DÂN PAHNINA 2:34 - Pathien Lekhabu Inthieng (BSI)

³⁴ Chu ṭum chun a khuohai po po chu ei lâk a, chuong khuoa pasal po po, nuhmei le an nauhai leh ei sukbohmang vawng a, hla hrim hrim ei nei nawh.

DÂN PAHNINA 2:34 ပူးပေါင်းရင်းမြစ်များ

DÂN PAHNINA 3:6

Hesbon lal Sihon chunga ei thaw ang khan ei sukbohmang vawng a, khuo po po chu ei sukbohmang vawng a, pasal, nuhmei le an naupanghai chenin ei sukbohmang vawng a.

DÂN PAHNINA 7:2

in sukbohmang vawng ding a nih; anni le chun thu in thlung ding a ni naw a, in lunginsiet ding khawm a ni nawh.

DÂN PAHNINA 7:26

In in sûngah thil tirdakum la lûtin chu thil ang chun ṭawngsephurah in insiem ding a ni nawh; tirdakum namên lova tirdakin in theida hle ding a nih, ṭawngsephur thil a ni si a.

JOSUA 10:28

Josua chun chu ni chun Makeda chu a lâk a, a lal khawm kâwlhnâmin a thaw a, chu khuoa um po pohai le chun a sukhlum fai rêt a, pakhat khawm hla hrim hrim a nei nawh. Jeriko lal chunga a thaw ang bawk khan Makeda lal chunga khawm a thaw a.

JOSUA 10:40

Chuongchun, Josua chun a ram pumin, tlâng ram dâm, Sim ram dâm, phai ram dâm, ṭên pangpêr ram dâm chu sukse vawngin, an lal po pohai chu a sukhlum vawng a; pakhat bêk khawm hlâ hrim hrim a nei dêr nawh: Lalpa Israelhai Pathien thupêk angin, ân thuok thei taphawt chu a sukchimit vawng ta lem a.

JOSUA 11:14

Chuong khawpuia an râllâkhai po po le ranhai chu Israelhai chun anni chanpuolah an nei a, mihriem ruok chu an sukbohmang vawng hmakhat chu kâwlhnâmin an that a, ân thuokthei taphawt chu hla an nei nawh.

JOSUA 6:21

Khawpui sûnga mi po po nuhmei pasal, a chîn a lien, bâwngchal dâm, sabengtung dâm leh kâwlhnâmin an sât hlum vawng ta a.

JOSUA 7:11

Israelhai hin thil an suksuol a nih; ka thuthlung pawm dinga ka pêk kha an bawsiet a ni hi; thil pumpêk laia ṭhenkhat an lâk bawk a nih; an inrûk a, an ip bawk a, an thuomhnaw lai ngei an thuphmang a nih.

JOSUA 9:24

Anni chun Josua chu an dawn a, “Lalpa i Pathien a siehlaw Mosie khan ram pumpui hi pe cheua in hmaa a ram hluotu um po pohai hi sukbohmang pei ding a nih ti thu a lo pêk kha i siehlawhai hi an lo hril chieng êm a; chuleiin, nangni leiin kan hringna hi chân kan inlau êm a, hieng ang hin kan lo thaw el a nih.

1 SAMUEL 15:3

Amalek mihai do dingin fe la, an thil nei po po hla hrim hrim nei dêr lovin sukbohmang vawng rawh; nuhmei le pasal, naute khawm, nêne ne laihai dâm, bâwngchal le berâm dâm, sanghâwngsei le sabengtung dâm leh sukhlum vawng rawh,’ a ti a nih,” a ta.