DÂN PAHNINA 32:9 - Pathien Lekhabu Inthieng (BSI)

⁹ Lalpa chanvo chu a mihai an na, Jakob rawi chu a rochan an nih.

DÂN PAHNINA 32:9 ပူးပေါင်းရင်းမြစ်များ

2 SAMUEL 14:16

Lal chun kei le ka naupa hi Pathien ro hluo lo dinga mi sukbohmang tumtu kuta inthawkin i suoknu hi sansuok dingin lo ngaisak i tih ka ti a.

2 SAMUEL 20:19

Kei hi Israelhai laia inrem nuom le ringum pâwl ka na, nang chun Israel khuo, a khaw bulpui hi suksiet i tum a ni hi, Lalpa ro chu iengdinga sukhmang i tum am a na?” tiin a hril a.

1 LALHAI 8:51

i mi i rochan, Aigupta rama inthawka, thîr rawtuina sûnga inthawka i ṭhuoisuokhai an ni si a,

1 LALHAI 8:53

Aw Lalpa Pathien, kan puhai Aigupta rama inthawka i ṭhuoisuok laia i siehlaw Mosie hmanga i hril angin i rochan dingin khawvêl hnam tin laia inthawkin i suktum a ni si a,” a ta.

INPÂKNA HLABU 106:40

Chuleiin, Lalpa lung chu a mihai chungah ân thawk a, A rochan chu a tirdak ta a.

INPÂKNA HLABU 106:5

I mi thlanghai tluongtlungzie ka hmu thei a, I hnamhai lâwmnaa chun ka hlim thei a, I rochanhai leh ka suong theina dingin.

INPÂKNA HLABU 135:4

Lalpa chun Jakobhai hi ama ta dingin a thlang si a, Israelhai hi a ro bik dingin a thlang bawk a.

INPÂKNA HLABU 28:9

I mihai chu sandam la, i rochan chu malsâwm rawh: Anni chu châwm la, kumkhuoin pawm rawh.

INPÂKNA HLABU 33:12

Lalpa Pathiena nei hnam chu an hamṭha a, Ama rochan dinga a thlang mihai chu.

INPÂKNA HLABU 74:2

I mihai inkhâwmhai, inhmaa i închâwk, Hnam i ro dinga i întlan kha, hre zing rawh; I umna hlak Zion tlâng leh.

INPÂKNA HLABU 78:71

Berâmpui te ṭhuoihaia inthawkin a ṭhuoi suok a, A mihai Jakobhai le Israelhai châwm dingin.

FESUOKNA 15:16

Inlâuna le ṭitnain anni a vûr a, I kut thahrâtna leiin anni chu lung ang elin an to ṭawk ṭawk a; I mipuiin an fe khêl chenin, Aw Lalpa: I mipui i închâwkhaiin an fe khêl chen chun.

FESUOKNA 34:9

“Tuhin nanga mithmuah lunginsietna ka hmu ta chun, Aw Lalpa, ka ngên che, Lalpa chu keini lai fe ve raw se; mi kâwmaw ni de hai sien khawm, kan khawhlona le suolna chu mi ngaidam la, i rochan dingin nangin mi la rawh,” a ti a.

ISAI 19:25

sipaihai Lalpa chun, “Ka mi Aiguptahai le ka kutsuok Assuriahai le ka rochan Israelhai chu malsâwmin um raw se,” tiin mal a sâwm si a.

ISAI 34:17

Ama chun an ta dingin ai a sânpêk a, a kutin hruia inkhiin ram chu a sempêk tâwl a; kumkhuoin nei an ta, suon um sûng po po chun chutaka chun um an tih.

ISAI 43:21

chuong ka mihai chu ka ta dinga inpâkna an suklang theina dinga ka ta dinga ka siemhai chu an nih.

JEREMIA 10:16

Jakob chanvo chu hieng ang hi a ni ve naw a; thil po pohai siemtu chu a na; Israel chu a rochan hnam a na; sipaihai Lalpa chu a hming a nih.

JEREMIA 2:7

Chun, ram chênghnâwngtak, chutaka ra le a ṭhatna chu fa dingin ka ṭhuoi lût cheu a; amiruokchu, in lût chun, ka ram chu in sukpawrche a, ka rochan chu tirdakumah in siem ta a ni kha.

JEREMIA 51:19

Jakob chan chu hieng ang hi chu a ni nawh; ama chu thil po poa hmasa a na, Israel khawm chu a rochana a chipui a nih; Sipaihai Lalpa chu a hming a nih.

MIKA 2:5

Chuleiin, Lalpa mihai inkhâwmhai lai chun ṭhum vâwra a, hruia inkhipêktu tukhawm nei naw ti ni.

ZEKARIA 2:12

Chun, ram inthienga chun Lalpa chun a chanpuol dingin Juda chu hluong a ta, Jerusalem chu thlang tâng a tih.”

EPHESI 1:18

Chuongchun, in lungril mithai sukvara umin hieng hi hung hre thei in tih:

DÂN PAHNINA 9:29

I thilthawtheina ropuitak le i bân phara i ṭhuoi suok, i mihai le i rochanhai an ni tlat si a,’ ka ti a.

JOSUA 24:17

ama Lalpa kan Pathien ngeiin annâwm kan thlatuhai le Aigupta ram suoka inthawka mi ṭhuoi suok a, kan mithmua inchikna ropuitak takhai thaw a, kan fena taphawta le mipui po po kan nêr thlengnaa khawma mi humhim pei chu;

1 SAMUEL 10:1

Chuongchun, Samuel chun hriek bâwm chu a hung lâk suok a, a lua chun a bur a, a fâwp a, “Lalpa chun a rochan hai chunga hotu dingin hriek a nâl che a ni naw am a nih? Lalpa mipuihai chungah ro rêl i ta, an vêla an hmêlmahai kuta inthawkin sandam i tih. Chun, hi hi Lalpain a rochanhai chunga hotu dingin a ruot che ti inchikna chu ning a tih.