DÂN PAHNINA 4:10 - Pathien Lekhabu Inthieng (BSI)

¹⁰ “Horeb tlânga Lalpa in Pathien hmaa ngîr a, Lalpain ka kuomah, ‘Mipuihai chu mi ko khâwm pêk rawh, hnuoia an um sûng poa mi ṭi dân an inchûk theina dingin an nauhai inchûktir dingin ka thuhai lo inhriettir ka tih,’ a mi ti ni khawm kha theinghil rawi in tih.

DÂN PAHNINA 4:10 ပူးပေါင်းရင်းမြစ်များ

INṬANNA 18:19

Lalpa lampui an hraw theina dingin, a hnunga a nauhai le a sûnghai, thil feltaka thaw ding le rorêl anga thaw dinga thu a pêk theina dingin ama chu ka ruot ta si a, a chungchâng thu a hril chu Lalpain Abraham chunga ân tlungtir theina dingin,” a ta.

INPÂKNA HLABU 145:4

Suon khatin suon dang kâwlah i thilthawhai chu inpâk sâwng pei an ta, I thilthaw ropuitakhai chu inhriettir an tih.

FESUOKNA 19:1

Israelhaiin Aigupta an suoksana inthawka a thla thumna, chu ni tak chun Sinai thlalêr an tlung a.

FESUOKNA 19:11

ni thum ni chun inzo hieuin um raw hai se, chu ni thum ni chun Sinai tlâng chungah mipui po po mithmuah Lalpa chu a hung ṭum ding a ni si a.

FESUOKNA 19:16

Ni thum ni chun zîngkâr a la ni laiin, vâninrûmhai, ṭêktlahai, tlâng chunga sûm sâmup le, tawtawrâwt ri inringtak el chu a um ta a; bûka mipui um po po chu an inthin ta a.

FESUOKNA 19:9

Lalpa chun Mosie kuomah, “Ngai ta, i kuoma thu ka hril lai an hriet theina ding le, kumkhuoa an ring zing theina ding chein, sûm sâmup lai i kuomah hung ka tih,” a ti a. Mosie chun mipui thuhai chu Lalpa chu a hril a.

FESUOKNA 20:18

Mipui po po chun vâninrûmhai, ṭêktlahai, tawtawrâwt ri le, tlâng khu suok chu an hmu chun mipui chu an inthin a, hlatakah an ngîr a.

FESUOKNA 20:20

Mosie chun mipui kuomah, “Ṭi naw ro. Pathien ṭiumna chu in hmua in suol nawna dingin nangni infiena ding cheuin ama chu a hung a ni si a,” a ti a.

THUHRILTU 12:13

Hi hi thil tâwp chu a nih; thil po po chu hriet a ni ta a; Pathien ṭî la, a thupêkhai chu zâwm rawh; hi hi mihriem thilthaw ding pumpui chu a nih.

ISAI 38:19

Mi hringin, mi hringin, anni ngei chun vawisûna ka thaw ang hin inpâk an ti che; Pa chun a nauhai kuomah i thutak chu inhriettir a tih.

LUKA 1:50

A hming khawm ân thieng a nih, A ṭituhai chu suon po po chenin a lunginsiet pei hlak.

DÂN PAHNINA 11:19

Chuong chu in nauhai inchûktir in ta, in ina in ṭhung lai dâmin, lampuia in fe lai dâmin, in zâl lai dâmin, in tho pha khawm in hril hlak ding a nih.

DÂN PAHNINA 12:1

“Lalpa in pi le puhai Pathienin a pêk cheu ram in hluo a, hnuoia in um sûnga fîmkhurtaka in zâwm ding thuruothai, rorêl dânhai chu hieng hi a nih.

DÂN PAHNINA 14:23

Lalpa in Pathien ṭi nachâng in hung hriet rawp theina dingin in bu le, in uoin le in hrieka sawmapakhat le, in bâwng ruol le in berâm ruol laia pieng hmasa takhai chu Lalpa in Pathien hmaah, a hming umna dinga a la ruotna dinga chun in fâk ding a nih.

DÂN PAHNINA 17:19

kawl a ta, a dam sûng chun a tiem rawp hlak ding a nih, hieng dân le hieng thuruothai po po hi pawma, zâwma thaw dinga Lalpa a Pathien ṭi dân ân chûk theina dingin;

DÂN PAHNINA 4:9

Chuleiin, fîmkhur unla, nguntakin inenkawl phawt el ro, chuong naw chun, in mita in thil hmuhai chu theinghil in ta, in dam sûngin in lungrila inthawk chun bo hlau rawi a tih; in nauhai le in tuhai chen khawm inchûktir hlak ro.

DÂN PAHNINA 5:2

Lalpa ei Pathienin Horeba chun ei kuomah thu a thlung a.

DÂN PAHNINA 5:29

Chuong ang lungril chu put hlak hai sien chu aw, mi ṭîng an ta, ka thupêkhai chu zâwm rawp an ta, anni le an nauhai khawm kumkhawtluongin an tluongtlung hle ding bah!

DÂN PAHNINA 6:2

nangni le in naupasalhai, in tupahaiin Lalpa in Pathien chu an ṭi a, an dam sûng po poa a thuruothai po po le a thupêk cheu hi in zâwmna ding le in chêng sâwt theina dingin.

DÂN PAHNINA 6:7

in nauhai ṭhahnemngaitakin inchûktir in ta, in ina in ṭhung lai dâm, lampuia in fe lai dâm, in zâl lai dâm, in tho huna khawm in hril hlak ding a nih.

HEBRAIHAI 12:25

Thu hriltu chu lo dit naw rawi in tih, fimkhur ro. Hnuoia anni kâwk hmasatu kha an dit naw hmana, hremna an pumpel si naw chun, eini vâna inthawka mi kâwktu nghatsantuhai hin pumpel naw nâwkzuol ei tih.

THUPUONGSUO 19:5

Chun, lalṭhungphaa inthawkin rawl a hung suok a, “Nangni a suok po po, ân zâtu mi lien le mi chînhai, ei Pathien chu inpâk ro,” a ta.

1 SAMUEL 12:24

Lalpa chu ṭi phawt el unla, in lungril po poin titakzetin a rawng bâwl unla, in ta dinga thil a thaw ropuizie hi ngaituo ro khai.