DÂN PAHNINA 13:5 - Pathien Lekhabu Inthieng (BSI)

⁵ Chun, chu zâwlnei amanih, mang neitu amani chu sukhlum ding a nih. Aigupta rama inthawka ṭhuoisuoka, suoka inthawka intlantu cheu Lalpa in Pathienin hraw ding thu a pêk cheu lampuia inthawka pêthmang dinga, Lalpa in Pathien chunga helna thu a hril leiin. Chuong ang chun nangni laia thil ṭha naw chu in sukbo ding a nih.

DÂN PAHNINA 13:5 ပူးပေါင်းရင်းမြစ်များ

1 LALHAI 13:19

Chuongchun, a kuoma chun a kîr ve nâwk a, a ina chun bei dâm a fâkin tui dâm a dâwn ta a.

1 LALHAI 18:40

Chun, Elija chun an kuomah, “Baal zâwlneihai hi man unla, pakhat khawm insuo naw ro,” a ta. Chun, an man a, Elija chun Kison vadunga chun a ṭhuoi thlâk a, chutaka chun a that tâwl a.

2 CHANCHIN SUINA 34:31

Chun, lal chu a hmuna chun a ngîr a, Lalpa chu zui a, a thupêkhai, a thuinhriettirhai, a thuruothai chu a lungril po po le a lungvar po poa zâwm a, lekhabua thuthlung thu zieka umhai po po chu thaw dingin Lalpa hmaa chun thuthlung a siem ta a.

JEREMIA 14:15

Chuleiin, ka hminga zâwlnei thuhriltuhai chungthua chun, LALPA chun hieng hin a tih: anni chu ka tir naw a; amiruokchu, hi rama hin kâwlhnâm le ṭâm tla naw ni, tituhai, chuong zâwlneihai chu kâwlhnâm le ṭâmin sukbohmang nîng an tih.

JEREMIA 29:32

Lalpa chun hieng hin a tih: Ngai ta u, Nehelam mi Semaia le a thlahai chu hrem ka ta; hi hnam laia chêng ding hi mi nei naw ni a, ka mihai laia thil ṭha ka thaw khawm chu hmu bawk naw ni, Lalpa chun a tih: Lalpa chunga helna thu a lo hril ta leiin,” tiin.

JEREMIA 50:6

“Ka mihai chu berâm inhmanghai an lo ni ta a, an vêngtuhai chun anni chu tlângahai chun inherhmangtirin, an ṭhuoi hmang a; tlânga inthawkin muola dâm chun an fe a, an riekna hmun chu an theinghil ta a.

JEREMIA 7:23

nisienlakhawm, hi thua hin thu ka pêk a, “Ka râwl hi ngai unla, in Pathien nîng ka ta, nangni khawm ka mihai nîng in tih; chun, thu ka pêk cheu po po kha hraw unla, in ta dingin ṭhâng a tih,” tiin.

ZEKARIA 13:3

Chun, anni mi tukhawma an thu an la hrillâwk zing chun, an nu le pa anni neitu ngei chun, ‘Dam naw ti ni; Lalpa hmingin khêlthu i hril si a,’ tîng an tih; chuongchun, a thu hril lai le le chun a nu le pa ama neitu chun ama chu sunthleng an tih.

THILTHAWHAI 13:8

Nisienlakhawm, Elum, (Bar-Isu hming dang umzie hi Dawithiem tina a nih), chu mipa chun, lal aiawtu chu, inringnawtir tumin, anni chu a lo kal a.

1 KORINTH 5:13

Nangniin sûngtienga mi in ngaituoin puotienga mihai ruok chu Pathienin a ngaituo hlak a ni naw am a nih? chu mi suol chu nangni laia inthawkin hnawt dawk ro.

DÂN PAHNINA 13:10

Lungin in dêng hlum ding a nih; Aigupta rama inthawka suoka inthawka ṭhuoi suoktu cheu Lalpa in Pathien kuoma inthawk a sukpêtna cheu a zawng leiin.

DÂN PAHNINA 13:15

kâwlhnâmin chu khuoa umhai chu in sukhlum ngei ngei ding a nih; a sûnga um po pohai, ran ruolhai leh kâwlhnâmin in sukbohmang vawng ding a nih.

