DÂN PAHNINA 32:4 - Pathien Lekhabu Inthieng (BSI)

⁴ “Lungpui chu, a thilthaw chu a fel famkim a; A lampui po po chu ân dik a nih. Pathien ringum, rîtlona nei lo, Fel le ṭha a nih.

DÂN PAHNINA 32:4 ပူးပေါင်းရင်းမြစ်များ

INṬANNA 1:31

Chun, Pathienin a thilsiem tinrêng chu a en a, ngai ta, ṭha a ti êm êm a. Chuongchun, zântieng a um a, zîngtieng a um bawk a, chu chu a ni rukna a nih.

INṬANNA 18:25

Nang êm chun, chuong ang êm chun, mi felhai chu mi suolhai anga an um vena dinga mi felhai chu mi suolhai laia sukhlum ve el chu i thaw awm êm si naw a; nang êm chun i thaw âwm êm si naw a: hnuoi chung po po Rorêltu chun feltakin a thaw naw ding am a nih?” a ta.

2 SAMUEL 22:47

Lalpa chu a hring zing a, ka lungpui chu inpâkin um raw se; A mi sandamna lungpui, Pathien chu chawimawiin um raw se.

2 SAMUEL 23:3

Israelhai Pathien chun a hril a, Israelhai lungpui chun: ‘Mi chunga feltaka rorêl hlaka, Pathien ṭi puma rorêl hlak chu,

2 CHANCHIN SUINA 19:7

Chuleiin, tuhin, Lalpa ṭina chu in chungah um sienla, chu chu pawisa hle unla, thaw khawm thaw bawk ro; ei Pathien Lalpaa chun khawhlona hrim a um naw a; mi inza bîkna khawm a um naw a, thamna lâkna khawm a um bawk nawh,” a ta.

NEHEMIA 9:8

chun, a lungril chu i hmaa chun ringumin i hriet a; Kanaan mihai, Hit mihai, Amor mihai, Periz mihai, Jebus mihai, Girgas mihai ram chu ama kuoma pe dingin, a thlahai chena pe dingin thu i thlung a; chun, i thu chu i hlen bawk a, feltak i ni si a.

JOB LEKHABU (THE BOOK OF JOB) 34:10

Chuleiin, nangni hrietthiemna neihai, mi lo ngai ta u, Rîtlona thâwng a tih ti hi Pathiena inthawka hlatak a ni ding a na, Suolna thâwng a tih ti hi, Iengkimthawtheia inthawka hlatak a ni ding a nih.

JOB LEKHABU (THE BOOK OF JOB) 35:14

Nangin ama chu ka hmu nawh i ti lem hin chu a ni naw âwm nasa de! Rorêlna chu ama hmaa um a ni si a, ama chu ring el rawh.

JOB LEKHABU (THE BOOK OF JOB) 36:23

Tuin am a lampui a ruotpêk thei a? Annawleh, ‘Thil fel lo i thaw a nih,’ tuin am ti thei a ta?

JOB LEKHABU (THE BOOK OF JOB) 8:3

Pathien chun a ngaidân chu a sukdanglam hlak am a nih? Annawleh, Iengkimthawthei chun indikna chu a sukdanglam hlak am a nih?

INPÂKNA HLABU 100:5

Lalpa chu a ṭha si a, a zainêmna chu kumkhawtluongin um a ta, A ringumzie chu suon po po chenin um a tih.

INPÂKNA HLABU 138:8

Lalpa chun ka chungchânga a thaw ding chu hlen a tih, Aw Lalpa, i ngilneina chu kumkhawtluongin um a ta, Nangma kut thilthawhai hi bânsan naw rawh.

INPÂKNA HLABU 145:17

Lalpa chu a um dân po poah a felin, A thilthaw po poah mi lunginsiettheitak a ni hlak.

INPÂKNA HLABU 146:6

Ama chu hnuoi dâm, vân dâm, Tuisuoriet dâm le an sûnga um po po siemtu a nih; Ama chun thutak kumkhuoa dingin a vawng ṭha hlak a nih.

INPÂKNA HLABU 18:2

Lalpa chu ka lungpui le, ka kulpui le a mi sanhimtu a nih; Ka Pathien, ka lungpui dettak a nih, amaa chun ka ringna innghat ka tih; Ka phaw le, ka sandamna ki le, ka kulbîng insâng a nih.

INPÂKNA HLABU 18:46

Lalpa chu a hring zing a, ka lungpui chu inpâkin um raw se, A mi sandamtu Pathien chu chawimawiin um raw se.

INPÂKNA HLABU 19:7

Lalpa dân chu a ṭha famkim a, hringna a siemṭha hlak, Lalpa thu inhriettir chu ring a um a, mi mâwl a sukvar hlak.

INPÂKNA HLABU 31:5

I kutah ka thlarau kân kawltir a, Aw Lalpa, thutak Pathien, nang chun i mîn tlan tah.

