DÂN PAHNINA 17:9 - Pathien Lekhabu Inthieng (BSI)

⁹ chu huna thiempu Levi mi le rorêltuhai kuoma chun fêng in ta, anni râwn in ta; chun, anni chun thu sukthlûk dân ding an lo khîkhmu ding cheu a nih.

DÂN PAHNINA 17:9 ပူးပေါင်းရင်းမြစ်များ

1 CHANCHIN SUINA 26:29

Izhar mihaia chun, Kenania le a naupasalhai chu Israel ram ta dinga puotienga sinthawnahaia hotuhai le rorêltuhai an nih.

FESUOKNA 18:16

Thubuoi an nei pha ka kuomah an hung a; chun, a vênghai le mi dang kâra thu chu ka rêl a, Pathien dân ziekhai le a dânhai chu ka lo inhriettir hlak a nih,” a ti a.

FESUOKNA 22:8

Inru chu man a ni naw chun, a in neitu chun a vênghai thuomhnaw chunga chun kutkem a lo hmang le hmang naw fie dingin Pathien kuomah a hung ding a nih.

JEREMIA 18:18

Chun, anni chun, “Hung ro khai, Jeremia chunga hin thuphierrûk phier ei tih; thiempua inthawkin dânin bo ni nei naw ni a, mi vara inthawkin thurâwn le, zâwlneia inthawka thu bo naw nih. Hung ta u, hril se bawr bawr ei ta, a thuhai chu a ieng ieng khawm chu awipêk nâwng ei tiu,” an ta.

EZEKIEL 44:24

Thubuoia chun rorêltuin an ngîr ding a na; keia rorêl dân dungzui peiin ro an rêl ding a nih; ka ruoiṭhe hunbi neihaia chun ka thuruothai, ka dânhai chu an zâwm ding a nih; chun, ka châwlni khawm chu an inser bawk ding a nih.

HAGGAI 2:11

“Sipaihai Lalpa chun hieng hin a tih. Thiempuhai chu hi dân thu hi indawn la,

ZEKARIA 3:7

“Sipaihai Lalpa chun hieng ang hin a ti a nih, ka lampuihaiah i fe a, ka iphût chu i thaw bawk chun, ka insûng ro rêl i ta, ka in inhuonna tuollaihai chu vawng ṭha bawk i tih. Chun, hitaka ngirhai lai hin um ve theina pêng ka ti che.

ZEKARIA 7:3

sipaihai Lalpa thiempuhai kuoma le zâwlneihai kuoma chun, “Kum khâng chena ka lo thaw ta hlak ang khan, keima chu insuktumin, thla kuonaa hin ka ṭap ding am a nih,” tia indawn dingin an tir a.

MALAKI 2:7

Thiempu hmûrhai chun hrietthiemna a vawng ding a na, a baua inthawk chun miin dân chu an zawng ding a ni si a: ama chu sipaihai Lalpa mitir chu a ni si a.

DÂN PAHNINA 16:18

“Lalpa in Pathienin a pêk cheu in kul kawtkhâr po poah in hnam ang peiin rorêltuhai le hotuhai insiem pei in ta; mipuihai ro feltakin an rêlpêk ding a nih.

DÂN PAHNINA 17:10

Lalpain hmun a la ruot dinga inthawka thu sukthlûk dân ding an lo khîkhmu ang cheu chun thâwng in ta, an inchûktir ang pei cheu chun fîmkhurtakin in thaw ding a nih.

DÂN PAHNINA 21:5

Levi naupa thiempuhaiin hung pan an ta, anni chu Lalpa in Pathienin a rawngbâwltu le Lalpa hminga malsâwmtuhai dinga a ruot an ni si a; thubuoi le invuok thu chu an rêl ang ang nîng a tih.

DÂN PAHNINA 25:1

“Mi an inkhing a, rorêlnaah an fe a, rorêltuhaiin an lo rêlpêk a, mi fel chu thiem an inchangtir a, mi suol chu thiemnaw an inchangtir a ni chun,

DÂN PAHNINA 33:10

Jakob mihai chu i rorêlhai chu inchûktir an ta, Israelhai chu, i dân, I hmaah riminhnik sieng an ta, I maichâmah pumrawhmang thilinhlân inhlân an tih.