DÂN PAHNINA 13:9

in sukhlum ngei ngei lem ding a na; a sukhlum dingin kut thlâk hmasâng i ta, chu hnunga chun mipui po poin,

DÂN PAHNINA 17:5

chu thil suol thawtu, pasal amanih, nuhmei amani ngei chu ṭhuoi suok in ta, lungin in dêng hlum ding a nih.

DÂN PAHNINA 17:7

Sukhlumna dinga chun hretuhai chun kut thlâk hmasâng an ta, chu hnungah mipui po poin. Chuong ang chun nangni laia inthawkin thil ṭha naw chu in sukbo ding a nih.

DÂN PAHNINA 18:20

Ka hminga hril dinga ka pêk naw hril luitu zâwlnei amanih, pathien danghai hminga thuhriltu zâwlnei amanih, chu zâwlnei chu sukhlum ding a nih,’

DÂN PAHNINA 19:19

a unau chunga thaw a lo tum ang chun a chungah in thaw ding a nih; chuong ang chun nangni laia thil ṭha naw chu in sukbo ding a nih.

DÂN PAHNINA 22:21

nunghâk chu a pa kawtkhâra chun ṭhuoi suok an ta, a umna khuoa mihai chun lungin dêng hlum an tih, a pa ina nawchizawra Israelhai laia thil suol invêtthlâktak el a thaw lei chun chuong ang chun nangni laia inthawkin thil ṭha naw chu in sukbo ding a nih.

DÂN PAHNINA 22:24

an pahniin khaw kul kawtkhârah ṭhuoi suok in ta, lungin in dêng hlum ding a nih; nuhmei chu khuoa um si a, a khêk naw leiin; pasal chu a tuolbâwm nuhmei a sukhmingsiet leiin; chuong ang chun nangni laia inthawkin thil ṭha naw chu in sukbo ding a nih.

DÂN PAHNINA 24:7

“Tukhawm Israel mi, a unauhai laia mi inru a, sal sawisaka sawisa amanih, a zawra zawr amanih hriet suok a ni chun, chu inrupa chu sukhlum ding a nih; chuong ang chun nangni laia inthawkin chu thil ṭha naw chu in sukbo ding a nih.

DÂN PAHNINA 26:14

Kan lusûn laiin chutaka mi chu kan fâk naw a, kan pawrche laiin kan sukthâm bawk naw a, mithi puolah kan pêk bawk nawh; Lalpa kan Pathien rawl chu kan ngai zing a, i thu mi pêk ang po po chun kan thaw a nih.

DÂN PAHNINA 4:19

Annawleh, vân tieng in hang ngha a, nisa dâm, thla dâm, arasi dâm, vân mi hai po po dâm in hang hmu a, Lalpa in Pathienin vânkhuphnuoia mi po po ta dinga a siempêkhai chun hîp a ti cheu a, bieng in ta, an rawng dâm bâwl khat rawi in tih.

DÂN PAHNINA 6:13

Lalpa in Pathien chu in ṭi ding a na, ama rawng chu bâwl in ta, a hming chau sâlin ṭawng in inkhâm ding a nih.

DÂN PAHNINA 7:4

In nauhai tuta mi zuituhai hi, pathien danghai rawngbâwl dingin ṭhuoikawiin um an ta; chun, Lalpa lunginsenna chu in chungah sukchawkin um a ta, sukbohmang vak el a ti cheu.

JOSUA 23:8

vawisûn chena in la thaw zing ang hin, Lalpa in Pathien chu chel tlat lem hlak ro.

THUPUONGSUO 19:20

Chun, Sahrâng chu an man a, zâwlnei tehlêm-Sahrâng inchikna nei le a lim chibai bûktuhai a hlêmna hlak thilmak a mithmua thawtu kha-an man sa a. An pahni chun kâta kâng mei dîla chun a hringin an pei a.

RORELTUHAI 20:13

Gibeaa Belial nauhai chu hung ṭhuoi ro, chuongchun, Israel rama suol hi a re theina dingin lo sukhlum kan tih,” tiin mi an tir a. Nisienlakhawm, Benjamin chihai chun an unau Israel thlahai thuhril chu an lo pawm nuom naw a.

1 SAMUEL 12:14

Lalpa chu in ṭi a, a rawng in bâwl a, a râwl in ngai a, Lalpa thupêk in helsan naw a, nangni le in chunga rorêltuhai leh Lalpa in Pathien zuituhai in ni chun ṭhang a ta;