DÂN PAHNINA 13:3 - Pathien Lekhabu Inthieng (BSI)

³ chu zâwlnei amanih, mang neitu amanih thuhai chu in pawm ding a ni nawh; Lalpa in Pathien chun in lungril po po le in hringna po poin Lalpa in Pathien chu in hmangai le hmangai naw ti hriet fiena dingin a fie cheu a ni lem.

DÂN PAHNINA 13:3 ပူးပေါင်းရင်းမြစ်များ

1 LALHAI 13:19

Chuongchun, a kuoma chun a kîr ve nâwk a, a ina chun bei dâm a fâkin tui dâm a dâwn ta a.

INPÂKNA HLABU 119:2

A thuinhriettirhai zâwmtuhai chu an hamṭha, Lungril po poa zawngtuhai chu.

INPÂKNA HLABU 66:10

Aw Pathien, nangin i mi fie a, Tangkaruo fiea a um angin, keini i mi fie a.

INPÂKNA HLABU 81:7

Lunginzîngin in mi ko a, ka sanhim cheu a, Vâninrûm inbîkhmangna hmuna khan ka dawn cheu a; Meriba tuia khan kân fie cheu kha.

FESUOKNA 20:20

Mosie chun mipui kuomah, “Ṭi naw ro. Pathien ṭiumna chu in hmua in suol nawna dingin nangni infiena ding cheuin ama chu a hung a ni si a,” a ti a.

ISAI 8:20

Dân thu le Inhriettirna Thu chu râwn lem ding a nih,” tiin. Chuong ang thu ang peia an hril naw chun an ta dingin khuo hrim hrim var dêr naw nih.

MATTHAI 24:24

Krista tehlêm le zâwlnei tehlêmhai an hung suok ding a ni si a; thei hai sien la chu, thlanghai rau khawm an hlêm theina dingin inchikna le thilmak ropuitakhai thâwng an tih.

THILTHAWHAI 17:11

Chutaka mihai chu Thessalonika mihai nêk chun an lo ṭha lem a, chuongchun, lungril lâwmtakin thu chu an pawm a, an thu hril chu ân dik le ân dik naw hrietna dingin ni tin Pathien Lekhaah an zawng hlak a.

1 KORINTH 11:19

Nangni laia a taktakhai chu an inlang theina dingin nangni lai awi dân tum khawm a um ding hrim a nih.

2 KORINTH 8:8

Thupêk tiengin ka hril naw a, mi dang ṭhahnemngainain in hmangaina takzie khawm chu infie dingin ka hril lem a nih.

EPHESI 4:14

Chuongchun, indiknawna zâwrna angin, var vervêka mihriem hlêm fâwmin, inchûktirna thli tinrênga khing tieng khing tienga vawr le lên lên naupang ni ta nâwm ei ni a,

DÂN PAHNINA 6:5

Lalpa in Pathien chu in lungril po poin, in lungvar po poin, in hrâtna po poin in hmangai ding a nih.

DÂN PAHNINA 8:16

in pi le puhai hriet ngailo manna chun a châwm cheu a, tuta hnunga in hung ṭhat theina dingin a sukhnuoi cheu a, a fie theina ding cheuin.

DÂN PAHNINA 8:2

Chun, a thupêkhai chu in zâwm ding le ding naw, in lungril hrietna dinga fiena ding le inngaitlâwmtir ding cheua thlalêra kum sâwmli a ṭhuoina cheu lampuihai po po kha hre zing ro.

2 THESSALONIKA 2:11

Chuleichun, thukhêl chu an awina dingin Pathienin suol sinthawna chu an kuomah intlungtir a tih,

1 JOHAN 2:19

Anni chu eini laia inthawkin an suok a, nisienlakhawm, eini mi tak an ni nawh; eini mi tak ni hai sienla, eini kuomah an um ve pei ding a ni si a. Nisienlakhawm, an rêngin eini mi tak an ni naw vawng ti ân lang fel theina dingin an mi suoksan ta a nih.

1 JOHAN 4:1

Dittakhai, thlarau nazawng chu ring naw ro, amiruokchu, thlarauhai chu Pathiena inthawk an ni le ni naw infie ro; thuhriltu tehlêm tamtak khawvêlah an hung suok ta leiin.

1 JOHAN 4:4

Nauhai, Pathiena inthawk in na, chuong chu in hne tah, nangnia um chu khawvêla um nêk chun a ropui lem leiin.

THUPUONGSUO 13:14

Hnuoia umhai kuomah, Sahrâng kâwlhnâma hliem hnung la dam chawimawina dingin ama lim an siem ding a ni ti hrilin, Sahrâng mithmua thilmak thaw dinga thu a ihmu, chuong thilmak lei chun hnuoia umhai chu a hlêm bawk a.

RORELTUHAI 2:22

an thlatuhai ihraw ang khan Lalpa dân an hraw ding le ding naw Israelhai fiena dingin anni chu hmang ka tih,” a ti ta a.

1 SAMUEL 26:19

Chuleiin, lalpa, ka pu chun a siehlaw thu hi ngai dingin ka hni che. Kei mi do dinga i lungril chawkthotu chu Lalpa a ni chun thilinhlân chu pawm hrâm sienla; mihriem nauhai an ni ruok chun Lalpa hmaah ṭawngsephurin um raw se, ‘Fe la, pathien danghai rawng bâwl rawh,’ tia Lalpa ro ka hluo thei nawna dinga vawisûn hin an mi hnawt hmang ka ni si a.