DÂN PAHNINA 26:2 - Pathien Lekhabu Inthieng (BSI)

² Lalpa in Pathienin a pêk cheu in ram leilung ra hmasatak senghai chu hung lâng in ta; bâwmah sieng in ta, Lalpa in Pathienin a hming inumtirna dinga a la ruot dinga chun in fe ding a nih.

DÂN PAHNINA 26:2 ပူးပေါင်းရင်းမြစ်များ

2 LALHAI 4:42

Chun, Baal-salisaa inthawkin mi pakhat a hung a, Pathien mi chu ra hmasa bei, buṭei bei sâwmhni le bu thar vui a ipin a hung chawipêk a. Elisa chun, “An fâk dingin mipuihai kha pe rawh,” a ti a.

2 CHANCHIN SUINA 31:5

Thupêk chu phuongdar a ni phing le chun Israel mipuihai chun bu dâm, uoin dâm, khuoizu dâm le lo hmasuok po poa ra hmasatakhai chu tamtak el an hungpêk tâwl a; thil po poa sâwma pakhat khawm tamtak el an hung pêk tâwl a.

2 CHANCHIN SUINA 6:6

amiruokchu, ka hming umna dingin Jerusalem kha ka thlang a, chun, ka mi Israelhai chunga um dingin David chu ka lo thlang ta a,’ tiin.

NEHEMIA 12:44

Chun, chu ni chun thawlâwmhai, a thêna thêna thilinhlân dâm, thlai thar hmasa tak dâm, sâwmapakhat dâm, siekhâwmna pindanhaia hotu, dânin a ruot ang thiempu le Levi mihai chanvo khaw tin lohma izir ang pei la khâwmtu dinghai an ruot a; Judahai chu rawngbâwltu thiempu le Levi mihai lei chun an lâwm hle a.

NEHEMIA 13:31

a hun ruot senga thing inhlân ding le thlai thar hmasa tak ta ding dâmin. Aw ka Pathien, a ṭha tiengin mi hre zing rawh khai.

FESUOKNA 20:24

Ka kuomah leihnuoiin maichâm siem i ta, chu chunga chun râwhmang thilinhlânhai, inremna thilinhlânhai le, i berâmhai le i bâwngchalhai chu hung inhlân i ta; ka hming hriet zing dinga ka tina chun i kuomah hung ka ta, mal sâwm ka ti che.

FESUOKNA 22:29

“I sinthaw ra po poa dâwnmihai le fâkmihaia ra hmasa tak chu în hlân inhnu ding a ni nawh. I naupasalhaia naulutîr chu i mi pêk ding a nih.

FESUOKNA 23:16

Loa i chîng i sininrimna ra hmasahai sîk hunah Busîk ruoi le, kum tâwpah loa inthawka i sinthaw rahai po po i lâk khâwm vawng pha Pâwltlâk ruoi i nei bawk ding a nih.

FESUOKNA 23:19

I hnuoi ra hmasatak laia a ṭha tak chu Lalpa i Pathien ina chun i hung lâk ding a nih. Kêlte chu a pui nênetuiin i suong ding a ni nawh.

FESUOKNA 34:26

I hnuoi ra thar hmasatak chu Lalpa i Pathien inah i hung lâk ding a nih. Kêlte chu a nu nênetuiah i suong ding a ni nawh,” tiin.

JEREMIA 2:3

Israel hi Lalpa ta dinga inthieng, a hlâwkna ra hmasa tak chu a na; ama fa zotuhai po po chu suola ngai nîng an ta, an chunga chun thil ṭha naw tlung a tih, Lalpa chun a tih.”

EZEKIEL 20:40

Lalpa Pathien chun a tih: Ka tlâng inthieng, Israel tlâng insânga chun Israel sûngkuohai po po chu, an rêngin chu rama chun ka rawng bâwl tâng an ta, chutaka chun anni chu lâwm ka ta, chutaka chun in thilinhlânhai chu, in rahmasa inthâwinahai le in thil inthienghai po po le chun pawimawsak tâng ka tih.

