DÂN PAHNINA 30:3 - Pathien Lekhabu Inthieng (BSI)

³ Lalpa in Pathien chun in sal nina chu sukbo a ta, lunginsiet a ti cheu a, Lalpa in Pathienin hnam tin laia a sukdarna cheua inthawk chun ṭhuoi khâwm nâwk a ti cheu.

DÂN PAHNINA 30:3 ပူးပေါင်းရင်းမြစ်များ

JEREMIA 29:14

Nangni ihmuin um ka ta, Lalpa chun a tih: chuongchun, in sal intângna chu inlet ka ta, ka hnawt hmangna cheu hmun po poa inthawk le, hnam po pohaia inthawk chun ṭhuoi khâwm ka ti cheu a, Lalpa chun a tih; chun, sala intâng dinga ṭhuoi hmanga kân umtirna cheu hmuna bawk khan hung ṭhuoi kîr nâwk ka ti cheu.

EZEKIEL 36:24

Hnamhai laia inthawk chun ṭhuoi ka ti cheu a, rambung po poa inthawkin kei khâwm ka ti cheu a, in rama ngei chun ṭhuoi ka ti cheu.

ṬAP HLA 3:32

Lungngaina intlungtir hlak sien khawm, a zângaina hauzie ang peiin lunginsietna chu nei a tih.

INPÂKNA HLABU 147:2

Lalpa chun Jerusalem chu ân ngîr nâwk a. Israel hnawtsuoka umhai chu a ṭhuoi khâwm nâwk a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:31

Chuong ang bawkin tuhin chu Pathienin a lunginsiet cheu lei hin, lunginsietna chu an hmu ve theina dingin anni khawm chun an awi ve ta naw a ni hi.

ṬAP HLA 3:22

Sukbohmanga ka um naw hi Lalpa zangaina a lo nih, A lainatnahai chu a kang ngai naw leiin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:23

Chun, anni khawm chu awi lova an um zing naw chun zawmin um an tih; Pathienin anni a zawm nâwk thei si a.

JEREMIA 31:10

Aw nangni hnamhai, Lalpa thu chu ngai unla, thlierkâr hlatakahai chun phuong ro; chun, “Israel sukdartu ngei chun, ama chu kei khâwm nâwk a ta, berâmpuin a berâm ruol a kawl ang chun ama chu kawl a tih,” tiin hril ro.

ISAI 56:8

Lalpa Pathien, Israelhai hnawt suoka umhai ṭhuoi khâwmtu chun, “Ama ta ṭhuoi khâwma umhai naw khawm hnam danghai a kuomah la ṭhuoi khâwm ka tih,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:26

Chuongchun, Israel mi po po sandamin um an tih; “Ziona inthawkin Sandamtu chu hung suok a ta, Jakob kuoma Pathien ngaisak nawna sukbo a tih.

INṬANNA 28:15

Ngai ta, i kuomah ka um a, i fena taphawtah vêng pei ka ti che a, hi rama hin ṭhuoi kîr nâwk ka ti che: i kuoma ka hril hi ka thaw hmakhat chun thlathlam naw ning che,” a ti a.

INṬANNA 48:21

Chun, Israel bawk chun Josef kuomah, “Ngai ta, ka thi ding a ni ta a: nisienlakhawm, Pathien chu in kuomah um a ta, in thlatuhai rama chun ṭhuoi nâwk a ti cheu.

DÂN PAHNINA 4:27

Lalpa chun hnam tin lai chun sukdar a ti cheu a, Lalpain ân fe hmangtirna cheu hnamhai lai chun tlâwmte chauin um in tih.

