DÂN PAHNINA 14:2 - Pathien Lekhabu Inthieng (BSI)

² Lalpa in Pathien ta dingin hnam inthieng in ni si a, hnuoi chunga hnam po poa ama puol bik ni ding cheuin Lalpain a thlang cheu in nih.

DÂN PAHNINA 14:2 ပူးပေါင်းရင်းမြစ်များ

EZRA 9:2

An naupasalhai le annihai ta ding ngei khawma an naunuhmeihai an nei si a; chuongchun, chi inthieng chu annia hin hieng rama mihai le hin ân chawkpawl ta a; anih, hi bawsietnaa hin mi ṭhahai le rorêltuhai hi a hmaṭhuoi an ni nghe nghe a nih,” an ta.

ISAI 41:9

nangni leihnuoi tâwpnaa inthawka ka mi ṭhuoi, a kia inthawka ka mi ko, “ka siehlawhai in nih, pei thla lovin ka thlang lem cheu,” ka itihai,

ISAI 6:13

Chun, a sûnga chun sâwm laia pakhat khawm la um sienla, fâk zoin um nâwk nghâl an tih; nisienlakhawm, sething le thingsaisuo chu phûr hnung khawma a bul a la um zing hlak angin chi inthieng chu a bul la um zing chu a nih,” tiin.

ISAI 62:12

Chuongchun, anni chu Mi Inthienghai, Lalpa intlanhai tîng an tih; nang chu Zawng suok, mâksan naw khawpui, tîng an ti che,’ tiin,” a ti a.

JEREMIA 2:3

Israel hi Lalpa ta dinga inthieng, a hlâwkna ra hmasa tak chu a na; ama fa zotuhai po po chu suola ngai nîng an ta, an chunga chun thil ṭha naw tlung a tih, Lalpa chun a tih.”

EZEKIEL 21:2

“Mihriem naupa, i hmai chu Jerusalem tieng innghat la, i thu chu hmun inthieng tieng inthla la, Israel ram chunga chun thu hril rawh;

DANIEL 12:7

Chun, puon zai inhmia inthuom, vadung tuihai chunga ngîr chun a kut changtieng le vawitieng chu vân tieng a phar a, chatuona Hring kuoma chun inkhâmin, “Hun khat le, hunhai le, hun chenve sûng nîng a tih; chun, mi inthienghai thilthawtheina chu a nâwia suknâwi vawng chu an zo pha chun hieng thil po po hi thaw zo ni tâng a tih,” a ti ka hriet a.

DANIEL 8:24

A thilthawtheina chu hrâttak nîng a ta, nisienlakhawm, ama thilthawtheina hran ngat chu ni naw ni; râpthlâktakin suksieng a ta, hlawtling a ta, a nuom nuom thaw bawk a tih; mi inthienghai le mi hrâttakhai chu sukse bawk a tih.

LEVI DÂN 11:45

In Pathien ni dinga Aigupta rama inthawka ṭhuoitu cheu Lalpa chu ka ni si a; kei kân thieng si a, chuleiin, nangni khawm in inthieng ding a nih.

LEVI DÂN 19:2

“Israel thla, mipuihai po po chu hril la, an kuomah, ‘In inthieng ding a nih, kei Lalpa in Pathien hi kân thieng si a.

LEVI DÂN 20:24

Amiruokchu, nangni kuoma chun, an ram, nênetui le khuoizua luong ram chu hluong in ta, in hluo dingin ka pêk cheu a nih, ka lo ti ta a. Kei hi Lalpa in Pathien, hnam danghaia inthawka suktumtu cheu chu ka nih.

LEVI DÂN 20:26

Ka ta dinga mi inthieng in ni ding a nih; kei Lalpa chu kân thieng si a, ka ta in nina dingin hnam danghaia inthawkin ka suktum ta cheu a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:1

Chuongchun, unauhai, Pathien lunginsietna lei hin inthâwina hring le inthieng le Pathien ilâwmtlâk ni dingin, in taksa chu inhlân dingin ka ngên cheu a nih; chu chu in rawngbâwlna âwm hrim a nih.

DÂN PAHNINA 14:21

“Mania thi chu iengkhawm in fâk ding a ni naw a, in umpui ram dang mihai fâk dingin pe thei in tih; hnam dang mihai kuomah a zawrin zawr thei bawk in tih; nangni chu Lalpa in Pathien ta dinga hnam inthieng in ni si a. Kêlte chu a pui nênetuiin in suong ding a ni nawh.

DÂN PAHNINA 28:9

“In kuomah ṭawng a lo inkhâm ta angin Lalpa chun ama ta dingin hnam inthiengah sukdet a ti cheu, Lalpa in Pathien thupêkhai in zâwm a, a lampuihai chu in hraw phawt chun.

DÂN PAHNINA 33:3

Anih, a mihai chu a hmangai a, A mi inthienghai po po chu a kutah an um a; I ke bulah an ṭhung a, I thu chu pawm peiin,

DÂN PAHNINA 4:20

Lalpa chun a mihai, a ro ni dinga thîr rawtuinaa inthawk, Aigupta rama inthawk chun a ṭhuoi suok lem cheu a ni kha, tuta in ni ang hin.

DÂN PAHNINA 7:6

Lalpa in Pathien ta dingin hnam inthieng in ni si a, leilunga hnam po poa inthawk ama chanpuol bîk ni dinga Lalpa in Pathienin a thlang cheu a nih.

DÂN PAHNINA 7:7

“Hnam dang nêka in tam leiin Lalpain in chungah a hmangaina ân fûktir a, a thlang cheu a ni naw a; hnam po poa hnam tlâwm tak in nih in sawnnaw.

TITA 2:14

Ama chun bawsietna po poa inthawka a mîn tlan theina dingin le, chi thlang bîk, thil ṭha thawa ṭhahnemngaia, ama ta dinga a sukthieng theina dingin ei aiin ân pêk kha.

1 PETER 2:9

Nisienlakhawm, inthima inthawka suok a, a var nasataka lût dinga kotu cheu ṭhatna chu in inentir theina dingin, nangni chu chi thlang, lal thiempuhai, hnam inthieng, Pathien mihai ngei in ni si a.