DÂN PAHNINA 18:2 - Pathien Lekhabu Inthieng (BSI)

² An unauhai laia chun rochan an nei ding a ni naw a, an rochan chu an kuoma a hril angin Lalpa a ni si a.

DÂN PAHNINA 18:2 ပူးပေါင်းရင်းမြစ်များ

INṬANNA 15:1

Chuong thil hnunga chun, “Abram, ṭi naw rawh; kei hi i phaw le i lâwmman nasatak el chu ka nih,” tiin Lalpa thu chu Abram kuomah mang angin a hung tlung a.

INPÂKNA HLABU 119:57

Lalpa chu ka chanvo a nih, I thu chu zâwm ka tih ti ka hril ta kha.

INPÂKNA HLABU 16:5

Lalpa chu ka rochan ding le ka no chan ding chu a na, Nangin ka chanpuol i mi sukdetpêk hlak.

INPÂKNA HLABU 84:11

Lalpa Pathien chu nisa le phaw a ni si a, Lalpa chun lunginsietna le ropuina pêng a ta, Indiktaka umhai kuoma chun thil ṭha hrim hrim inro naw ni.

ISAI 61:6

Nangni ruok chu, “ Lalpa thiempuhai,” tia inbûkin um in tih: mihaiin, “Ei Pathien rawngbâwltuhai, ” tîng an ti cheu a; hnam tin sum fâng in ta, an ropuina chu insuong phâng in tih.

ṬAP HLA 3:24

Ka thla chun,“ Lalpa chu ka chanvo a na, chuleiin, amaa chun beisei ka tih,” a ta.

EZEKIEL 44:28

Chun, rochan nei nâwng an ta; kei hi an rochan chu ka nih; Israela chun ro pe naw ti ni a, kei hi an thilnei chu ka nih.

NAMBAR 18:20

Lalpa chun Aron kuomah, “An rama chun rochan nei naw ti niu a, anni lai chun chanvo nei naw bawk in tih: Israel mihai laia i chanvo le i rochan chu keima hi ka nih.

NAMBAR 18:7

Nang le i naupasalhai hin maichâm le puonzâr sûngtieng in thiempu sin chu thâwng in tih. Chun, nangin rawngbâwl i tih, thiempu sin hi in rawngbâwl sin dingin ka pêk cheu a nih; hnam dang hung inrawl ve phawt chu sukhlum nîng an tih,” a ta.

DÂN PAHNINA 10:9

Chuleiin, Levi chun a unauhai lai chun chanvo khawm, rochan khawm a nei naw a; Lalpa in Pathienin a kuoma a hril angin Lalpa chu a rochan a nih).

JOSUA 13:14

Levi hnamhai chau a nih rochan ding a pêk naw chu; an kuoma a lo hril ta ang khan, Lalpa, Israelhai Pathien kuoma meia thilinhlânhai kha an rochan a ni lem si a.

1 PETER 2:5

ama kuoma chun hungin, nangni khawm lung hringhai angin thlarau tieng ina remin in um, Isu Krista zâra Pathien lâwm zâwng thlarau tieng inthâwina inhlân dinga, thiempu inthienghai in hung nina dingin.

1 PETER 2:9

Nisienlakhawm, inthima inthawka suok a, a var nasataka lût dinga kotu cheu ṭhatna chu in inentir theina dingin, nangni chu chi thlang, lal thiempuhai, hnam inthieng, Pathien mihai ngei in ni si a.