DÂN PAHNINA 26:5 - Pathien Lekhabu Inthieng (BSI)

⁵ Chun, Lalpa in Pathien hmaa chun, ‘Kan pu chu Suria mi, mi invai a na, Aigupta ramah a zu fe a, a zu um zing a, tlâwmte an na; chun, chutaka chun hnam ropuitak, thilthawtheitak, tamtak an hung ni ta a.

DÂN PAHNINA 26:5 ပူးပေါင်းရင်းမြစ်များ

DÂN PAHNINA 10:22

In pi le puhai chu Aiguptaah sâwmsari an fe thla a; tuhin chu tam tienga chun vâna arasi zâtin Lalpa in Pathienin a sukpung ta cheu a nih.

INṬANNA 46:27

chun, Josefin Aiguptaa naupasal a neihai chu pahni an nih: Jakob sûnghai po po Aiguptaa lût chu sâwmsari an nih.

INṬANNA 31:20

chun, Jakob chu Aram mi Laban hriet naw kârin a fe hmang dai a, a tlân hmang ding chu a hril naw a.

INṬANNA 45:11

chutaka chun keiin châwm ka ti che a, ṭâm ding kum nga a la um si a; chuong naw chun nang le i sûnghai le, i nei po po rimsi rawi in tih,’ ti ro.

INṬANNA 45:7

Chuongchun, hnuoia hin chithlahai hlapêk ding cheu le, sanhimna ropuitaka in ta dinga mi tamtak sanhim ding cheuin, Pathienin in hmaah a mi lo tir hmasa a nih.

INṬANNA 43:12

Tangka khawm a lêt hniin chawi unla, in ip bau bula tangka a pêkkîr hai cheu khawm kha chawi kîr nâwk ro; a thaw pal a ni rawi mawh.

INṬANNA 31:24

Chun, Aram mi Laban kuoma chun zânah a mangah Pathien a hung a, a kuomah, “Jakob kuomah a sie a ṭha, a iengkhawm hril lo dingin fîmkhur rawh,” a ti a.

THILTHAWHAI 7:15

Chuongchun, Jakob chu Aigupta ramah a zu fe a, chutaka chun ama le ei thlatuhai chu an thi ta a,

HOSEA 12:12

Jakob chu Aram rama chun a tlân hmang a, Israel chun nuhmei man a tuok ta a; Nuhmei man ding chun berâm a vêng a nih.

INṬANNA 25:20

Abraham chun naupasal Isak a nei a, Isak chu Paddan-aram rama Suria mi Bethuel naunu, Suria mi Laban farnu Rebeka chu nuhmeia a nei lai chun kum sâwmli mi a nih.

INṬANNA 24:4

ka ram tieng, ka laibunghai laia fein, ka naupa Isak hi nuhmei i neipêk lem ding a nih,” a ta.

DÂN PAHNINA 7:7

“Hnam dang nêka in tam leiin Lalpain in chungah a hmangaina ân fûktir a, a thlang cheu a ni naw a; hnam po poa hnam tlâwm tak in nih in sawnnaw.

FESUOKNA 1:12

Nisienlakhawm anni chu an sukrimsi po leh an pung zuol deu deuin, an indar lien deu deu lem ta a. Chun, Aigupta mihai chun Israel mihai chu an ṭithâwng hle el ta a.

FESUOKNA 1:7

Nisienlakhawm, Israel mipuihai chu an hung sûngruol a, tamtaka hung inbelsain an hung pung a, nasataka thilthawtheiin an hung um a; ram chu anni hluo sipin a um ta a.

FESUOKNA 1:5

Jakob ṭhalbea inthawka suokhai po chu mi sâwmsari an nih; Josef ruok chu Aiguptaah a lo um ta hrim a.

INṬANNA 47:27

Chuongchun, Israelhai chun Aigupta rama Gosen rama chun umhmun an khuor ta a; chutaka chun an insukmuk a, chi tamtak an thla a, nasatakin an pung ta a.

INṬANNA 31:40

Vawi tamtak chu sûna nisa lum le zâna khawdeiin a mi sukrinum êm êm hlak a, îmu khawm ka hmu ngai nawh.

INṬANNA 28:5

Chuongchun, Isakin Jakob chu ân fe hmangtir a: chun, Paddan-aram rama Jakob le Esau nu Rebeka ṭapa Aram mi Bethuel naupa Laban kuoma chun a fe ta a.

INṬANNA 27:41

Chun, a pain mal a sâwmna lei chun Esau chun Jakob chu a theida ta a. Esau chun a lungrilin, “Ka pa sûn ni ding chu a hnai ta a, chu pha chun ka sang Jakob chu that el ka tih,” a ti a.

INṬANNA 12:2

Chuongchun, chi ropuitakah siem ka ti che a, mal khawm sâwm ka ti che a, i hming sukropui bawk ka tih: nang malsâwmna nîng i tih.

INṬANNA 47:4

Anni bawk chun Pharao kuomah, “Hi rama um phawt ding hin kan hung a nih: kan ramah i siehlawhai berâm ruolhai fâk ding a um ta si nawh, ṭâm hi Kanaan ramah a tla nasa hle si a; chuleiin, lunginsiettakin i siehlawhai hi Gosen ramah mîn umtir rawh,” an ti a.

DÂN PAHNINA 1:10

Lalpa in Pathien chun a sukpung cheu a, ngai ta u, tuhin chu in tamzie chu vâna arasi zât zet in hung ni ta a.

DÂN PAHNINA 26:4

Thiempu chun in kuta inthawk chun bâwm chu lâng a ta, Lalpa in Pathien maichâm bula chun inṭhut a tih.

HOSEA 12:13

Zâwlnei hmangin Israel chu Aiguptaa inthawkin Lalpain a ṭhuoi suok a; Zâwlnei bawk hmang chun a hum bawk a.