thlatuhai mithmuah thilmakhai a thaw hlak a, Aigupta rama Zoan phûla chun.

FESUOKNA 1:9

A mihai kuoma chun, “En ta u, Israel mipuihai hi eini nêkin an tam hlein thil an thaw thei lem bêk a;

FESUOKNA 10:21

Lalpa chun Mosie kuomah, “Aigupta ram chunga inthimna, inmaia inmaina khawp hielin inthimna a hung um theina dingin i bân phar rawh,” a ti a.

FESUOKNA 10:7

Chun, Pharao siehlawhai chun a kuomah, “Hi mipa hi ei ta dingin ieng chen am châng a ni ding a ni leh? An Pathien Lalpa chu a rawng an bâwlpêk theina dingin mihai chu infetir ta la: Aigupta hi suksiet vawng a ni tah ti hi i la hriet naw rawp am a nih?” an ti a.

FESUOKNA 13:3

Mosie chun mipui kuoma chun, “Suoka in umna Aiguptaa inthawk in hung suok ni kha hre zing ro: Lalpain kut thahrâtin chu hmuna inthawk chu a hung ṭhuoi suok cheu a ni kha; chawl ṭhang bei hrim fâk a ni ding a ni nawh.

FESUOKNA 14:30

Chu ni chun Lalpain Israelhai chu Aigupta mihai kuta inthawkin a sanhim ta a, tuipui kam vêla Aigupta mi thihai chu Israelhai chun an hmu a.

FESUOKNA 15:11

Aw Lalpa, pathienhai lai hin nanga ang tu am an um a? Inthiengnaa ropui, thilthaw ropuihaia ṭium, Thilmakhai thaw, Nanga ang tu am an um a?

FESUOKNA 19:4

Aigupta mihai chunga ka thilthaw tahai le, mupui thlahai chunga phur cheua ka kuoma ngei ka ṭhuoizie cheu kha in hmu ta a.

FESUOKNA 3:10

Chuleiin, hung ta, Israel mihai chu Aiguptaa inthawka i hung ṭhuoi suok theina dingin Pharao kuomah tir ka ti che,” a ti a.

FESUOKNA 6:6

Chuleiin, Israel mihai kuomah hril la, ‘Lalpa ka ni a, Aigupta mihai rikphurhai hnuoia inthawkin la suok ka ti cheu a, an suok in nina chu sukbopêk ka ti cheu a, bân pharin rorêlna nasatak leh intlan suok ka ti cheu.

FESUOKNA 7:3

Nisienlakhawm, Pharao lungril chu sukngar ka ta, Aigupta rama chun ka thilmakhai le ka inchiknahai chu sukpung ka tih.

ISAI 51:9

Aw Lalpa bân, har la, har la, hrâtna thar inbel rawh; tienlaia, tienlai suonhai um laia i har ang khan har rawh. Nang hi Rahab sât nawitu, dragon suntu kha i ni an nâwm a nih?

JEREMIA 21:5

Keima ngeiin bân phar le kut hrâtin, lunginsenna le, ṭitumna le nasataka lunginthakna leh do ka ti che a.

JEREMIA 32:21

Aigupta rama inthawkin i mi Israelhai chu inchiknahai dâm, thilmakhai dâm, kut hrât dâm le, bân phar dâm le ṭium nasatak leh i hung ṭhuoi suok a;

NAMBAR 20:16

Chuongchun, Lalpa kan ko a, kan râwl chu a lo hriet a, vântirko a hung tir a, Aigupta rama inthawkin a mi ṭhuoi suok a; chun, ngai ta, i ram dep tak Kadesa hin kan um a.

DÂN PAHNINA 1:30

Lalpa in Pathien in hmaṭhuoitu chun in mithmua Aigupta rama a thawpêk ta cheu po pohai ang khan thawpui a ti cheu a,

DÂN PAHNINA 10:21

Ama chu in inpâk ding chu a na, hieng in mita in hmu tah thil ropuitak le râpthlâktakhai thawpêk hlak cheu in Pathien a nih.

DÂN PAHNINA 11:2

Tuhin lo hre unla, Lalpa in Pathien thununna dâm, a ropuizie dâm, a bân hrâtzie dâm, a bân pharzie dâm,

DÂN PAHNINA 26:8

Lalpa chun Aigupta rama inthawk chun kut hrâttak le, bân phar dâm, thil ṭiumtak dâm, inchiknahai dâm le thilmakhaiin a mi ṭhuoi suok a;

DÂN PAHNINA 29:3

a fiena nasatak dâm, inchikna dâm, thilmak dâm in mit ngeia in hmu kha.

DÂN PAHNINA 33:29

I hamṭha de, aw Israel, Nang ang hrim tu am an um a, Lalpa sandam mihai? Nangma ṭhangpuitu phaw, I ropuina kâwlhnâm a nih, I hmêlmahai i kuomah intuklût an ta, An hmun insânghai chu chîl i tih,” a ta.

DÂN PAHNINA 34:12

kut hrâttak le ṭiumtak tak dâma Israel mi po pohai mithmua Mosiein a thaw ang thaw ve hlak chu.

DÂN PAHNINA 5:15

Nang khawm Aigupta rama khan suok i ni ta a, Lalpa i Pathienin chutaka inthawk chu kut hrâttak le bân phara a ṭhuoi suok che i nih ti hre zing rawh; chu lei chun a nih, Lalpa i Pathienin châwlni inser dinga thu a pêk che chu.

DÂN PAHNINA 6:21

‘Aigupta rama Pharao suok ei na, Lalpain Aiguptaa inthawk chun kut hrâttakin a mi ṭhuoi suok a;

DÂN PAHNINA 7:19

fiena nasatakin in mit ngeia in hmuhai, inchikna dâm, thilmak dâm, kut hrâttak dâm, bân phar dâma Lalpa in Pathienin a ṭhuoi suokna cheu kha; khâng ang khan Lalpa in Pathienin in mi ṭihai chunga chun thaw pei a tih.

DÂN PAHNINA 9:29

I thilthawtheina ropuitak le i bân phara i ṭhuoi suok, i mihai le i rochanhai an ni tlat si a,’ ka ti a.

JOSUA 24:7

Chun, anni chun Lalpa an hang ko a, Aigupta mihai le an inkâr chu a hung sukthim ta mup a; chun, tuipui a hung intuomtir a; a chîm hmang tâwl ta a, chuongchun, Aigupta rama ka thilthaw kha in mit ngeiin in hmu a; chun, thlalêra khan sâwttak in um a.

1 PETER 5:6

Chuleiin, a huntaka chun a chawimawi theina ding cheuin, Pathien kut hrâttak hnuoia chun insukhnuoi unla,