DÂN PAHNINA 26:7 - Pathien Lekhabu Inthieng (BSI)

⁷ Chuongchun, Lalpa kan pi le puhai Pathien chu kan ko a, Lalpa chun kan râwl chu a lo hriet a, kan rimsikzie dâm, kan sin inrimzie dâm, nêksâwr kan nizie dâm a hriet a.

DÂN PAHNINA 26:7 ပူးပေါင်းရင်းမြစ်များ

INṬANNA 21:17

Chun, Pathienin naupang râwl chu a hriet a, chun Pathien vântirkoin vâna inthawkin Hagar chu a zuk ko a, a kuomah, “Hagar, iengin am a sukbuoi che leh? ṭi naw; a umnaa naupang râwl kha Pathienin a hriet a nih.

INṬANNA 29:32

Chun, Leah chu ân rai a, naupasal a nei a, a hmingah Reuben a sak a: “Lalpa chun ka rinumzie a hmu leiin a ni hi; tuhin chu ka pasalin mi hmangai tâng a tih,” a ti a.

2 SAMUEL 16:12

Lalpa chun ka rimsikzie hi hung hmûng a ta. Lalpa chun vawisûna hienga ṭawngsie a mîn phur hi a ṭha tiengin a mi hung thung el khawm a ni thei a nih,” a ta.

INPÂKNA HLABU 119:132

Keia tieng hung ngha la, mi lunginsiet rawh, I hming ngainatuhai i lunginsiet ang khan.

INPÂKNA HLABU 31:8

A mi dotuhai kutah nangin i mi khum naw a, Ka ke hi hmun inthâwltakah în nghat ta lem a.

INPÂKNA HLABU 50:15

Chun, lunginzîng ni chun mi ko la, Sanhim ka ti che, chuongchun, nangin i mi chawimawi ding annâwm,” a ti a.

FESUOKNA 2:23

Chuong ni tamtak sûng chun Aigupta lal chu a thi ta a. Israel mihai chu an intângna lei chun an thuok a dawng hle a, Pathien an ko a, an intângna leia ama an kona chun Pathien kuom a tlung ta a.

FESUOKNA 2:25

Chun, Israel mihai chu Pathien chun a hmu a, anni chu a hriet zing bawk a.

FESUOKNA 3:9

Chuongchun, tuhin, ngai ta, Israel mihai khêkri chu ka kuom a hung tlung a, chu nâksapah nêksâwr an nina, Aigupta mihaiin an nêksawrna chu ka hmu zing bawk a.

FESUOKNA 4:31

Mipui chun an ring ta a: Lalpa chun Israel mihai chu a hung sir ta a, an rimsik tuorna chu a hmu tah ti an hriet chun, an luhai an kûn a, chibai an bûk ta a.

FESUOKNA 6:5

Chu naw khawm chu, Aigupta mihaiin suoka an inumtir Israel mihai inrûm ri chu ka hriet a; ka thuthlung chu ka hriet zing a.

JEREMIA 33:2

“Lalpa a thawtu, indin dinga Lalpa a siemtu chun hieng hin a tih: Lalpa ti chu a hming a nih:

1 SAMUEL 9:16

“Zîngah hieng ang hun lai hin Benjamin rama inthawkin i kuomah mi pakhat ka hung tir ding a na, ka mi Israel chunga hotu ni dingin hriek nâl i ta, ama chun Philistin mihai kuta inthawkin ka mihai sandam a tih; an khêkri chun ka kuom a hung tlung ta leiin ka mihai chu ka ngaisak tah a nih,” tiin.