DÂN PAHNINA 18:9 - Pathien Lekhabu Inthieng (BSI)

⁹ “Lalpa in Pathienin a pêk cheu ram in va tlung pha chun chuong hnamhai thil tirdakum thaw hai ang chu in chîng ve ding a ni nawh.

DÂN PAHNINA 18:9 ပူးပေါင်းရင်းမြစ်များ

2 LALHAI 17:11

chuong bâwlhmunhai po poa chun Lalpain an hmaa a hnawt hmang tahai thaw dân ang khan riminhnikhai an raw hlak a; Lalpa suklungsenna dingin thil suoltak an thaw bawk hlak a.

2 LALHAI 17:8

Lalpain Israel mipuihai hmaa a lo hnawt suok tah hnamhai thuruot le Israel lalhai thuruot anga an lo pawm tâk lei a nih.

2 CHANCHIN SUINA 28:3

Chunawa khawm chun Hinnom naupa ruoma chun riminhnik a raw a ; Israel mipuihai hmaa Lalpain a hnawtsuok khawhri be mihai tirdakumna ang tak chun a nauhai chu meiah ân lûttir bawk a.

2 CHANCHIN SUINA 36:14

Chu nawa khawm chun, khawhri be mihai tirdakumna po po angin mipuihai le thiempu lalhai khawm chun nasatakin an bawsiet a; Jerusalema Lalpa in a sukthieng ta chu an sukpawrche ta a.

JEREMIA 10:2

Lalpa chun hieng hin a tih: Hnamhai lampuihai chu inchûk naw la, chungtienga inchiknahaia chun lunginzîng el bawk naw rawh, hnamhai chu chuonghaia chun an lunginzîng hlak si a.

LEVI DÂN 18:30

Chuleiin, hieng an thil chîng tirdakumhai hi in chîng ve nawna dingin, thupêk hi in zâwm ding a nih; chuong thilhai chun insukpawrche ngai dêr naw ro: Kei hi Lalpa in Pathien chu ka nih,’ ti rawh,” tiin.

DÂN PAHNINA 20:18

an pathienhai chunga an thaw hlak thil tirdakumhai po po chu an inchûktir nawna ding cheuin; chuong naw chun Lalpa in Pathien chungah thil suksuol râwi in tih.

DÂN PAHNINA 9:4

Lalpa in Pathienin a hnawt suokpêk hnung cheu chun, ‘Ei felna leiin hi ram hi hluo dingin Lalpain a mi ṭhuoi lût a nih,’ in lungrilin ti dêr naw ro; hieng hnamhai hi an suol leiin a nih Lalpain a hnawt suokpêk ding cheu chu.

DÂN PAHNINA 9:5

In fel leiin amanih, in lungril indik leiin amanih an ram chu in hluo ding a ni naw a, hieng hnamhai suol lei le Lalpa in pu Abraham hai, Isak hai, Jakob hai kuoma ân khâmna thu suknghet dingin Lalpa in Pathienin anni chu a hnawt suokpêk ding cheu a ni lem.