EZEKIEL 44:30

Chun, thil tinrêng rahmasahai hmasatak le, thil tinrêng thêna inhlânhai chu, in thilinhlânhai po po chu thiempuhai chan nîng a ta, chun, thiempu kuoma chun in beihmet hmasatak chu in in sûnga malsâwmna a um theina dingin in pêk bawk ding a nih.

EZEKIEL 48:14

An zawr ding a ni naw a, inthleng khawm inthleng bawk naw ni hai; chu ram ra hmasatakhai khawm chu mi dang chana siem ding a ni nawh; Lalpa chanpuol a ni si a.

LEVI DÂN 2:12

Rahmasa thilinhlân ding chu Lalpa kuoma chun inhlân in ta; nisienlakhawm, thil rim inhnik thilinhlân angin maichâm chunga chun in sie ding a ni nawh.

LEVI DÂN 2:14

“Rahmasatak fâkmi thilinhlân Lalpa kuoma în hlân chun, i bu thar hmasataka mi, a vui tharlâma mi ngei sukphitin, meia em hminin fâkmi thilinhlân dingin în hlân ding a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:16

Chun, bei tlang ât thlâk hmasatak chu inhlân thieng a ni chun a pumin chuong ang bawk chu a nih. A zung ân thieng chun a kâuhai khawm chuong ang bawk chu a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:5

An ina kohran inkhâwmhai chu chibai mi bûkpêk bawk ro. Ka dittak, Epainet, Asia rama Krista awi hmasatak kha chibai mi bûkpêk ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:23

Chu chau khawm chu ni lovin, eini, Thlarau rahmasa neituhai ngei khawm hin, nau ei nina (ei taksa intlanna) chu nghâkin, eini meu khawm ei lungrilin ei inrûm si a.

1 KORINTH 15:20

Nisienlakhawm, Krista chu mithi laia inthawkin keithoin a um tak zet a nih, a inhai tho hmaṭhuoitu a lo ni tah.

1 KORINTH 15:23

Nisienlakhawm, mâni hun seng peiah, keitho ning an tih: ahmasa takin Krista, tho hmathuoitu; chu hnungah, a hung phaleh Ama tahai po.

1 KORINTH 16:2

Ni saria ni hmasatak peia chun mi tinin, malsâwmna in hmu zie ang peiin siekhâwl seng unla, ka hung phaa thawlâwm dâwl hrim a um nawna dingin.

DÂN PAHNINA 16:10

Lalpa in Pathienin mal a sâwm cheu ang peiin in themsuoka mi mâni thua nuomthua thilinhlân dingin Lalpa in Pathien ta dingin châwlkâr ruoiṭhe in nei ding a nih.

DÂN PAHNINA 18:4

In bu le bâlhai, in uoinhai le in hriek sâwrhai a hmasa takhai le in berâm hmul vâw hmasa tak dâm chu in pêk ding a nih.

DÂN PAHNINA 26:1

“Lalpa in Pathienin rohluo ding le hluo dinga ram a pêk cheu in va hluo a, in va um pha chun;

DÂN PAHNINA 26:3

Chu huna thiempu kuoma chun fêng in ta, a kuomah, ‘Mi pêk dinga kan pi le puhai kuoma ṭawng a lo inkhâmna ramah kan hung tah ti vawisûn hin Lalpa kan Pathien kuomah kan suklang a nih,’ tîng in ta.

JAKOB 1:18

A thilsiemhai hma ṭhuoitu ang ei lo ni theina dingin ama dit zâwngin thutaka inthawkin a mi nei a nih.

JOSUA 18:1

Chun, Israel mipui pungkhâwmhai po po chu Silo khuoah an inkhâwm ta a, chutaka chun inbiekna puonin an zar a; ram chu an thu hnuoiah a hung um ta a.

THUPUONGSUO 14:4

Chuonghai chu nuhmeia insukthiengnaw nawhai chu an nih; nunghâk inthieng ang an ni si a. Chuong chu Berâmte a fena taphawta zuituhai chu an nih. Chuong chu Berâmte le Pathien ta dinga ra hmasatak ni dinga mihriem laia inthawka intlan suok an nih.