DÂN PAHNINA 2:7 - Pathien Lekhabu Inthieng (BSI)

⁷ Lalpa in Pathien chun in thaw taphawthaia chun mal a sâwm hlak cheu a, hi thlalêr lientak hi in fe thleng dân dâm chu a hriet si a; hieng kum sâwmli sûng po hin Lalpa chu in kuomah a um a, iengkhawm in tlasam naw kha, tiin thu pe rawh,’ tiin.

DÂN PAHNINA 2:7 ပူးပေါင်းရင်းမြစ်များ

INṬANNA 12:2

Chuongchun, chi ropuitakah siem ka ti che a, mal khawm sâwm ka ti che a, i hming sukropui bawk ka tih: nang malsâwmna nîng i tih.

INṬANNA 24:35

Lalpa chun ka pu chu nasatakin mal a sâwm a, mi lientak a hung ni a. Lalpa chun ama chu berâm ruol dâm, bâwng ruol dâm, tangka dâm, rângkachak dâm, suokpa dâm, suoknu dâm, sanghâwngseihai dâm, sabengtung dâm, a pêk bawk a.

INṬANNA 26:12

Chun, Isak chun chu rama chun bu a chîng a, chu kum chun a let za a hmu a. Lalpain ama chu mal a sâwm a,

INṬANNA 30:27

Laban chun a kuomah, “I mi lunginsiet thei chun la um phawt ta la, Lalpa chun nanga zârah mal a mi sâwm ti ṭhumvâwrin ka hriet i sawnnaw,” a ti a.

INṬANNA 39:3

A pu chun Lalpa chu a kuomah a um a, a thilthaw taphawt Lalpain a kutah ân hlawtlingtir ti a hmu a.

INṬANNA 39:5

A inah hotuin a siem a, a nei po po chunga hotua a siem chena inthawk chu Josef leiin Lalpa chun Aigupta mi sûng khat chu mal a sâwm ta a; in tieng le ram tienga a nei po po chu Lalpain mal a sâwm a.

NEHEMIA 9:21

Anih, thlalêra khan kum sâwmli i châwm a, iengkhawm an tlasam naw a; an silfênhai chu a hlui naw a, an kehai khawm chu ân vûng bawk naw a.

JOB LEKHABU (THE BOOK OF JOB) 23:10

Amiruokchu, ama chun lampui ka hraw chu a hriet a, Amain a mi fie pha chun, rângkachak angin hung suok ka tih.

INPÂKNA HLABU 1:6

Lalpa chun mi felhai lampui chu a hriet si a, Mi rilohai lampui ruok chu bohmang a tih.

INPÂKNA HLABU 107:4

Thlalêra ram ṭâwl lampuia chun an invâk an invâk a, Mihriem umna khuo hrim hrim an hmu naw a.

INPÂKNA HLABU 31:7

I ngilneina lei hin hlimin lâwm ka tih. Ka lunginzîngna hi i hmu si hlak a, Ka hringna hi a rinum lai khawmin i hriet hlak.

INPÂKNA HLABU 90:17

Chun, Lalpa kan Pathien mawina chu kan chungah um raw se: Kan kut sinthaw hi kan chungah sukdet bawk la, Anih, kan kut sinthaw hi sukdet rawh.

FESUOKNA 16:35

Israel mihai chun mi umna ram an hung tlung hma po kum sawmli sûng chu manna chu an fâk ta a. Kanaan ram ramrihai an hung tlung chen chun an fâk a.

JEREMIA 2:2

“Fe la, Jerusalem na bula chun khêk la, hieng hin hril rawh, Lalpa chun hieng hin a tih; mo anga i hmangaina le, i tleirâwl lai lunginsietna; khânga ram chi thea um nawna hmuna, thlalêra ka hnung i hung zui kha ka hriet zing a.

HOSEA 13:5

Ram ṭâwl nasatak, thlalêra inruolpui hlak che kha ka nih.

AMOS 2:10

Amor mihai ram chu nei dingin Aigupta rama inthawkin ka ṭhuoi suok cheu a, thlalêra khan kum sâwmli sûngin ka ṭhuoi cheu a.

NAMBAR 1:1

Aigupta rama inthawka an hung suok kum hni kum, thla hnina, ni khat ni chun, Sinai thlalêra intuokna puon inah Lalpain Mosie a biek a,

NAMBAR 14:33

In nauhai chu thlalêrah kum sâwmli intawi intawi an ta, thlalêra in ruong hai a riral hmakhat chun in ringum nawna lei chun tuor an tih.

NAMBAR 14:34

Ram in va enthlâk ni zât; ni sâwmli chu, ni khat aiah kum khat pei, kum sâwmli sûng zet in bawsietna chu tuor phâng in ta, chuongchun, ka lungni nawzie hi hre tâng in tih.

NAMBAR 22:12

Pathien chun Balaam kuomah, “An kuoma chun i fe ding a ni nawh. Chuong mihai chu ṭawngsie în phur ding a ni nawh, mi hamṭha an nih,” a ta.

NAMBAR 32:13

Chun, Israelhai chunga chun Lalpa lung chu a chawk a, Lalpa mithmua thil ṭha naw thawtu suon po po chu an bohmang vawng hmakhat chun thlalêrah kum sâwmli ân vâkvaitir a.

LUKA 22:35

Chun, an kuomah, “Tangka ip boa, mansa boa, kekawk boa ka tir suok cheu khan thil hrim hrim in tlasam am?” a ta. Anni chun, “Tlasam lo,” an ta.

JOHAN 10:27

Ka berâmhaiin ka râwl an hriet hlak, kei khawmin anni chu ka hriet, anni chun an mi zui hlak.

DÂN PAHNINA 1:19

“Chun, Lalpain thu a mi pêk angin Horeb tlânga inthawk chun ei suok a, Amor mihai tlâng ram lampuia thlalêr lientak le râpthlâktak in hmu kha ei fe thleng vawng a, Kades-barneaa chun ei hung tlung a.

DÂN PAHNINA 1:46

Chuleichun, Kades-a chun sâwttak in um a ni kha.

DÂN PAHNINA 2:14

Kades-barneaa inthawka ei suok le Zered vadung ei kân a, Lalpain an kuoma ân khâm anga mipuihai laia chu suona râlkâp mi po po an bohmang vawng inkâr chu kum sâwmthum pariet a nih.

DÂN PAHNINA 2:6

An buhai chu in fâk dingin sumin inchâwng in ta; an tuihai chu in dâwn dingin sumin in inchâwk bawk ding a nih.

DÂN PAHNINA 29:4

Nisienlakhawm, Lalpain vawisûn chen hin hriet thiemna lungril dâm, hmu theina mit dâm, hriet theina nakâwr dâm a la pêk naw cheu a nih.

DÂN PAHNINA 29:5

Thlalêrah kum sâwmli ka ṭhuoi ta cheu a, in silfênhai chu in sil chul naw a, in kekawkhai khawm in bun chul bawk naw a.

JOSUA 5:6

Lalpa râwl an ngai nuom naw leiin mipui po po Aiguptaa inthawka hung suok, râl kap mihai chena, sukbohmanga an um vawng chenin Israelhai chu kum sâwmli zet thlalêra chun an invâk an invâk a, Lalpain an thlatuhai kuoma nênetui le khuoizua luong ram inkhâma eini mi pêk a lo tiem kha, chu ram chu hmu lo dingin Lalpain an kuomah ṭawng ân khâm hrim a nih.