DÂN PAHNINA 26:9 - Pathien Lekhabu Inthieng (BSI)

⁹ hi hmuna hin a mi ṭhuoi lût a, hi ram, nênetui le khuoizu luongna ram hi a mi pêk a.

DÂN PAHNINA 26:9 ပူးပေါင်းရင်းမြစ်များ

INPÂKNA HLABU 105:44

Chun,hnam tin ramhai chu an kuomah a pêkpêk a, Anni chun mi tin thaw suoksa chu an hluo ta a;

FESUOKNA 3:17

Chun, in kuomah Aiguptaa rimsiknaa inthawkin Kanaan mihai, Hit mihai, Amor mihai, Periz mihai, Hiv mihai le Jebus mihai ram khuoizu le nênetuia luong rama chun ṭhuoi lût ka ti cheu ti ka tiem ta cheu kha,’ a tih, ti rawh.

FESUOKNA 3:8

chuleiin, Aigupta mihai kuta inthawka anni sansuok ding le, chu rama inthawka, Kanaan mihai, Hit mihai, Amor mihai, Periz mihai, Hiv mihai le Jebus mihai hmun, ram lien le ram ṭha, khuoizu le nenetui luong rama ṭhuoi lût dinga hung thla ka nih.

EZEKIEL 20:15

Chu nawa khawm, ram po pohai ropuina, nênetui le khuoizua luong anni ka lo pêk ta rama chun anni chu ka ṭhuoi lût naw ding a nih tiin thlalêra khan an kuomah ka bân ka lo phar ta a;

EZEKIEL 20:6

chu nia chun Aigupta rama inthawka, ram po pohai ropuina nenetui le khuoizua luong ram an ta dinga ka lo enthlit tah rama hung ṭhuoi dingin, an kuoma chun ka bân ka phar a.

THILTHAWHAI 26:22

Nisienlakhawm, Pathiena inthawka ṭhangpuina ka hmu leiin vawisûn chenin mi chînhai le mi lienhai kuomah thu inhriettirin ka la um zing a, zâwlneihai le Mosiein hung tlung ding an ti thu chau naw chu thu dang hril lovin;

DÂN PAHNINA 26:15

I umna inthieng vâna inthawk chun hung en la, nênetui le khuoizu luongna ram, kan pi le puhai pêk dinga ṭawng i lo inkhâm tah ang khan i mi Israelhai le i leilung mi pêk hi malsâwm rawh,’ in ti ding a nih.

DÂN PAHNINA 27:3

In kai hnung chun a chunga chun hi dân thu po po hi in ziek ding a nih; chuongchun, Lalpa, in pi le puhai Pathienin a lo tiem cheu ang khan nênetui le khuoizu luongna ram, Lalpa in Pathienin a pêk cheu rama chun fe thei in tih.

DÂN PAHNINA 6:3

Chuleiin, aw Israel mihai, in tluongtlunga, Lalpa, in pi le puhai Pathienin a tiemkam ta cheu angin nênetui le khuoizu luongna rama nasataka in hung pung theina dingin ngai unla, zâwm dingin fîmkhur ro.

JOSUA 23:14

Chun, ngai ta u, tuhin leihnuoi po po dân angin, ka fe ve ding a ni tah a nih, Lalpa in Pathienin in chungchâng a ṭha tieng a lo hril tahai po po kha ân khêl pakhat khawm a um nawh ti in lungril po po le in lungvar po poin in hriet a nih, in chungah a hung tlung vawng ta a, pakhat khawm ân khêl a um nawh.

1 SAMUEL 7:12

Chuongchun, Samuel chun lung a lâk a, Mizpa le Sen inkâra chun a phun a, “Hi chen hi Lalpain a mi ṭhangpui a nih,” tiin a hminga chun Ebenezer ân bûk a.