DÂN PAHNINA 13:17

Râllâk sum chu a ieng ieng khawm in tâwk ding a ni nawh, Lalpa chun a lungsenna nasatak chu inlêt a ta, zângaina inhmutir a ti cheu a, lunginsiet a ti cheu a, a sukpung ding cheu a nih; in pi le puhai kuoma ṭawng a lo inkhâm ta ang khan;

NEHEMIA 1:9

amiruokchu, keia tieng in hung ngha nâwk a, ka thupêkhai in pawm a, in zâwm chun, nangni laia mi kâwlkawdawng chena hnawt suoka um khawm um hai sienla, chutaka inthawk khawm chun kei khâwm nâwk ka ti cheu a, ka hming ka înumtirna ding hmuna ka ruota chun ṭhuoi nâwk ka tih,’ tia thu i pêk kha lunginsiettakin hre zing rawh.

JOB LEKHABU (THE BOOK OF JOB) 42:10

Chun, Lalpa chun Job chu a ruolhai ta dinga a ṭawngṭai lai chun a chan chu a sukṭha ta a; Job chu Lalpa chun a hmaa a nei lêt hni chu a pêk ta a.

INPÂKNA HLABU 107:3

Ram tina inthawka a ṭhuoi khâwm, Sak le thlang, sim le hmâra inthawkhai dâm chun.

ISAI 27:12

Chu nia chun Lalpa chun Vadung a kuong sipa luong dûl dûla inthawkin, Aigupta vadungtê chenin a ra vaw thlâng a ta; chuongchun, aw Israel mipuihai, pakhat khata rûtin um in tih.

JEREMIA 12:14

Ka tuolbâwm rilohai po po, ka mi Israelhai hluo dinga ka ti lo tâwksetu chunga chun Lalpa chun hieng hin a tih: Ngai ta u, an rama inthawk chun anni chu hmalthlâng ka ta, anni laia inthawk chun Juda sûngkuo chu hmalthlâng ka tih.

1 CHANCHIN SUINA 16:35

A kuoma chun, “Aw Pathien, nang kan sandamna, mi sandam la, Nangin mi ṭhuoi khâwmin, hnamhai laia inthawk chun mi sanhim la, I hming inthieng kuoma lâwmthu hril ding le, Nangma inpâknaa chawimawi ding in,” ti ro.

ISAI 43:5

Ṭi naw ro, in kuomah ka um si a; in thlahai chu khawsak tienga inthawkin hung ṭhuoi ka ta, khawthlang tienga inthawkin ṭhuoi khâwm ka ti cheu a,

ISAI 54:7

Mitkhapkâr chau el ka mâk che a; nisienlakhawm, lunginsietna nasatakin ṭhuoi nâwk ka ti che.

JEREMIA 23:3

Ka berâm ruol laia hlâbîkhai chu, ram anni ka hnawt hmangna po poa inthawk chun hung ṭhuoi khâwm ka ta, an huonhaia chun hung ṭhuoi nâwk ka tih; chun, hung pung an ta, hung rahlâwk an tih.

EZEKIEL 11:17

Chuleiin, ‘Lalpa Pathien chun hieng hin a tih, hnamhai laia inthawk chun la khâwm ka ti cheu a, sukdara in umna ramhaia inthawk chun kei khâwm ka ti cheu a, Israel ram chu pêng ka ti cheu,’ ti rawh.

EZEKIEL 39:28

Chun, hnamhai laia sala intâng dinga kân fetir a, anni rama ngei chun ka ṭhuoi khâwm nâwka hin, Lalpa an Pathien chu ka nih ti mi hre tâng an ta; chutaka chun anni chu tukhawm mâksan nâwk ta naw ningah,

MIKA 7:19

Ngha kîr nâwk a ta, ei chungah lunginsietna nei a tih; ei khawhlonahai chu a ke hnuoiah sirdêng a tih; nangin an suolnahai po po chu tuipui mawng inthûktakhaia chun pei lût i tih.

ZEKARIA 10:9

Chun, anni chu mipuihai laia chun tûng ka ta; ram hlataka khawm mi hre zing an tih; chun, an nau le têhai leh um an ta, hung kîr nâwk an tih.