DÂN PAHNINA 18:3 - Pathien Lekhabu Inthieng (BSI)

³ Inthâwina inhlântu mipuihaia inthawka thiempu chanpuol ding chu hieng hi nîng a tih: bâwngchal khawm, berâm khawm a dâr le bekbawr khing hni le a phîngpui chu thiempu an pêk ding a nih.

DÂN PAHNINA 18:3 ပူးပေါင်းရင်းမြစ်များ

FESUOKNA 29:27

Thên thilinhlân ir le dawmkâng thilinhlân dâr, inhlânna berâmchal ir le dâr dawmkânga thên tah, thiempu chan khawm chu inhlân i tih, Aron le a naupasalhai chan a ni leiin.

FESUOKNA 29:28

Aron le a naupasalhai chan dinga Israel thilinhlân an pêk zing ding an bat nîng a tih; chu chu an inremna thilinhlânhaia inthawka thiempu chan dinga Israel mihai inhlân ding chu nîng a tih; Lalpa kuoma an dawmkâng thil inhlân chu a nih.

LEVI DÂN 22:7

Nisa a tlâk hnung ruok chun inthieng tâng a ta, chu hnung chun thil inthienghai laia mi khawm chu fa thei tâng a tih; a fâk ding a ni leiin.

NAMBAR 18:11

Hieng hi i chanpuol nîng a tih: beiphit thilinhlâna an thilpêk, Israel mihai a thêna thên thilinhlân chenin, nang le i naupasalhai le i naunuhmeihai leh kumkhuoa in chanpuolah ka pêk cheu a nih, i ina mi inthieng po po chun fa thei an tih.

NAMBAR 18:12

Hriek ṭha tak dâm, grêp ṭha tak dâm, bu ṭha tak dâm, ra hmasa tak Lalpa ta dinga an pêk chu ka pêk che.

DÂN PAHNINA 12:27

Chun, Lalpa in Pathien maichâmah in pumrawhmang thilinhlân chu, a sa le a thisen inhlân in ta, chun in inthâwinahai thisen chu Lalpa in Pathien maichâma chun bun suok in ta, a sa chu fâng in tih.