DÂN PAHNINA 32:3 - Pathien Lekhabu Inthieng (BSI)

³ Lalpa hming chu ka puong ding a nih, Ropuina chu ei Pathien pe ro.

DÂN PAHNINA 32:3 ပူးပေါင်းရင်းမြစ်များ

1 CHANCHIN SUINA 17:19

Aw Lalpa, i siehlaw lei le, nangma lungril puoksuok ang peiin, hieng thil ropuitakhai hi inhriettir dingin, hieng thil ropui po po hi i thaw ta hi.

1 CHANCHIN SUINA 29:10

Chuleichun, David chun mipui inkhâwmhai po po hmaa chun Lalpa chu ân pâk a; David chun a hril a, “Aw Lalpa, kan thlatu Israel Pathien, chatuon chatuonin nang chu inpâkin um la;

1 CHANCHIN SUINA 29:11

Aw Lalpa, ropuina dâm, thilthawtheina dâm, chawimawina dâm, hnena dâm, inlalna dâm i ta an na; hnuoi le vâna um po pohai chu i ta an ni vawng si a; Aw Lalpa, lalram chu nangma ta a na, mi po po chungah nang chu lu anga chawimawiin i um hi.

1 CHANCHIN SUINA 29:13

Chuleiin, tuhin, kan Pathien, i hming ropui chu kan inpâkin, lâwmthu kan hril che.

INPÂKNA HLABU 150:2

A thilthaw ropuitakhai leiin ama chu inpâk unla, A ropui nasatzie ang peiin ama chu inpâk ro.

FESUOKNA 20:24

Ka kuomah leihnuoiin maichâm siem i ta, chu chunga chun râwhmang thilinhlânhai, inremna thilinhlânhai le, i berâmhai le i bâwngchalhai chu hung inhlân i ta; ka hming hriet zing dinga ka tina chun i kuomah hung ka ta, mal sâwm ka ti che.

FESUOKNA 33:19

Chun, ama chun, “Ka ṭhatna po po i hmaah fêng a ta, ka hming ‘Lalpa chu’ i hmaah puongdar ka tih; ka lunginsiet dinghai chu lunginsiet ka ta, za ka ngaina dinghai chunga chun za ngai ka tih.

FESUOKNA 6:3

Abraham kuoma dâm, Isak kuoma dâm, Jakob kuoma dâm Pathien Iengkimthawthei angin kân lâr hlak a, nisienlakhawm, ka hming Lalpa ang hin an kuomah inhriettir ka ni ngai nawh.

JEREMIA 10:6

Aw Lalpa, nanga ang hi tukhawm an um nawh, i ropuia, i hming chu thilthawtheinain a ropui bawk a.

JEREMIA 23:6

Ama dam sûng chun Juda chu sandam nîng a ta, Israel khawm chu himtakin chêng a tih, chun, hi hi hming ama kona ding chu nîng a ta, “Lalpa chu ei felna a nih,” ti hi.

MATTHAI 1:23

“Ngai ta, nunghâk inthieng chu inrâi a ta, Naupasal nei a ta; A hming dingin Immanuel sak an tih,” tia a hril kha a hung tlung theina dingin chuong po po chu a hung um a nih. (Immanuel chu, “Ei kuomah Pathien a um” tina a nih).

JOHAN 17:26

Chun, an kuomah i hming kân hriettir a, inhriettir nâwk rawp ka tih; nangin kei i mi hmangaina kha anniah a um a, kei khawm annia ka um theina dingin,” a ta.

JOHAN 17:6

“Nangin khawvêla inthawka mî i mi pêkhai kuoma khan i hming ka suklang tah. Anni chu i ta an ni tah, nangin anni chu kei i mi pêk ta a, anni chun i thu an zâwm tah:

EPHESI 1:19

ama kona beiseina dâm, mi inthienghaia chun a ro hluo ding ropui hauzie dâm, a thahrui hrâtna thaw zie ang peia, keini a ringtuhai tienga a thilthawtheina inkhi ruollova lien Krista chunga a thaw

DÂN PAHNINA 3:24

‘Aw Lalpa PATHIEN, i siehlaw kuoma hin i ropuizie le i kut hrâttak chu în langtir phawt chu a ni ta a; vâna manih, hnuoia hin amanih, i thilthaw ang le i thilthaw ropuitak ang hi thaw thei pathien tu am an um a?

DÂN PAHNINA 5:24

‘Ngai ta, Lalpa ei Pathien chun kan kuomah a ropuizie le a lienzie ân langtir a, meia inthawka a râwl chu kan hriet a; Pathienin mi a biek khawma thina a ni chuong nawzie chu vawisûn hin kan lo hriet ta a.

THUPUONGSUO 15:3

Chun, Pathien suok Mosie le Berâmte hla an sak a, “Aw Lalpa Pathien Iengkimthawthei, I thilthawhai chu a ropuiin a mak a; Nang, hnam tin Laltak, I lampuihai chu a felin ân dik a nih.