DÂN PAHNINA 20:3 - Pathien Lekhabu Inthieng (BSI)

³ an kuomah, ‘Aw Israel mihai, hre ro khai, tuhin chu in hmêlmahai in do ding a ni ta a, zâm naw unla, ṭi naw unla, inthin bawk naw ro, anni chu ṭi dêr naw ro;

DÂN PAHNINA 20:3 ပူးပေါင်းရင်းမြစ်များ

2 CHANCHIN SUINA 32:8

ama kuoma chun tisaa sipai pâwl an na, amiruokchu, eini kuoma chu Lalpa ei Pathien chu mi ṭhangpui ding le ei indona chu do dingin a um a nih,” tiin. Chun, mipui chu Juda lal Hezekia thuhrila chun an sâwldam hle a.

JOB LEKHABU (THE BOOK OF JOB) 23:16

Pathien chun ka lungril chu a sukchâuin, Iengkimthawthei chun a mi sukbuoi hlak.

INPÂKNA HLABU 3:6

Mi sîng khat khawm hi ṭi naw ning, Kei mi hung doa, mi hung inhuol vêltuhai hi.

FESUOKNA 14:13

Mosie chun mipui kuoma chun, “Ngîr ṭawk ṭawk unla, ṭi naw ro, Lalpa sandamna, in ta dinga vawisûn a thaw ding chu en el ro; vawisûna Aigupta mi in hmuhai hi kumkhuoin in hmu nâwk ta naw ding a ni si a.

ISAI 28:16

chuleiin, Lalpa Pathien chun hieng ang hin a hril, “Ngai ta, lung, lung fie hnung, a kia lung hlutak ka phûm, dettak chu, Ziona chun lungphûm dingin ka rem hi; ama ringtu chu inhmaw naw nih.

ISAI 7:4

a kuomah, ‘Fimkhur la, um ṭawk ṭawk rawh, meiser bawng khu mei mei pahni, Suria le Rezin le Remalia naupa lunginsenna nasatak chu, ṭi naw la, i lungril chu inlau naw raw se.

NAMBAR 14:9

Lalpa chungah hel naw phawt el unla, chu rama mihai khawm chu ṭi hlek naw ro, ei bu ding an ni el annâwm, an inhumhimna chu teplo mei mei a nih; Lalpa chu ei kuomah a um annâwm; anni chu ṭi naw ro,” tiin an hril a.

MATTHAI 10:16

“Ngai ta u, satenehai laia berâm um angin ka tir cheu hi; chuongchun, rûl anga vara, vaṭhu anga pawi tâwklovin um unla.

MATTHAI 10:28

“Chun, taksa sukhluma thlarau sukhlum thei nawhai chu ṭi naw unla, Hremhmuna thlarau le taksa sukbo thei ruok chu ṭi ro.

MATTHAI 10:31

Chuleichun, ṭi naw ro; chawngzawng tamtak nêkin in hlu lem a nih.

MATTHAI 8:26

Ama chun an kuomah, “Ringna tlâwmhai, iengdinga in ṭi?” a ta. Chuongchun, a tho a, thli le dîl chu a hal a, chun, a hung re ta duok el a.

MARKA 16:18

Rûlhai kut chungah dawm an ta, thina tûr iengang khawm dâwn hai sienla iengkhawm ti naw ni hai; damnawhai chungah an kut innghat an ta, dam pei an tih,” a ta.

MARKA 16:6

Chuongchun, ama chun an kuomah, “Lunginzing naw ro, Isu Nazareth mi, an hemde kha in zawng a ni âwm a, a thonâwk ta a, hi hin a um ta nawh; en ta u, an inzâlna hi.

THILTHAWHAI 27:24

‘Paula, ṭi naw, Kaisar hmaah i ngîr ding a nih; chun, ngai rawh, lawnga i kuoma fehai po po khawm hi Pathienin a pêk che a nih,’ a mi ti a nih.

DÂN PAHNINA 1:21

Ngai ta u, Lalpa in Pathien chun ram chu a pêk diem ta cheu a nih; hang fe unla, Lalpa in pi le pu Pathienin a lo hril ta ang khan hang hluo el ta ro; ṭi naw unla, thaidâwp bawk naw ro,’ ka ti a.

DÂN PAHNINA 20:1

“In hmêlmahai do dinga in suoka sakawrhai le tawlailîrhai dâm, mipuihai dâm, nangni nêka tam in hmuin, anni chu in ṭi ding a ni nawh; Aigupta rama inthawka ṭhuoi suoktu cheu Lalpa in Pathien chu in kuomah a um si a.

DÂN PAHNINA 20:2

Chun, in indo ding hnai chun thiempu chun mipuihai chu va pan sienla, be sienla,

1 THESSALONIKA 5:15

Tûkhawmin tu suol khawm suola thung lo dingin fîmkhur ro; thil in inthawpêk tuona tieng le, mi po po chunga in thawpêkna tienga khawm a ṭha taphawt chu hnawt lem rawp ro.

1 TIMOTHE 6:12

Ringna inruolsiekna ṭha chu thaw la, chatuon hringna chu chel rawh; chu chu chang dinga ko i na, hretu tamtakhai mithmuah ṭanna ṭha chu i ṭan ta kha.

HEBRAIHAI 13:6

Chuongchun, huoitakin; “Lalpa chu a mi ṭhangpuitu a nih, Ṭi naw ning; Mihriemin ieng am mi law thei an ta?” ei ti hlak a nih.

JOSUA 23:10

Nangni laia mi pakhat chun mi sâng khat in hnawt a, in kuoma a lo hril ta angin, Lalpa in Pathien hin a do pêk hlak cheu leiin.

THUPUONGSUO 2:10

I tuor dinghai hi ṭi naw; ngai ta, fiea i um theina dingin, Diebol chun nangni laia mi ṭhenkhat intângna inah a khum ding cheu a nih; chun, ni sâwm rinum tuor in tih. Thi chenin ringumin lo um rawh, chuongchun, hringna lallukhum pêng ka ti che.

1 SAMUEL 17:32

Chun, David chun Saula kuomah, “Ama lei chun tu lungril khawm ṭi naw raw se; i siehlaw hin chu Philistin mi chu va thâwng ka tih,” a ta.