INPÂKNA HLABU 33:4

Lalpa thu chu ân dik a, A thilthaw po po chu ringumtaka thaw a ni si hlak a.

INPÂKNA HLABU 78:35

Pathien chu an lungpui a nih ti le, Pathien Achunghnungtak chu an intlantu a nih ti an hriet suok hlak.

INPÂKNA HLABU 9:16

Lalpa chun ân hriettir a, rorêlna chu a tirsuok ta a, Mi rilo chu ama kutsuok ngeia chun a âwk hlak.

INPÂKNA HLABU 90:16

I sinthaw chu i siehlawhai kuomah inlang sienla, I ropuina chu an nauhai kuomah inlang raw se.

INPÂKNA HLABU 92:15

Lalpa chu mi indiktak a nih ti inlangtirna dingin, Ama chu ka lungpui a nih, amaa chun fel nawna hrim hrim a um nawh.

INPÂKNA HLABU 97:2

Sûmhai le inthim sâmup hi a vêlah a um a, Felna le rorêlna fel chu a lalṭhungpha innghatna a nih.

INPÂKNA HLABU 98:3

Israel sûnghai chunga a ngilneizie le, a ringumzie chu a hriet zing a, Kâwlkawdawnga mi po po khawmin ei Pathien sandamna chu an hmu tah.

INPÂKNA HLABU 99:4

Laltak hrâtna chun rorêlna a ngaina a, Nang chun thlierbîk nei nawna i sukdet hlak a, Nang chun Jakobrawihai chungah ro i rêl a, feltakin i thaw hlak a.

FESUOKNA 34:6

Lalpa chun a hmatieng a lekhêl a, “Lalpa chu, Lalpa chu Pathien, lainatnaa sip, mi lunginsietthei, lunginsen intak, zângaina le thutak hau,

THUHRILTU 3:14

Pathienin a thaw taphawt kumkhuoa ding a nih ti ka hriet a; chutaka chun iengkhawm belsa thei ni naw ni a, iengkhawm lâkṭhe thei ni naw nih; Ama hmaa mihriemhai chu an ṭit theina dingin Pathien chun a thaw tah a nih.

ISAI 17:10

Pathien i sandamtu i theinghil a, i hrâtna lungpui chu i hriet zing si naw a; chuleiin, kûng mawitak takhai i phun hlak a, a sûnga chun kau danglamtak takhai i sunbûr fur hlak a;

ISAI 25:1

Aw Lalpa, nang chu ka Pathien i na; chawimawi ka ti che a, i hming inpâk ka tih; thil maktak, inhmaa remruothai chu, ringumtak le thutakin i thaw si a.

ISAI 26:4

Lalpa chu kumkhuoin ring ro; Lalpa JEHOVAA chun kumkhaw lungpui chu a um si a.

ISAI 28:16

chuleiin, Lalpa Pathien chun hieng ang hin a hril, “Ngai ta, lung, lung fie hnung, a kia lung hlutak ka phûm, dettak chu, Ziona chun lungphûm dingin ka rem hi; ama ringtu chu inhmaw naw nih.

ISAI 30:18

Chuleiin, Lalpa chun a lunginsiet theina ding cheuin, nghâk a ta, chuleiin, a lainat theina ding cheuin chawimawiin um a tih; Lalpa chu rorêl felna Pathien a ni si a; ama nghâktuhai po po chu an hamṭha ie.

ISAI 32:2

Mi pakhat chu thlipuia inthawka inbîkna hmun ang le, ruopuia inthawka inbîkna ang nîng a ta, hmun ṭâwla tui luonghai ang, ram châutaka lungpui lientak hlim ang el chu.

JEREMIA 10:10

Amiruokchu, Lalpa chau Pathien diktak chu a na, Pathien hring chu a na, chatuon lal a nih; a lunginsenna chun hnuoi chu ân thin a, a lungawi nawna chu hnamhai chun an tuor thei nawh.

JEREMIA 9:24

a suong taphawt chun hi hi suong lem raw se, kei hi Lalpa lunginsietna neia, rorêla, hnuoi chunga hin felna thil thaw hlak chu ka nih ti hre a hrietthiemna chu suong lem raw se; hieng thilhaia hin ka lâwm si a, Lalpa chun a tih.

DANIEL 4:34

Chuong nihai tâwpa chun, kei Nebukadnezzar hin ka mithai chu vântieng ka tang a, ka hrietna chu ka kuomah a hung kîr nâwk a, Achunghnungtak chu mal ka sâwm a, chatuona hring zing chu ka chawimawiin kân pâk a: A rorêlna chu chatuon rorêl a na, A lalram chu ṭhanga inthawk ṭhang sâwng tamtak chen a ni si a;

DANIEL 4:37

Tuhin, kei Nebukadnezzar hin vâna Pathien chu ka chawimawiin, ka chawisângin kân pâk a; a sinthawhai po po chu indikna a na, a lampuihai chu felna a nih; chun, chapoa fehai chu a sukhnuoi thei a nih.

