DÂN PAHNINA 2:11 - Pathien Lekhabu Inthieng (BSI)

¹¹ chuonghai khawm chu Anak mihai ang bawka Repha mihai ti an na; nisienlakhawm, Moab mihai chun Em mihai an ti hlak a nih.

DÂN PAHNINA 2:11 ပူးပေါင်းရင်းမြစ်များ

INṬANNA 14:5

A kum sâwm palinaa chun Kedorlaomer le a kuoma lal umhai chu an hung a, Asteroth-karnaim khuoah Rephaimhai an that a, Ham khuoah Zuzimhai, Kiriathaim zâwlah Emimhai,

INṬANNA 6:4

Chuong lai le chu hnunga khawm, Pathien naupasalhaiin mihiem naunuhmeihai chu an pâwl a, anni leh nauhai an nei hlak lai khan Nephilimhai chu hnuoia hin an um a; chuonghai chu tienlaia mi hrât, indothiem hming inthanghai chu an nih.

2 SAMUEL 21:16

Chun, Isbi-benod, mi lien naupasalhai laia mi, a fei rikzie chu dâr Shekel za thum, kâwlhnâm thar pai chun David chu that a tum a.

NAMBAR 13:22

Simtienga chun an hang fe phawt a, Hebron an va tlung a, chutaka chun Anak thlahai, Ahiman mihai, Sesai mihai, Talmai mihai an um a, (Hebron chu Aigupta rama Zoan inngîr hma kum saria inngîr tah a nih).

NAMBAR 13:28

Amiruokchu, a rama mi umhai chu mi hrâttak tak el an na, khuohai khawm kul nei, ropuitak tak an nih; chun, Anak thlahai khawm kan hmu bawk a.

NAMBAR 13:33

chutaka chun Anak thlahai, mi lienhai, âwmkhautak tak el kan hmu a, keini chu khâu ang chauin kan inhmu el a nih; anni khawma khâu ang chauin an mi hmu hrim a,” tiin a ṭha naw tiengin an hril a.

DÂN PAHNINA 1:28

Iengdingin am chu chun hang fêng ei ta? Ei unauhai chun, Mihriem chu eini nêkin an lien a, an insâng lem bawk a; khuohai chu a lien tâwl hle a, vân tawngin kulhai a nei a; chun, Anakim thlahai khawm chu kan hang hmu bawk a, tiin kan lungril an sukzawp a,’ in ti a.

DÂN PAHNINA 2:20

(Chu khawm chu Repha mihai rama ngai a ni bawk; chutaka chun kha hma khan Repha mihai chu an um hlak a; nisienlakhawm, Ammon mihai chun Zamzum mihai an ti hlak a nih.

DÂN PAHNINA 3:11

(Basan lal Og chau a nih, Repha mihai laia la um sun chu; a khum chu thîr a na, Ammon thlahai khuo Rabaa chun a la um zing a ni naw am a nih? Mihriem tawnga inkhiin a dungtieng tawng kuo, a khangtieng tawng li a nih.)

DÂN PAHNINA 9:2

mi lientak tak le insângtak tak in hriet ta sahai Anak thlahai, ‘Anak thlahai chu tuin am ngam ei ta?’ in ti hlakhai ram chu.