DÂN PAHNINA 4:16 - Pathien Lekhabu Inthieng (BSI)

¹⁶ milim dâm insiem fâwmin, insukse hlau rawi in tih, a chal ang amanih, a pui ang amanih,

DÂN PAHNINA 4:16 ပူးပေါင်းရင်းမြစ်များ

FESUOKNA 32:7

Lalpa chun Mosie kuomah a hril a, “Inhmaw la, fe thla rawh, i mihai Aigupta rama i ṭhuoi suokhai khan anni le anni an insuksiet ta si a:

ISAI 40:18

Pathien chu tu lêm hrilkhîng in ta? Annawleh, ieng lim am ama le chun hrilkhîng in ta?

ISAI 44:13

Thingrem siemtuin hrui a keimar a, pensilin a riruong a, thingnâwtnahaiin a sukruol a, inkhina hmangin a riruong a, mihriem ruongâmin ân ngîr a, ina um dingin mihriem mawina angin ân ngîr hlak a.

EZEKIEL 8:10

Chuongchun, ka va lût a, ka va en a, ngai ta, thilhring bawka invâk chi tinrênghai, ramsa tirdakumhai le, Israel sûngkuo milimhai po po chu bang chunga chun a vêla limziekin ka hmu a.

LEVI DÂN 19:4

Milim tieng chun thle naw unla, milim sung fâwm pathienhai in ta dingin siem naw ro; Kei hi Lalpa in Pathien chu ka nih.

LEVI DÂN 26:1

“Milim hrim hrim in insiempêk fâwm ding a ni naw a, milim siem fâwm le lungphun dâm in inngîr ding a ni nawh; chibai bûk dingin chuong anga lung cher in ram sûngah in inngîr ding a ni nawh; kei hi Lalpa in Pathien chu ka ni si a.

JOHAN 4:24

Pathien chu Thlarau a nih; ama chibai bûktuhaiin thlarau le titaktakin chibai an bûk ding a nih,” a ta.

THILTHAWHAI 17:29

Chuongchun, Pathien thlahai ei ni hnung chu, Pathien pangti chu, rângkachak dâm, tangka dâm, lung dâm, mihriem themthiemna le ngairuotnaa suthai ang hi ni dingin ei ngai ding a ni nawh.

DÂN PAHNINA 16:22

Lalpa in Pathienin a theida zâwng lung khawm in phun ding a ni nawh.

DÂN PAHNINA 27:15

“‘Themthiemhai kutsuok Lalpa ta dinga tirdakum milim indin fâwm amanih, sung fâwm amanih kawltu taphawt chu ṭawngsephurin um raw se,’ tîng an ta, mipuihai po po chun, ‘Amen’ lo tîng an ta, an lo dawn ding a nih.

DÂN PAHNINA 31:29

Ka thi hnung chun nasatakin insuksieng in ta, ka thupêk cheu lampuia inthawk hin pêthmang in tih ti ka hriet zing a nih; chun, a tâwpa lem chu thil ṭha nawin tlâkbuok a ti cheu a; in kut thilthawa suklungsen dinga Lalpa mithmua thil ṭha naw in thaw ding leiin,” tiin.

DÂN PAHNINA 4:23

Fimkhur hle ro, chuong naw chun, Lalpa in Pathien thuthlung in kuoma a thlung chu theinghil rawi in ta, Lalpa in Pathienin ieng angpui khawma siem a phal naw milimhai dâm insiem fâwm pal rawi in tih.

DÂN PAHNINA 4:25

“Tu le tehai in hung nei a, chu rama sâwt rei in um hnunga, in insukkhawhlo a, ieng amanih angpui dâma milim siem fâwmhai in indin a, a lung suksen dinga Lalpa in Pathien mithmua thil ṭha naw in thaw vai chun;

DÂN PAHNINA 5:8

“Milim siem fâwm, chungtieng vâna mi amanih, hnuoitieng leihnuoia mi amanih, hnuoi hnuoitienga tuia mi amanih, a ieng angpui khawm i ta dingin i siem ding a ni nawh.

DÂN PAHNINA 5:9

Chuong chu chibai i bûk ding a ni naw a, an rawng i bâwl ding a ni bawk nawh. Kei Lalpa i Pathien hi Pathien thîkthusie, pahai khawhlona leia nauhai hrem hlak, a mi theidatuhai chu suon thumna le suon lina chena hrem hlak,

DÂN PAHNINA 9:12

Lalpa chun ka kuomah, ‘Tho la, hi taka inthawk hin fe thla vat rawh, Aigupta rama i ṭhuoi suok i mihai chu an insuksiet zo ta khu; hraw dinga thu ka pêk kawnga inthawk chun an pêt ta pang el a, milim sung fâwm an ta dingin an siem el ta khu,’ a ti a.

1 TIMOTHE 1:17

Laltak chatuona um, se thei lo, hmu thei lo Pathien tak chau chu chatuona chawimawi le ropuiin um raw se. Amen.