HABAKKUK 1:12

Aw Lalpa ka Pathien, ka Mi Inthieng, Nang chu chatuona inthawk tah i ni nâwm a nih? Thi nâwng kan tih. Aw Lalpa, ama chu rorêlna dingin i ruot a, Aw lungpui, nangin ama chu sukdikna dingin în ngîr a ni kha.

HABAKKUK 1:13

Nang chu suolna hmûna hlak nêka mit inthieng lem nei i na, Khawhlona chu i en thei naw a nih, Chuleiin, khawhlotaka thawtuhai chu hmu zingin, Mi rilovin ama nêka mi fel lem a lem zo lai khawmin, Iengdinga i tosan ṭawk ṭawk am?

ZEPHANIA 3:5

Ama sûnga chun Lalpa chu mi indik a na; rîtlona chu thaw naw ni; zîng tinin a rorêlna chu varah a hung lâk suok a, a thlâwn ngai hrim hrim naw a; amiruokchu, mi fel naw chun inzakna a hriet naw a nih.

MATTHAI 5:48

Chuongchun, in Pa vâna mi a ṭhafamkim angin in ṭhafamkim ding a nih.

JOHAN 1:14

Chun, Thu chu taksain a hung inchang a, eini lai a hung um ta a, (Pa nau khât nei ropui angin a ropuizie ei hmu), lunginsietna le thutakin a sip.

JOHAN 1:17

Dân chu Mosie hmanga pêk a na, lunginsietna le thutak chu Isu Krista leiin a hung um.

JOHAN 14:6

Isûn a kuomah, “Kei hi lampui le thutak le hringna ka nih; keimaa fe naw chu tukhawm Pa kuom an tlung ngai nawh.

JOHAN 5:22

Pain tû thu khawm a rêlpêk ngai nawh, thu po po Naupa ân rêltir lem a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:32

chuong ang thawtuhai chu thi tlâk an nih, ti Pathien iruot chu hre zing siin, anni chau khawma thaw lovin, mi dang a thawhai chunga khawm chun an lâwm bawk a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:2

Chuong thil thaw hlaktuhai chunga Pathienin a sawisêlna chu thu indiktak a nih ti ei hriet si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:5

I lulul le i lungril ngar leiin, lungsenna le Pathien rorêlna feltak hung inlang ding nia ding chun i chungah lungsenna în khâwlkhâwm a ni lem a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:5

Nisienlakhawm, ei fel nawnahai hin Pathien felna chu a suklang mawi zuol si chun ieng am hril ei ta? Pathienin mi a hrem hin, mi fel lo a ni am a nih? (Mihriem dân takin hril ta inla).

1 KORINTH 10:4

an rêngin thlarau tieng dâwn ding hmunkhat khawm an dâwn seng kha; anni zuitu thlarau tieng lungpuia kha an dâwn seng kha; chu lungpui chu Krista a nih.

DÂN PAHNINA 10:18

Pa nei nawhai le hmeithaihai chu feltakin ro a rêlpêk hlak a; ram dang mihai chu, fâk ding le silfênhai pein a hmangai hlak.

DÂN PAHNINA 32:15

“Jakobin khawptakin a fâk a, Jesurun chu a hung hausa a, a hung hel ta a. A hung thâu a, a hung inchawm a, a hung nâm ta a; A siemtu Pathien a nghatsan a, A sandamna Lungpui chu a ngainêp a.

DÂN PAHNINA 32:18

A thlatu che Lungpui chu i ngaisâng naw a, A siemtu che Pathien i theinghil bawk.

DÂN PAHNINA 7:9

Chuleiin, Lalpa in Pathien chu Pathien a nih ti hre ro; Pathien ringum, ama hmangaia a thu zâwmtu chunga suon sâng chena thuthlung le lunginsietna innghat zing a,

JAKOB 1:17

Thilpêk ṭha le thilpêk famkim po po chu chung tienga inthawkin, varhai Pa kuoma inthawkin a hung ṭum hlak a nih, amaa chun danglamna le inherna hlim hrim hrim a um thei nawh.

JAKOB 4:12

Dân petu le rorêltu pakhat chau a um; sandam theia, sukbohmang thei chu; nang tuolbâwmhai sawisêltu chu tu am i ni leh?

1 PETER 2:6

Chuleiin, Pathien Lekha Thua chun, “Ngai ta u, Ziona chun a kia lung pawimaw tak, thlang le hlutak ka rem a nih, Ama ringtu chu muolpho naw ni,” ti a chuong a nih.

1 SAMUEL 2:2

Lalpa anga inthieng hi an um nawh; Nangma ang hrim an um si nawh; Ei Pathien ang lungpui hrim a um bawk nawh;