DÂN PAHNINA 16:3 - Pathien Lekhabu Inthieng (BSI)

³ Chawl ṭhang bei leh in fâk ding a ni naw a; in dam sûng poa Aigupta rama inthawka in suok ni chu in hriet zing theina dingin ni sari sûng chawl ṭhanglo rinumna bei leh in fâk ding a nih, Aigupta rama inthawk khan inhmâwtaka suok in ni kha.

DÂN PAHNINA 16:3 ပူးပေါင်းရင်းမြစ်များ

1 LALHAI 22:27

chun, lalin hieng ang hin a tih, ‘Hi mipa hi lung inah khum unla, lungmuongtaka ka hung nâwk hmakhat chun rinumna tui lo pe ro,’ tiin, ti ro,” a ta.

INPÂKNA HLABU 102:9

Vut hi bu angin ka fâk a, Ka dâwn ding chu mitthli leh ka pawl ta si a.

INPÂKNA HLABU 111:4

Ama chun a thilmak thawhai chu ân hriet zingtir a, Lalpa chu mi lunginsiet theitak, lainatnaa sip a nih.

INPÂKNA HLABU 127:2

Zîngkâr in tho va, inhnutakin in châwl a, Sininrimna bu in fâk hlak hi, in ta dingin a thlâwn el a nih. Hieng ang hin a mi dittak chu a ininnghiltir hlak a nih.

FESUOKNA 12:11

Chun, hieng ang hin fâng in tih: in dier kei sa zingin, in kekawk bun sa zingin le, in kuta in hmawl chawi sa zingin, inhmâwtakin in fâk ding a nih. Lalpa Fekân Ruoiṭhe a nih.

FESUOKNA 12:17

Chawl ṭhanglo bei ruoiṭhe chu inser in ta, chu ni la la chun in mihai chu Aigupta rama inthawkin ka ṭhuoi suok a ni si a; chuleiin, kumkhaw dâna neiin, hi ni hi in thlahai chenin inser in tih.

FESUOKNA 12:39

Aiguptaa inthawka beihlawm an hung chawihai chu chawl ṭhanglo beiphêkhaiah an zeu a, chawl ṭhanglo a ni hrim a; Aiguptaa inthawk a nama nam suok el an ni leiin le an muong thei ta naw leiin fâk ding iengkhawm an inbuotsai si naw a.

FESUOKNA 12:8

Chu zân chun a sa chu meia rawin, chawl ṭhanglo bei leh fâng an ta; hlohna kha leh fâng an tih.

FESUOKNA 34:18

“Chawlṭhanglo bei ruoiṭhe chu nei zing i tih. Ni sari sûng chu, thu ka pêk ang che khan, Abib thla hun ruota khan fâng i tih; Abib thlaa chun Aiguptaa inthawkin i hung suok a ni si a.

ISAI 52:12

Inhmâwtakin in fe suok âwm si naw a, tlânsiein fe bawk naw ti niu; Lalpa chun in hma a ṭhuoi ding a ni si a; Israelhai Pathien chu in hnung dâltu nîng a tih.

LEVI DÂN 23:6

Chu thla ma, ni sâwmpanga ni chu, Lalpa kuoma Chawlṭhanglo bei ruoiṭhe a na, ni sari sûng chu chawl ṭhanglo bei in fâk ding a nih.

ZEKARIA 12:10

Chun, David sûngkaw chunga le, Jerusalem hluotuhai chunga chun zângaina le hni châkna thlarau buok ka ta, kei an mi sun tahnung chu mi en an tih; miin a nau khât ta dinga an sûn hlak angin ama chu sûn an ta, miin a nau lutîr chu nasataka a tuorpui hlak angin nasatakin tuorpui an tih.

NAMBAR 28:17

Chu thla ni sâwmpanga ni chu ruoiṭhe ni nîng a ta; ni sari sûng chu chawlṭhanglo bei fâk ding nîng a tih.

NAMBAR 9:11

Thla hnina ni sâwmpali ni zântieng an nei ding a nih. Chawl ṭhanglo bei hlohna kha leh an fâk ding a nih.

LUKA 22:19

Chun, bei a lâk a, lâwmthu a hril zoin, a khawi a, an kuomah a pêk a, “Hi hi ka taksa [in aia pêk chu a nih; in mi hriet zingna dingin hi hi thaw hlak ro,” a ta.

1 KORINTH 5:8

chuleiin, ruoi ṭhêng ei tiu, chawl hluia ṭhe lovin, nunsiet le suolna chawla ṭhe bawk lovin, takna le indikna chawlṭhanglo beiin ruoi ṭhe lem ei tiu.

DÂN PAHNINA 16:2

Lalpain a hming umna dinga a la ruot dinga chun Lalpa in Pathien kuomah in berâm ruol laia mi le ran ruol laia miin Fekân Ruoiṭheah in inthâwi ding a nih.

DÂN PAHNINA 4:9

Chuleiin, fîmkhur unla, nguntakin inenkawl phawt el ro, chuong naw chun, in mita in thil hmuhai chu theinghil in ta, in dam sûngin in lungrila inthawk chun bo hlau rawi a tih; in nauhai le in tuhai chen khawm inchûktir hlak ro.

1 THESSALONIKA 1:6

Chun, thu chu rinum tuor pumin Thlarau Inthienga lâwmin in lo pawm a, keini le Lalpa inchûktuhai in lo nih.

JOSUA 4:7

nangnîn an kuomah, ‘Lalpa thuthlung bâwm hmaah Jordan tuihai chu a hung intan ta lei a nih: chuongchun, hieng lunghai hi Israel thlahaiin kumkhuoa an hriet zingna ding a ni hi,’ in la ti ding a nih,” a ti a.