DÂN PAHNINA 3:2 - Pathien Lekhabu Inthieng (BSI)

² Chun, Lalpain ka kuomah, ‘Ama chu ṭi naw rawh, ama le a mihai po po le a ram chu i kutah ka pêk diem tah a nih; Hesbona um Amor mihai lal Sihon chunga i thaw ang khan a chungah i thaw ding a nih,’ a ti a.

DÂN PAHNINA 3:2 ပူးပေါင်းရင်းမြစ်များ

2 CHANCHIN SUINA 20:17

Hi indonaa hin in do ngai kher naw nih, intlar phawt unla, ngîr ṭawk ṭawk ro; Lalpa sandamna chu en zing el ro; aw Juda mihai le Jerusalem mihai, ṭi naw unla, beidawng bawk naw ro; zingah anni chu hang thaw unla, Lalpa chu in kuomah a um si a,’ ” tiin.

ISAI 41:10

ṭi naw ro, kei in kuomah ka um si a; lunginzîng naw ro, kei in Pathien ka ni si a; sukhrât ka ti cheu a, anih, ṭhangpui ka ti cheu, anih, ka felna kut changtiengin chel zing ka ti cheu.

ISAI 43:5

Ṭi naw ro, in kuomah ka um si a; in thlahai chu khawsak tienga inthawkin hung ṭhuoi ka ta, khawthlang tienga inthawkin ṭhuoi khâwm ka ti cheu a,

NAMBAR 14:9

Lalpa chungah hel naw phawt el unla, chu rama mihai khawm chu ṭi hlek naw ro, ei bu ding an ni el annâwm, an inhumhimna chu teplo mei mei a nih; Lalpa chu ei kuomah a um annâwm; anni chu ṭi naw ro,” tiin an hril a.

NAMBAR 21:34

Chun, Lalpain Mosie kuomah, “Ama chu ṭi naw, ama khawm, a mi po pohai khawm, a ram khawm i kutah ka pêk ta a nih; Hesbona um Amor mihai lal Sihon chunga i thaw angin i thaw ding a nih,” a ta.

THILTHAWHAI 18:9

Chun, zânah Lalpain Paula kuoma chun mang angin, “Ṭi naw la, to lovin thu hril pei rawh,

THILTHAWHAI 27:24

‘Paula, ṭi naw, Kaisar hmaah i ngîr ding a nih; chun, ngai rawh, lawnga i kuoma fehai po po khawm hi Pathienin a pêk che a nih,’ a mi ti a nih.

DÂN PAHNINA 20:3

an kuomah, ‘Aw Israel mihai, hre ro khai, tuhin chu in hmêlmahai in do ding a ni ta a, zâm naw unla, ṭi naw unla, inthin bawk naw ro, anni chu ṭi dêr naw ro;

DÂN PAHNINA 3:1

“Chuongchun, ei insawn a, Basan lampuiah ei fe a, Basan lal Og le a mihai po po chu Edreia mi thaw dingin an hung inthawk a.

DÂN PAHNINA 3:11

(Basan lal Og chau a nih, Repha mihai laia la um sun chu; a khum chu thîr a na, Ammon thlahai khuo Rabaa chun a la um zing a ni naw am a nih? Mihriem tawnga inkhiin a dungtieng tawng kuo, a khangtieng tawng li a nih.)

DÂN PAHNINA 3:3

Chuongchun, Lalpa ei Pathien chun Basan lal Og khawm a mihai po po leh ei kutah a pêk a; chuongchun, pakhat bêk khawm hlapêk lovin ei that a.

JOSUA 10:8

Chun, Lalpain Josua kuomah, “Anni chu ṭi dêr naw rawh, i kutah ka pêk vawng tah a nih; anni laia mi tukhawm i hmaah ngîr thei ding hrim hrim an um nawh,” a ti a.

THUPUONGSUO 2:10

I tuor dinghai hi ṭi naw; ngai ta, fiea i um theina dingin, Diebol chun nangni laia mi ṭhenkhat intângna inah a khum ding cheu a nih; chun, ni sâwm rinum tuor in tih. Thi chenin ringumin lo um rawh, chuongchun, hringna lallukhum pêng ka ti che.