DÂN PAHNINA 32:2 - Pathien Lekhabu Inthieng (BSI)

² Ruotui angin ka thu chu sûr a ta, Dâidâw angin ka thu chu far a tih; Hlobet innotak chunga ruo ang le, Hlohna chunga ruomuolkhawi angin.

DÂN PAHNINA 32:2 ပူးပေါင်းရင်းမြစ်များ

2 SAMUEL 23:4

Nisa a hung suok a, sûm um dêr lo, Zîng khawvar ang hi nîng a ta; Raw sûr zoa khuo hung inthienga, Hnuoia hlohna inder no hlap ang hi nîng a tih.

INPÂKNA HLABU 65:10

A changkuonghai chu tui tamtakin i châwm a, A changkuong tlânghai chu i sukdên a, Ruotuiin i suknêm a, A thil mâwnghai chu mal i sâwm hlak.

INPÂKNA HLABU 72:6

Ama chu hlobet râwtna chunga ruotui tla angin tlâng a ta, Hnuoi châwmtu ruotui ang elin.

THUVARHAI 4:2

Thuinchûktir ṭha chu ka pêk si cheu a, Ka inchûktirna hi nghatsan naw ro.

HOSEA 14:5

Israel kuoma chun daidaw ang nîng ka ta, Ama chu lili angin hung vul a ta, Lebanon tlânga thing zung angin a zung thlâk dar a tih.

HOSEA 6:4

Aw Ephraim, iengtin am ka thaw ding che a na? Aw Juda, iengtin am ka thaw ding che a na? In ṭhatna chu zîngkâr ṭieusûm le daidaw hung bo vak hlak ang hi a ni si a.

AMOS 7:16

Chuongchun, tuhin Lalpa thu chu hre rawh, ‘Nangin Israel kalin thu hril naw la, Isak sûngkuohai kalin i thu puong naw rawh,’ i ti a;

MIKA 5:6

Assuria ram chu kâwlhnâmin suksieng an ta, Nimrod ram chu a lûtnaa chun sukse bawk an tih; chun, ama chun ei ramah Assuria mi a hung a, ei ram chu a hung sir pha chun, amaa inthawk chun mi sansuok a tih.

MIKA 5:7

Jakob mi la um sun chu chi tamtakhai laia Lalpaa inthawka daidaw tla ang le, hlobet chunga raw sûr angin um a tih, chu chun mihriem a nghâk naw a, mihriem naupasal a nghâk bawk nawh.

ZEKARIA 10:1

Lalpa kâwlinlephai siemtu ngei chu, Lalpa kuoma chun ruo nuhnung huna hin ruo ngên ro; chun ama chun ruopui sûr chu pêng a tih, loa thlaihna tin kuoma chun.

HEBRAIHAI 6:7

Hnuoi, a chunga ruotui tla rawp lo dâwn taa, thloa a umna sanhai ta dinga thlai fâk tlâk hung insuotu chun, Pathiena inthawkin malsâwmna a hmu hlak a nih.